Исай 47:1 - Библи

¹ Эзэн иигэжэ айладана: «Вавилооной басаган, хүүхэн, доошоо буужа, шорой дээрэ һуу! Газарта һуу! Халдейшүүдэй басаган, хан шэрээ бэшэ үгы шуу! Хэзээдэшьеб шамайе урихан, нариихан басагантай жэшээлдэг байгаа, харин мүнөө тиимэ бэшэш!

Исай 47:1 Referencias Cruzadas

Иоов 2:13

Тиигээд хэнииньшье тэрээндэ нэгэшье үгэ хэлэнгүй, долоон үдэр, долоон һүни хажуудань газар дээрэ һууба. Угаа ехэ үбшэн шаналалда баригдаһыень хараба.

Иоов 2:8

Иоов бэеэ маажаха гэжэ хатуу шабарай хэлтэрхэй абаад, үнэһэн бурма соо һууба.

Псалманууд 137:8

Эзэн минии түлөө үһөөгөө абаха! Эзэн, энэрэл хайратнай хэтэ мүнхын, Өөрын гараар бүтээгшэ бүтээлнүүдээ бү орхиит.

Исай 13:1

Энэ болбол Вавилоон тухай зүн табилга. Амооцой хүбүүн Исай иимэ үзэл үзэһэн байна.

Исай 13:13

Огторгойе шэшэрүүлхэб. Минии, Түмэн Сэрэгтэ Эзэнэй, уур хилэнгээ харуулхада, газар дэлхэй байраһаа хүдэлэн шэшэрхэ.

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 21:1

Далайн эрьедэхи элһэн сүл губи тухай зүн. Урда зүгэй газараар бурьялагша хуй һалхин мэтэ дайсан элһэн сүл губиһаа, аймшагтай газарһаа ерэжэ байна.

Исай 23:12

«Сидооной хотонууд, жаргаха-сэнгэхэ сагтнай һалаа! Таанад дарагдаат! Зонтнай Киттиим руушье зориходоо, тэндэ амгалан тайбан ажаһуухагүй», – гэжэ Эзэн айладхаба.

Исай 26:5

Дээрэлхүү, бардам зантайшуул Тэрээндэ хамараа сохюулаа, тэдэнэй ажаһуудаг хүсэ ехэтэй хотые Тэрэ һандаргаа. Ханануудыень унагаажа, тооһо шоройтой худхаа.

Исай 37:22

Сэннахэриибтэ айладаһан Эзэнэй үгэ иимэ: «Шамайе Сионой басаган үзэн ядана, шамайе наада барижа энеэнэ! Шинии хойноһоо хаража, Иерусалим толгойгоо һэжэрнэ.

Исай 52:2

Шоройгоо өөрһөө гүбижэ, һэргэн бодыш, баряанда байгаа Иерусалим! Баряанда байгаа Сионой улад зон, хүзүүнһээ гэнжэ таһалан хаягты!

Ерэмияа 13:18

Эзэн намда: – Хаанда болон хатан эхэдэнь хаан шэрээһээ бууха тухай хэлэ. Юуб гэхэдэ, тэдэнэй гоё һайхан титим толгойһоонь унаа.

Ерэмияа 46:11

Египедэй улад зон, Галаад руу ошогты, эм дом бэдэрэгты. Теэд дэмы бэдэрхэш, шамайе аргалха эм үгы.

Ерэмияа 48:18

Дибоондо амиды мэндэ ажаһуугшад, һүр жабхаланта һууриһаа доошоо буугыт, тооһо шорой соо һуугты, юуб гэхэдэ, Моһаабые хюдагша хажуудатнай ерээд, хэрэмүүдыетнай һандаргаахал.

Ерэмияа 50:1

Халдейшүүдэй орон нютаг Вавилоон тушаа Эзэнэй намда айладхаһан үгэнүүд энэ:

Ерэмияа 50:42

Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Вавилооной басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Ерэмияа 51:1

Эзэн иигэжэ айладхана: – Вавилоон руу болон ажаһуугшад руунь Би һандарал асардаг һалхи эльгээхэб.

