Исай 49:5 - Библи

⁵ Зай, иигээд, Яковай зониие суглуулжа бусаахын тула, Израилиин арад зониие суглуулхын тула Эзэн намайе эхымни умай соо бүрилдүүлээ, Өөрынгөө богоол болгоо. Тэрэ намда ехэ хүндэ үзүүлээ, Бурхан – минии хүсэн.

Исай 49:5 Referencias Cruzadas

Нэхэмьяа 8:10

Тэрэ арад зондо иигэжэ хэлэбэ: – Гэртээ харижа, эрхим эдеэ хоол эдигты, үзэмэй дараһан архинһаа хүртэгты, тиигээд үгытэй зондо хүндэһөө хубаалдагты. Энэ үдэр манай Эзэнэй нангин үдэр. Бү гашуудагты: Бурханай баяр таанарта шадал нэмээхэ.

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 25:1

Эзэн, Та – минии Бурханта. Таниие ехэ хүндэлэн, нэрыетнай магтан-дуулан байнаб. Та эртэнһээ түсэблэһэн гайхамшагта хэрэгүүдээ түгэс найдамтайгаар дүүргэбэт.

Исай 27:12

Тэрэ үдэр Эзэн таряа сохин орооһо илгаһандал, Евфрадһаа Египедэй хилэнүүд хүрэтэр таанадые, Израилиин арад түмэниие, нэгэ нэгээр суглуулха.

Исай 43:4

Ши Намда ехэ үнэтэй-сэнтэйш, угаа хайратайш, тиимэһээ шамайе абархын тула Би ондоо үндэһэ яһатаниие хамаагүй шинии түлөө үгэхэб, тэдэнээр һэлгэхэб.

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 49:1

Алас холуур ажаһуудаг арадууд, холын олтирогуудай ажаһуугшад, намайе шагныта! Эхын умай соо бүрилдэхэтэйм хамта Эзэн намайе шэлэжэ, Өөрын барлаг болгоо.

Исай 50:4

Һүр һүлдэгүй болоһон зониие дүнгэжэ, үгөөрөө туһалхыем Эзэн Бурхан намда юун гээд хэлэхыем заажа үгөө. Үглөө бүри Тэрэ намайе һэреэн, шэхыем һэргээн, юу айладхахаа байһыень шагнаха гэжэ тэсэн ядан хүлеэдэг намайе болгоно.

Исай 52:13

Эзэн иигэжэ айладхана: «Минии зараса урагшатай байха, ехэ хүндэтэй, нэрэ түрэтэй хүн тэрэ болохо.

Исай 56:8

Таран бутарһан Израилиин арад зониие суглуулагша Эзэн Бурхан үшөө олон зониие асархаб гэжэ найдуулна.

Ерэмияа 1:5

– Умай соо шамайе бүрилдүүлхынгөө урда тээ Би шамайе түсэблөөб, түрэхыншни урда тээ Би шамайе арюудхан, уласуудта лүндэншөөр Би шамайе табяаб, – гэжэ айладхаба.

Захарияа 6:13

Тиимэ, Эзэнэй Һүмэ бариха хүн Тэрэ юм. Тэрэ алдар солодо хүртэжэ, шэрээ зонхилон һууха. Санаартан өөрын шэрээдэ һууха. Хоорондоо эбтэй эетэй байха.

Матвей 11:27

Бүхы юумые Эсэгэмни Намда үгөө. Эсэгэһээ ондоо хэншье Хүбүүе мэдэхэгүй, мүн Хүбүүнһээ, баһа Хүбүүнэй дуулгаһан хүнүүдһээ ондоо хэншье Эсэгые мэдэхэгүй.

Матвей 15:24

– Би имагтал Израилиин төөрижэ хосорһон хонидто эльгээгдэһэн байгааб, – гэжэ Иисүүс харюусаба.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Матвей 23:37

– Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды һэдээ зүдхөө гээшэбиб. Теэд ши Намайе зүбшөөгөөгүйш!

Матвей 28:18

Тиигээд Иисүүс тэдэндэ ойртоод: – Тэнгэридэшье, газар дээрэшье бүрин эрхэ засаг Намда үгтэбэ!

Матвей 3:17

– Энэ Минии хайрата Хүбүүмни гээшэ, сэдьхэлыемни баярлуулна, – гэһэн абяан огторгойһоо дуулдаба.

Лука 19:42

– Хотын зон, амгалан байдалда юун хүргэхэб гэжэ энэ үдэр ойлгодог һайт! Теэд тэрэтнай мүнөө танай нюдэнһөө далда байна даа.

Иоанн 3:35

Эсэгэ Бурхан болбол Хүбүүндээ дуратай байжа, бүхы юумэ Тэрээнэйнгээ мэдэлдэ үгөө.

Хэрэгүүд 10:36

Амгалан байдал тухай номнолые Бурхан Иисүүс Христоосоор дамжуулан, бүхы Израилиин зондо айладхаа. Иисүүс Христоос хүн бүхэнэй Эзэн гээшэ.

Римэйхиндэ 15:8

Бурханай үбгэ эсэгэнэртэ үгэһэн найдуулгын бүтэһые харуулан, Христоос еврейнүүдэй зарасань болон ерээ гэжэ би хэлэнэб.

Галадуудта 1:15

Үшөө эхынгээ умайда байхадамни Бурхан агууехэ үршөөл хайраараа намайе шэлэжэ абаад,

Пётрой 1-дэхи хандалга 3:22

Христоос тэнгэридэ дэгдээд, бүхы Эльгээмэлнүүдые, тэнгэриин бүхы захиргаан, хүсэнүүдые эрхилэн, Бурханай баруун таладань оршоно.