Исай 48:1 - Библи

¹ Яковай үринэр, Израилиин нэрээр ябагшад, Иудын үриһээ гарагшад, энээниие соносыта! Эзэнэй нэрээр тангаригладагшье һаа, Израилиин Бурханай нэрэ дуудадагшье һаа, досоогоо Тэрээндэ үнэн сэхэ бэшэт, зүб шударга бэшэт.

Исай 48:1 Referencias Cruzadas

Эхин 32:28

Тиихэдэнь Тэрэ хэлэбэ: – Энээнһээ хойшо шинии нэрэ «Яков» бэшэ болохо. Ши хүнтэй барилдажа, илаад, удаань Бурхантай барилдажа диилэһэн хадаш шамда «Израиль», оршуулбал, «Эзэн Бурхантай барилдагша» гэдэг нэрэ үгтэбэ.

Эхин 35:10

Бурхан тэрээндэ иигэжэ айладхаа: – Мүнөө болотороо ши эхэ, эсэгынгээ үгэһэн «Яков» гэжэ нэрээр ябааш. Харин энэ сагһаа эхилэн, ши Минии үгэһэн «Израиль» нэрэтэй болобош.

4 Хаан түрэнүүд 17:34

Тэдэнэр мүнөө болотор урданайнгаа ёһо заншалые сахиһаар зандаа юм. Тиимэһээ тэдэнэр Эзэндэ шүтэн мүргэхэеэ, Яковай нэрые «Израиль» гэжэ һэлгээд, тэрэнэй уг удамуудта сахигты гэжэ захиһан Эзэнэй бүхы захяа заабаринуудые, хуулинуудые болон Һургаалнуудые сахихаяа болишобо.

4 Хаан түрэнүүд 5:20

Бурханай хүн гэжэ тоологдодог Элишаагай зараса Гэһаази: «Минии эзэн араам Наамаанай асарһан бэлэгые абабагүй. Эзэнтэй хамта тангаригланаб. Би тэрэниие хүсэжэ, юушье һаань, абаха ёһотойб», – гэжэ сэдьхээд,

Псалманууд 63:11

Зүб шударга хүн хорохо газар Эзэн дотор оложо баярлаха. Сэбэр һэшхэлтэй бүхы зон Тэрэниие магтан баясаха.

Псалманууд 66:3

Тиигэбэл, Танай зам газар дэлхэй дээр ойлгосотой болохо, бүхы үндэһэтэд абаралыетнай ойлгохо.

Псалманууд 68:26

Гэр байрань хооһорог, майхануудтань хэншье ажаһуухаа болиг!

Псалманууд 68:27

Юуб гэбэл, Танай шархатуулһан хүниие тэдэ шахан намнан байна, Танай хадхаһан зондо тэдэ үшөө зоболон ушаруулна.

Египедһээ гаралга 23:13

Айладаһан бүгэдыем сахиха ёһотойт. Ондоо бурхадай нэрэ бү дурдагты, хэлэ амандатнайш тэдэ бү орог.

Һургаал 5:16

Уһаншни гудамжа руу халижа, урасхалынь талмай дээгүүр урдажа байха юм гү?

Исай 26:13

Эзэн Бурхамнай! Хэзээдэшьеб Танһаа ондоо эзэд бидэниие зонхилдог байгаашье хадань мүнөө бидэ гансал Таниие магтан дууланабди!

Исай 44:5

Нэгэнь «Би Эзэнэйб» гэжэ хэлэхэ, нүгөөдэнь Яков нэрэтэй болохо. Зарим хүн гар дээрээ «Эзэнэй» гэжэ бэшэхэ, Израиль гэжэ нэрэ абаха.

Исай 45:23

Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 46:12

Таанад, үсэд зантай зон, Намайе шагнагты! Үнэн зүб, һайниие хэхэ гээшэ үшөө үды гээд һананат.

Исай 51:1

Эзэн иигэжэ айладхана: «Зүб шударга ажаһуудаг, Эзэниие бэдэрэгшэ зон, Намайе шагнагты! Сабшажа, таанадые тэндэһээ гаргаһан хабсагай руу, малтажа, таанадые тэндэһээ абаһан нүхэн руу харагты.

Исай 51:2

Элинсэг эсэгэ Абраһаам, таанадые түрэһэн эхэ Саррые һанаандаа оруулагты. Би Абраһаамай ори ганса, үхи хүүгэдгүй байхадань үреэжэ, үхи хүүгэдые үршөөгөө бэлэйб. Иигэжэ уг удамынь угаа үнэржүүлээ һэм.

Исай 58:2

Тэдэ үнэн зүбые үйлэдэдэг, Бурханайнгаа хуули мартаагүй үндэһэтэн мэтэ Намда үдэр бүри мүргэдэг. Тэдэ Минии хуули ёһо заабарилхыемни тодон абадаг мэтэ, Намда ехэ дуратайгаар мүргэдэг мэтээр хэлэдэг».

Исай 62:8

Эзэн иимэ шанга шахаа тангариг үргөө бэлэй: «Шинии таряа талхан бэшэ хэзээдэшье дайсадайш хоол хүнэһэн болохогүй, хариин зон шинии үзэмэй дараһан архи уухагүй.

Исай 64:6

Бидэ бултадаа бузартай зүйлнүүдтэ адли болообди, бидэнэй һайн хэрэгүүд муухай болоһон хубсаһандал адли. Набша мэтэ хатажа байнабди, гэмтэ хэрэгүүднай һалхин мэтэ маанадые тууна.

