Исай 49:1 - Библи

¹ Алас холуур ажаһуудаг арадууд, холын олтирогуудай ажаһуугшад, намайе шагныта! Эхын умай соо бүрилдэхэтэйм хамта Эзэн намайе шэлэжэ, Өөрын барлаг болгоо.

Исай 49:1 Referencias Cruzadas

Исай 11:11

Тэрэ үдэр Эзэн хоёрдохёо гараа һунгажа, Өөрын арад түмэнэй үлдөөсые бусааха, Ассириһээ, Египедһээ, Патроосһоо, Күүшһээ, Элаамһаа, Шинаарһаа, Хамаадһаа болон далайн аралнуудһаа асарха.

Исай 24:15

Дорно зүгэйхид, Эзэндэ алдар соло дуудагты! Далайн эрьеэр ажаһуугшад, Израилиин Эзэн Бурханай нэрые алдаршуулагты!

Исай 33:13

Холо, ойрын арад яһатан, Минии хэһэн үйлэ хэрэгүүд тушаа шагныт, Минии хүсэ шадалые мэдэрэн ойлгыт!

Исай 41:1

Эзэн Бурхан иигэжэ айладхана: – Холын нютагууд, абяа шэмээгүй болоод, Намайе шагнагты! Хамта ерэжэ, хэрэгээ шүүхэдэ хөөрэжэ үгыт.

Исай 42:12

Холын орон нютагуудаар ажаһуугшад Эзэн Бурханда магтаал, алдар соло үргэг лэ!

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 44:24

– Би таниие абарагша Эзэмби. Би таанадые хэбэл соо байгуулааб. Би, Эзэн, бүхы юумэ бүтээгээб, Би гансаараа огторгойе татажа, дэлхэйе гансаараа дэлгээб.

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 45:3

Шамайе нэрээршни дуудадаг Израилиин Эзэн Бурхан Би гээшэб гэжэ шамда мэдүүлхын тула харанхы, нюуса газарнуудһаа эд баялиг, эрдэни зэндэмэни үгэхэб.

Исай 46:3

«Яковай уг удам, Израилиин үри һадаһадай үлдөөсэ, Намайе шагнагты! Түрэһэн сагһаатнай хойшо Би таанадые гар дээрэ үргэжэ ябааб, таанад тушаа һанаагаа зобооб.

Исай 49:12

Минии арад түмэн алас холоһоо, хойто, баруун зүгүүдһээ, урда зүгтэ байгша Египедэй Сиһээнэһээ ерэхэ.

Исай 49:5

Зай, иигээд, Яковай зониие суглуулжа бусаахын тула, Израилиин арад зониие суглуулхын тула Эзэн намайе эхымни умай соо бүрилдүүлээ, Өөрынгөө богоол болгоо. Тэрэ намда ехэ хүндэ үзүүлээ, Бурхан – минии хүсэн.

Исай 51:5

Минии заларха саг ойртоо, тиигээд Би тэдэниие абархаб. Би Өөрөө үндэһэ яһатадые сүүдлэхэб, алас холын орон нютагууд Минии залархые, тэдэниие абархые ехэ найдан хүлеэнэ.

Исай 52:13

Эзэн иигэжэ айладхана: «Минии зараса урагшатай байха, ехэ хүндэтэй, нэрэ түрэтэй хүн тэрэ болохо.

Исай 55:3

Һайса шагнагты, Нам руу ерэгты! Дуулагты, иигэжэ таанад амиды мэндэ байхат! Хэтэ мүнхын хэлсээ таанадтай баталхаб, Давидта найдуулһан үршөөл хайраяа үзүүлхэб.

Исай 57:19

Холо, ойрын зондо бултандань энхэ тайбан байдал үршөөнэб. Өөрын арад зониие аргалхаб.

Исай 60:9

Олтирогууд Эзэндэ найдана, Таршиишэй онгосонууд түрүүлэн наашаа ерэжэ байна! Тэдэ болбол холын оронуудһаа танай арад зониие, алта, мүнгыень асаржа байна. Эзэн Бурханайтнай, Израилиин арюун Бурханай захиралта иигэжэ гүйсэдхэнэ, Тэрэ таанадые алдаршуулаа!

Исай 66:19

Би тэдэнэй дунда дүлгэ тэмдэг харуулхаб! Заримашуулыень абаржа, ондоо арадуудта, алас холын нютагуудта, юрэдөө, Нам тушаа дуулаагүй, Минии һүр жабхалан, хүсэ шадал хараагүй зон руу – Испани, Ливи, мэргэн харбаашадтай Лиди, Тубаал, Греци руу ябуулхаб. Тиихэдэм тэдэ Минии һүр жабхалан тушаа арадуудта соносхохол.

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Ерэмияа 1:5

– Умай соо шамайе бүрилдүүлхынгөө урда тээ Би шамайе түсэблөөб, түрэхыншни урда тээ Би шамайе арюудхан, уласуудта лүндэншөөр Би шамайе табяаб, – гэжэ айладхаба.

Цэпаанияа 2:11

Эзэн тэдээндэ угаа аймшагтай болохо. Юуб гэхэдэ, Тэрэ дэлхэйн бурхадые ямаршье хүндэгүй бологохо, арад бүхэн байдаг газарһаа Тэрээндэ зальбаран мүргэдэг болохо.

Лука 1:15

юундэб гэхэдэ, хүбүүншни Бурханай нюдэндэ агууехэ хүн байха: үзэмэй дараһан архи амсахагүй, бүри эхынгээ умайда байхадаа Арюун Һүлдэ тогтоожо абаха,

Лука 1:31

Ши хүндэ болохош, хүбүү түрэхэш, тэрээндээ Иисүүс гэжэ нэрэ үгэхэш.

Иоанн 10:36

Харин Намайе Эсэгэмни Өөртөө зорюулан, энэ дэлхэйдэ эльгээгээ юм. Тиимэһээ «Би Бурханай Хүбүүнби» гэхэдэмни, «Та Бурханиие доромжолнот» гэжэ таанар Намда юундэ хэлэнэт?!

Галадуудта 1:15

Үшөө эхынгээ умайда байхадамни Бурхан агууехэ үршөөл хайраараа намайе шэлэжэ абаад,

Эфесэйхиндэ 2:17

Христоос ерэжэ бүхы хүнүүдтэ, Бурханһаа холо байһан бусад арадуудташье, Бурханай ойро байһан еврейнүүдтэшье энхэ тайбан тухай Һайн Мэдээсэл номноо.

Еврейнүүдтэ 12:25

Эзэнэй айладахадань, шагнахагүйбди гэжэ бү арсаарайгты. Тэрэнэй газар дэлхэй дээрэ айладахадань, шагнангүй Өөрыень буруушааһан хүнүүд хэһээлтэһээ мултараагүй. Харин тэнгэриһээ айладахадань, арсабал, хэһээлтэһээ бүришье мултархагүйбди.

Пётрой 1-дэхи хандалга 1:20

Юртэмсэ дэлхэйн зохёон бүтээгдэхэһээ урда таанадайл аша туһада Бурхан Христоосые шэлэжэ абаа, үе сагай дүүрэжэ байхада Тэрэниие элирхэйлэн харуулаа.