Ерэмияа 51:33

Халта болоод дайсан тэдэниие хороохо, Вавилооной басаган тээрмэдэ үйрүүлэгдэжэ байһан орооһондол, гэшхэн буталха. Энэ болбол Би, Түмэн Сэрэгтэ Эзэн, Израилиин Бурхан, айладхана мүн!

Ерэмияа 51:51

Таанад хэлэхэдээ, «бидэ доромжолуулагдаабди, эшээбди, ямаршье хүсэгүй байнабди, юуб гэхэдэ, хариин зон Эзэнэй Һүмэдэ нангин газарнуудые бузарлаа» гэнэт.

Гашуудал 2:10

Сионой аха захатан шэмээгүй газарта һууна, толгойдоо үнэһэ сасаа, гашуудалай шэрүүн хубсаһа үмдөө. Иерусалимай басагад толгойгоо газар руу гунхуулаа.

Гашуудал 2:21

Хүүгэд, хүгшэд газарта, харгын захаар хэбтэнэ! Залуу хүбүүд, басагадни һэлмээр сабшуулан алуулаа! Хилэнтэ үдэртөө Та тэдэниие алаат, хайра гамгүй усадхаат!

Гашуудал 4:5

Амтатай эдеэ хоол эдидэг байһан зон мүнөө гудамжануудаар гэдэһээ үлдэжэ үхэжэ байна. Шад улаан һайхан хубсаһа үмдэдэг байһан зон мүнөө хаядаһанай амһартаар эдеэ хоол бэдэрнэ.

Эзэкээл 26:16

Далайн эрьеэр оршодог улас түрэнүүдэй хаашуул хан шэрээһээ буужа, нэмэргэнүүдээ, шэрэн оёһон гоё һайхан хубсаһануудаа хуу татан тайлажа, шэшэрэн доогуур һууха. Диилдэжэ байһан тухайш шэнэ һонин байд гээд лэ дуулажа байхадаа, тэдэ шэшэрхэ һалганахаяа оройдоош болюулжа шадахагүй.

Эзэкээл 28:17

Гоё һайхан байһандаа ши ехэрхэжэ эхилээш. Мэдээжэ, суутай болоһондоо ухааншни балартаба. Тиимэһээ Би шамайе газар руу хаяжа, бусад хаашуулда жэшээ болгон харуулаа һэм.

Иона 3:6

Энэ хэрэг Нинэвээгэй хаанда дуулдаба, тэрэ өөрынгөө хан шэрээһээ бодобо, үмдэжэ ябаһан хубсаһаяа тайлаад, гашуудалай шэрүүн бүд хубсаһа үмдөөд, шандаруу дээрээ һууба.

Хаггай 2:22

хан түрэнүүдые үгы хэхэнь, арадуудай хан түрэнүүдэй хүсэ шадалынь бууруулхань. Дайшалхы тэргэнүүдые хүмэрюулжэ, жолоошодыень унагаахань. Морин сэрэгшэд бэе бэеэ һэлмээр сабшан усадхаха.

Захарияа 2:7

«Һэй, Сион, Вавилооной үхинтэй хамта байрлаһан таанар тэндэһээ зайлагты» гээ.

Гэршэлгэ 18:7

Өөрыгөө тэрэ хэды ехээр магтуулаа гээшэб, хэды ехэ баялиг соо умбаа гээшэб, тэды ехэ ядарал зоболон, уйдхар гашуудал тэрээндэ асарагты! Юундэб гэбэл, тэрэ ниислэл иигэжэ досоогоо һанаа: «Би хатан шэнги һайн һуунаб, би бэлбэһэн эхэнэр бэшэб, уйдхар гашуудалые үзэхэгүйб!»