Исай 65:16

Дэлхэй дээрэ байгшадай хэн нэгэн юрөөл тушаа гуйбал, бодото Бурханһаа юрөөл гуйха. Шахаа тангариг үргэхэеэ һанаһан хэн нэгэн үнэнхэ Бурханай урда тангариглаха. Урданай зоболонгууд мартагдаха.

Ерэмияа 4:2

үнэнхэ зүрхэнһөө, зүбөөр, шударгыгаар Минии нэрээр тангариглаха эрхэдэ хүртэхэш. Тиихэдэ бүхы үндэһэн арадууд Минии нэрээр бэе бэеэ үреэдэг болохо, Намайе магтажа байха.

Ерэмияа 44:26

Тиимэ хадатнай Би, Эзэн, Өөрынгөө агууехэ нэрээр тангаригланаб: Египедэй орон нютагта ажаһуугша иудейнүүдтэ Минии нэрээр тангариглахыень хориноб!

Ерэмияа 5:2

Эзэн амиды гэжэ таанад хэды дахин хэлээшье хадаа хуурмаг тангариг үргэнэт.

Левит 19:12

Намайе урдаа баряад, тангариг бү хэлэгты. Бурханайнгаа нэрэ бү гутаагты. Би Эзэн гээшэб.

Михей 2:7

Яковай үринэр! Таанарта хэлэгдээгүй юм һэн гү? Эзэн тэсэбэригүй гэжэ гү? Эдэ болбол Тэрэнэй үйлэ хэрэгүүд гү? Зүб шударгаар хэрэг эрхилэгшэдэ Тэрэ «Һайн» гэжэ айладанагүй юм гү?

Цэпаанияа 1:5

Гэрэй хушалта дээрэһээ огторгойн одо мүшэдтэ зальбарагшадые, Минии нэрээр тангариг үргэжэ байтараа Милхоом бурхандаа эрьежэ, тэрэнэй нэрээр тангариглажа байгшадые,

Захарияа 5:3

Эльгээмэл намда иигэжэ хэлэбэ: – Энэ хадаа бүхы газар дэлхэйдэ бууһан хараал гээшэ. Хулгай хэһэн хамаг амитан һүнэхэ гэжэ нэгэ таладань бэшээтэй, худалаар тангариг үгэһэн хүншье баһал һүнөөгдэхэ гэжэ нүгөө таладань бэшээтэй.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Тоололго 24:7

Шинии үрэһэнүүдэй ургахын тула шамда уһан хододоо элбэг байха! Шинии хаан Агааг хааниие илаха, шинии хан түрэ агууехэ болохо.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Иоанн 1:47

Урдаһаань Натанаилай ерэжэ ябахые Иисүүс хараад: – Хуурмаг мэхэгүй, жэнхэни Израилиин хүн байна, – гэбэ.

Иоанн 4:24

Бурхан болбол Һүлдэ мүн; тиин Бурханиие үнэн дээрээ хүндэлхэнь Һүлдын үнэн зүбэй һургаһан ёһоор Тэрээндэ һүгэдэн мүргэхэ болоно.

Римэйхиндэ 2:17

Заримантнай өөһэдыгөө еврейби гэжэ нэрлэнэ, Хуулида найдана, Бурханаар бахархана.

Римэйхиндэ 9:6

Бурхан амалһан юумэеэ дүүргээгүй гэжэ хэлэхын аргагүй. Һүүлэй һүүлдэ Израилиин арад зон бултадаа Бурханай бодото хүнүүд бэшэ.

Римэйхиндэ 9:8

Ондоогоор хэлэбэл, юрын аргаар түрэһэн үхибүүд Бурханай үхибүүд бэшэ. Бурханай найдуулһанай ёһоор лэ түрэһэн үхибүүд бодото үри һадаһад гэжэ тоологдодог.

Хуули дабталга 10:20

Эзэн Бурханаа хүндэлэгты, Тэрээндэ һүгэдэгты, Тэрээндэ хододоо үнэн сэхэ байгты. Гансал Тэрэнэйнгээ нэрээр тангариглагты.

Хуули дабталга 33:28

Израиль аюулгүй амгалан ажаһууна, Яков орооһо таряагаар, жэмэсэй архяар баян, бороо хурын ородог газар дээрэ гансаараа хашалгүй ажаһууна.

Хуули дабталга 5:28

Эзэн эдэ бүгэдые дуулахадаа, иигэжэ намда айладаба: «Арад зоной шамда хэлэһэн үгэнүүдые дуулааб, хэлээшэнь тон зүб.

Хуули дабталга 6:13

Эзэн Бурханаа хүндэлэгты, гансал Тэрээндэ алба хэгты, гансал Тэрэнэй нэрээр тангариглагты.

Тимофейдэ 1-дэхи 4:2

Тэрэ хуурмаг һургаал халуун түмэртэ хайруулжа, һэшхэлээ алдаһан билдагууша худалшадай оролдолгоор тараха.

Гэршэлгэ 2:9

танай зоболон гашуудалые, үгытэй ядуу байһыетнай мэдэнэб, – үнэндөө таанад баянта! Мүн еврейнүүд бэшэ аад, еврейнүүдбди гэгшэдэй таанадые хардаашадые Би мэдэнэб, юундэб гэбэл, тэдэнэр сатанагай мэдэл доро сугларһан улад гээшэ.

Гэршэлгэ 3:9

Хаража байгаарайт! Өөһэдыгөө еврейнүүд гэжэ тоолодог аад, сатанагай мэдэлдэ байһан уладые танда асараад, хүлдэтнай унан дохихыень баадхахаб. Үнэхөөрөө тэдэнэр еврейнүүд бэшэ, худалаар хэлэнэ. Мүн танда дуратай байһыемни тэдэ улад мэдэхэ.