Исай 49:10 - Библи

¹⁰ Тэдэ гэдэһээ үлдэхэгүй, ангахагүй, ааяма халуунда, наранда ядархагүй. Юуб гэхэдэ, тэдэниие Энэрэгшэнь хүтэлжэ, уһанай сөөрэмүүд руу дахуулха.

Исай 49:10 Referencias Cruzadas

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 25:4

Та үгытэйшүүлдэ хамгаалалтань, ядуу зондо түшэг тулгуубаринь боложо, шуурганһаа хоргодохо газар, халуунһаа халхалха һүүдэрынь болоо бэлэйт. Хэрзэгы дайсадай добтолгонь шулуун ханын урдаһаа ороһон бороо шуургандал һэн.

Исай 32:2

Эдэ удамаршадай хүн бүхэниинь һалхинһаа хорохо газар, шуурганһаа халхалха халхабша мэтэ, хуурай газараар урдагша уһанай һубаг, ангаһан-хатаһан газарта үндэр хабсагайн һүүдэр мэтэ болохо.

Исай 33:16

Тиимэ зон амар амгалан ажаһууха. Хабсагайн саана байһандал, тэдэ аюул гээшые мэдэнгүй ажамидарха, эдихэ эдеэтэй, ууха ундатай хододоо байха.

Исай 35:6

Дохолон хүн буга мэтэ собхоржо эхилхэ, хэлэгүй хүн баяртайгаар хашхарха. Уһан элһэн сүл губяар урдаха.

Исай 35:7

Хатаһан газар сөөрэм боложо, ангаһан газараар уһан урдажа, сүүбэн шонын унтадаг газарнуудаар хулһан, зэгсэнүүд ургаха.

Исай 4:6

Энэ халхабша үдэрэй ааяма халуунһаа аршалха, һүүдэр болохо, шуурга, бороонһоо хорохо газар, нэмэри болон байхал.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 41:17

Үгытэй, ядуу зон уһа бэдэржэ, ангаһандаа хэлэнэйнь хатан алдахада, Би, Эзэн, гуйлтыень дүүргэхэб, Би, Израилиин Бурхан, тэдэниие хаяад байхагүйб.

Исай 43:19

Харагты, Би шэнэ зүйл хэхэм. Тэрэ мүнөө бэелүүлэгдэжэ эхилээ, харахадатнай болохо. Мүн Би хээрэ талада зам гаргажа, элһэн сүл губида уһа урдахуулхаб.

Исай 48:17

Израилиин Арюун Эзэн Бурхан, таанадай Абарагша, иигэжэ айладхана: Би болбол танай Эзэн Бурхан гээшэб. Би таанадые аша туһатай юумэндэ һурганаб, ябаха ёһотой замаартнай ударидан байнаб.

Исай 48:21

Эзэн Бурханай Өөрын арад зониие элһэн сүл губяар хүтэлэн ябахада, тэдэ ангажа зобоогүй. Бурхан хабсагайһаа тэдээндэ уһа гаргажа, хадые хахалан, уһа урдахуулаа.

Исай 51:14

Баряанда абтаһан зон удахагүй сүлөөлэгдэхэ, хосорхогүй, эдеэ хоолоор дутамаггүй байха.

Исай 52:12

Энэ удаа таанад яаран гарахагүйт, тэрьедэжэ байхагүйт. Эзэн урдууртнай ябажа, таанадые хүтэлхэ, Израилиин Бурхан ара талаһаатнай таанадые аршалан ябахал.

Исай 54:10

Хада ууланууд хүдэлжэ, гүбээнүүд доһолжо болохо. Харин Минии энэрэл хайра шамһаа һалахагүй, энхэ тайбан тушаа хэлсээгээ хододоо сахин байхаб», – иигэжэ шамайе энэрэгшэ Эзэн айладажа байна.

Исай 54:8

Уурлаһан сагтаа агшам зуур Би шамайе орхёо һэм, гэбэшье хэтэ мүнхын энэрэл хайраяа шамда үзүүлхэб». Шамайе Абарагша Эзэн иигэжэ айладана.

Исай 58:11

Тиихэдэ Би таанадые хододоо ударидажа, ган гасуурайшье үедэ хэрэгтэй юумээртнай хангажа, бэеытнай шанга болгожо байхаб. Таанад уһалһан сэсэрлиг мэтэ, шэргэшэгүй булаг мэтэ болохот.

Исай 65:13

Тиимэһээ Би, Эзэн Бурхан, таанадта иигэжэ соносхоноб: Намда һүгэдэн зальбардаг зон эдихэ хоол, ууха ундаар элбэг-дэлбэг байхадань, таанад гэдэһээ үлдэжэ, ангажа байхат.

Ерэмияа 31:9

Тэдэ уйлалдан ошоо һэн, Би хадаа тэдэниие аргадан, сэдьхэлыень заһан бусаахаб. Би тэдэниие урасхал уһан руу бүдэрхэгүй тэгшэхэн замаар хүтэлэн асархаб. Юуб гэбэл, Би Израильда Эсэгэнь болонхойб, Эпрааим болбол Минии ууган хүбүүн юм.

Эзэкээл 34:23

Таанадые адуулдаг хонишоноор Өөрынгөө албатан Давидые томилхоб. Тэрэ таанад тушаа һанаагаа табидаг болохо.

Иона 4:8

Наранай гарамсаар Эзэн зүүн зүгһөө халуун һалхи үлеэлгүүлбэ. Халуун наран хайра гамгүйгөөр Ионын толгойе шаража эхилбэ. Иона тэнхээ тамираа алдахадаа, бэедээ үхэл эрин иигэжэ хэлэбэ: – Амиды ябанхаар үхэһэмни дээрэ.

Михей 7:14

Өөрынгөө арад түмэниие дахуулан ябыт, Эзэн! Өөрын уг залгамжалгын хуби зониие хони харюулдаг мэтээр очирто баягаараа харюулан байгыт! Тэдэ зон ой модон соо амяараа ажаһууна, теэд эртэ урда сагтал адляар, тэдэ үрэжэлтэ Башаан болон Галаадта ажаһууг лэ!

Матвей 5:6

Үнэн зүбые угаа ехээр хүсэгшэд жаргалтайл, тэдэнэр һанаһандаа хүрэхэл.

Иоанн 6:35

– Би Өөрөө ажамидаралай хилээмэн гээшэб. Намда ерэдэг хүн хэзээдэшье үлэн хооһон байхагүй, Намда этигэдэг хүн хэзээдэшье ундаа хүрэхэгүй.