Исай 48:13 - Библи

¹³ Минии гарнууд газарай үндэһэ һуури табяа, огторгойе дэлгээ. Газар, огторгойе дуудахадам, тэдэ хамта тэрэ дары бии болодог.

Исай 48:13 Referencias Cruzadas

Иоов 37:18

Тэрээндэ адли шудхамал толи мэтэ сэлмэг тэнгэриие бүтээжэ шадаха гүш?

Псалманууд 147:4

Тэрэ газарта захиралтаа эльгээдэг, үгэнь угаа хурдан хүрэдэг юм.

Египедһээ гаралга 20:11

Юуб гэхэдэ, Эзэн огторгой, газар, далай бүтээгээд, досоонь байгааша бүхы юумэ зургаан үдэрэй туршада байгуулаа, харин долоодохи үдэртэ амараа. Тиимэһээ Эзэн гарагай долоое үреэлдөө хүртөөгөөд, нангин үдэр болгоо.

Исай 40:12

Хэн тэнгис далайн уһые гарайнгаа альгаар хэмжэжэ, һөөмөөр тэнгэриие хэмжүүрлэжэ шадахаб? Хэн газарай шоройе амһартаар хэмжүүрлэн тооложо, уула, гүбээнүүдые шэгнүүрээр шэгнэхэ аргатайб?

Исай 40:21

Таанад мэдэхэгүй юм гүт? Таанадта үнинэй хэлэгдээгүй юм гү? Дэлхэйн яажа бии болоһон тухай таанад дуулаагүй юм гүт?

Исай 40:22

Таршаа шумуул мэтэ улад зонтой дэлхэйн тойрог дээрэ заларагшань Тэрэ бэлэй. Тэрэ огторгойе хүшэгэ мэтэ татажа, майхан мэтэ дэлгээ.

Исай 40:26

Огторгой руу харагты! Хэн одо мүшэдые байгуулааб? Сэрэгтэл адляар тэдэниие захиран гаргагша Бурхан тэдэниие тоо тоогоорнь, нэрээрнь мэдэдэг. Тэрэнэй хүсэ шадал агууехэ, ямаршье юумэн Тэрээндэ дутуу байхагүй!

Исай 42:5

Бурхан огторгойе бүтээжэ татаа, дэлхэйе үрэ жэмэстэйнь Тэрэ байгуулжа дэлгээ, Тэрэ улад зондо, амитадта ами наһа, амисхаал бэлэглээ. Тиигээд мүнөө Эзэн Бурхан Өөрын богоолдо иигэжэ айладхана:

Исай 44:24

– Би таниие абарагша Эзэмби. Би таанадые хэбэл соо байгуулааб. Би, Эзэн, бүхы юумэ бүтээгээб, Би гансаараа огторгойе татажа, дэлхэйе гансаараа дэлгээб.

Исай 45:12

Дэлхэйе бүтээжэ, дээрэнь зониие бии болгоһониинь Би мүн! Өөрын хүсэ шадалаар огторгойе дэлгээб, нара, һара, мүшэдые зонхилон удариданаб.

Исай 45:18

Огторгойе бүтээһэн, газарые байгуулһан, бии болгоһон, һуурииень табиһан, хооһон байхын тула бэшэ, амидархын тула бүтээһэн, байгуулһан Эзэн иигэжэ айладажа байна: Би болбол Эзэн гээшэб. Намһаа ондоо Бурхан байхагүй!

Исай 51:13

Таанадые Бүтээгшэ, огторгой татажа, газарай һуури табигша Намайе, Эзэнээ, таанад юундэ мартаабта? Таанадые дарлажа байгшадай, усадхахаар бэлэн байһан дайсанай уур хилэнһээ ходо айжа таанад юундэ байнабта? Харин тэрэ ууртай дарлагша хаанаб?

Ерэмияа 51:15

Эзэн Өөрын хүсэ шадалаар газар дэлхэйе бүтээгээ, Өөрын мэргэн ухаагаар юртэмсые тогтоогоо, Өөрын оюун ухаагаар огторгой татаа.

Римэйхиндэ 4:17

Нангин Бэшэг соо: «Би шамайе үнэр олон арад зоной элинсэг эсэгэ болгооб», – гэжэ хэлээтэй байдаг. Үхэһэн юумые амидыруулдаг, байхагүй юумые захиралтаараа бии болгодог Бурханда һүзэглэһэн Абраһаам манай эсэгэ юм.