Исай 46:1 - Библи

¹ Вавилооной Бээл болон Нэбоо гэдэг бурхадай эсэс ерээ! Тэдэ элжэгэнүүд дээрэ ашагдажа, ашаанай эсэһэн амитадта дарамта болоо.

Исай 46:1 Referencias Cruzadas

Иоов 39:11

Шадал ехэтэй зэрлиг үхэртэ найдажа, хүндэ ажалаа хүүлэжэ шадаха гүш?

Египедһээ гаралга 12:12

Харин Би тэрэ һүниндөө Египет орониие һэтэ гаража, тэндэхи хамаг зоной гэр бүлэдэ түрэһэн ехэ хүбүүдэйнь, малайнь түрүүшын эрэ түлнүүдэй ами таһалан нэрбэхэб. Египедэй бурхан шүтөөнгүүдые бүгэдые хэһээхэ Эзэн мүн гээшэб.

Исай 2:20

Тэрэ үдэрэй мандахадань, зон мүргэхэеэ өөһэдтөө хэһэн алта, мүнгэн шүтөөнүүдөө хаяжа, мана һохорнууд, һарьһан эрбээхэйнүүд руу шэдэхэ.

Исай 21:9

Харагты! Хоёр хоёроор хүллэһэн моритой дайшалхы тэргэнүүд ерэжэ ябана!» Нэгэниинь «Вавилоон унаа, унаа! Тэрэнэй онгонууд бутархай юумэд газарта хэбтэнэ!» гэжэ дуугарна.

Исай 30:6

Урда зүгэй элһэн сүл губиин амитад тушаа Эзэнэй буулгаһан айладхал энэ: Арсаланай, хорото могойн, луугай һуурижаһан аймшагтай орон нютагаар элшэнэр аяншална. Элжэгэдтээ, тэмээнүүдтээ хүндэ ашаа тээн, тэдэ ондоо арад зондо бэлэг-сэлэг абаашахаяа һэдэнэ. Теэд тэрэ арад өөһэдтэнь ямаршье туһа хүргэхэгүй.

Исай 45:20

Эзэн иигэжэ айладана: «Үндэһэ яһатад, хамтадаа ерэгты! Амиды үлөөшэ зон, зарга шүүлгэндэ дүтэлэн ерэгты, абаржа шадахагүй бурхадта зальбарагшад, модон шүтөөнүүдые абажа ябаашад юушье мэдэхэгүй зон!

Исай 46:7

Тэдэ үнөөхиеэ мүр дээрээ үргэн зөөжэ, байха байрадань заладаг. Тэрэ хэһэн зүйлынь байраһаа хүдэлхэгүй зогсодог. Хэн нэгэнэй тэрээндэ зальбаран мүргөө гээшэ һаань, тэрэ харюусажа шадахагүй, гай тодхорһоо абаржа шадахагүй.

Ерэмияа 10:5

Тэдэ шүтөөнүүд огородой мануухай мэтэ, дуугаржа шадахагүй. Ябажа шадахагүй байхадань тэдэниие үргэжэ зөөдэг гээшэ. Тэдээнһээ бү айгты! Тэдэ хоро хэжэ шадахагүй, мүн тиихэдэ һайнииешье хэжэ шадахагүйл.

Ерэмияа 50:2

Үндэһэ яһатанда һураг суу дуулгагты! Соносхогты! Дохёо тэмдэг үгэжэ, дуулгагты! Нюужа бү байгты! Вавилоон һалаа! Бээл нэрээ хухараа! Мэродаах бурханиинь бута һүрөө! Вавилооной хүрэгүүд эшхэбтэр зүйл болоо, шүтөөнүүдынь бута сохигдоо!

Ерэмияа 50:38

Газар дайдадань ган гасуур болог! Гол мүрэнүүдынь шэргэг! Вавилоон орон нютаг хадаа аймшагтай шүтөөнүүдэй газар, тэдэнь зониие үбэштэй болгоо.

Ерэмияа 51:44

Вавилооной бурхан Бээлые Би хэһээхэб, залгин абаһан зөөрииень һөөргэнь гаргахые баадхахаб. Үндэһэ яһатад тэрээндэ бэшэ мүргэхэеэ болихо. Вавилооной хэрэм хананууд унашоол!

Ерэмияа 51:47

Вавилооной шүтөөнүүдые Минии шиидхэхэ саг дүтэлжэ байна. Бүхы орон нютаг эшхэбтэр зүйл болохо, бүхы зониинь алуулагдаха.

Ерэмияа 51:52

Тиимэһээ Вавилооной шүтөөнүүдые Минии шиидхэхэ саг ерэжэ байна. Шархатаһан зон бүхы орон нютагаар ёололдон байха.

Даниил 11:8

Шүтөөнүүдынь, шудхамал хүрэгүүдынь, алта, мүнгэн амһартануудынь тэрэ эзэмдэжэ, Египет руу абаашаха. Тиигээд хэдэн жэл соо хойто хаанда тэрэ хамаархахагүй.

Даниил 3:14

Навуходоносор: – Шадраах, Мэшаах, Абээд-Нэгоо, таанадые минии бурхадые шүтэнэгүй, байгуулһан алтан хүрэгтэм мүргэнэгүй гэжэ дуулааб. Энэ үнэн гү?

Наум 1:14

Ассири, шам тушаа Эзэн иимэ захирал буулгана: «Нэрыеш зүүхэ үри һадаһад бэшэ байхагүй. Бурхадайш гэрһээ шүтээн болон шудхамал хүрэгыеш абан хаяхаб. Би шамда хүүр булаша бэлэдхэхэб, юуб гэбэл, ши жэгшүүритэй муухайш!»

Тоололго 32:38

Нэбоо, Бааһал-Мэһоон гэжэ хотонуудые шэнээр дахин бариба. Мүн Сибмаа һэргээн бодхообо. Шэнээр бариһан эдэ хотонуудтаа тэдэ шэнэ нэрэнүүдые үгэбэ.

Матвей 23:4

Тэдэнэр даашагүй, хүндэ хүшэр ашаа хүнүүдэй мүрэ дээрэ хүлижэ табяад, харин тэрэ ашаагаа байраһаа хүдэлгэжэ зөөхэдэнь ганса хургаараашье хүдэлгэдэггүй юм.

1 Хаан түрэнүүд 5:3

Ашдоодойхидой үглөөдэрынь бодоод харахада, Дагоон Эзэнэй ханзын урда нюураараа газарта унанхай байба. Тэдэ Дагоониие абаад, байрадань дахин табиба.