Исай 45:8 - Библи

⁸ Огторгойһоо бороодол мэтээр үнэн зүбые эльгэхэб, үүлэнһээ тэрэ адхарха. Газар нээгдэжэ, абарал бии болохо. Тиигэжэ үнэн зүб үйлэ хэрэгүүд тэндэ сэсэглэн дэлгэрхэ. Би, Эзэн, энээниие бүтээгээб!»

Исай 45:8 Referencias Cruzadas

4 Хаан түрэнүүд 19:25

Минии эдэ бүгэдые үнинэй түсэблэһэн тушаа ши дуулаагүй юм гүш? Мүнөө энээниие бэелүүлбэ гээшэб. Бүхэлэгдэһэн хотонуудые обоохой шулуун боложо һандаргаха арга боломжо таанадта үгөөб.

Псалманууд 68:8

Юуб гэбэл, би Танай түлөө шэбшэг муухай байдал тэсэн байнаб, нюурыем эшэгүүр бүглөөд байна.

Псалманууд 72:3

Юуб гэхэдэ, муу муухай зоной һайн байхые харахадаа, эдэ убайгүйшүүлдэ атаархааб.

Псалманууд 72:6

Тиимэһээ бардамлахань тэдэнэй хүзүүнэй зүүлтэ болодог, хүсэрхэл хубсаһаниинь болодог.

Исай 11:1

Ишайн уг отологдоһон модоной түгсүүл мэтэ, гэбэшье түгсүүлһээ шэнэ эшэ ургаха, түгсүүлһээ шэнэ мүшэр урган гараха.

Исай 32:15

Гэбэшье Бурхан бидэндэ дээрэһээ Һүлдөө дахин эльгээхэ. Тиихэдэнь зэлүүд хооһон газар үрэжэл шэмэтэй болохо, таряалангуудаар баян ургаса ургаха.

Исай 4:2

Тэрэ үдэр Эзэнэй мүшэр гоё һайханаар, алдар солоор толоронхой бии болохо, газарай хэшэг Израилиин амиды мэндэ үлэгшэдтэ бахархал, гоо һайханиинь болохол.

Исай 44:24

– Би таниие абарагша Эзэмби. Би таанадые хэбэл соо байгуулааб. Би, Эзэн, бүхы юумэ бүтээгээб, Би гансаараа огторгойе татажа, дэлхэйе гансаараа дэлгээб.

Исай 44:3

Ангаһан-хатаһан газарта Би уһа адхахаб, хуурай газар дээгүүр гол горхо урдахуулхаб. Би таанадай үри ашанар дээрэ Өөрын Һүлдэ адхажа, уг удамдатнай Өөрын юрөөл хүртөөхэб.

Исай 46:13

Би һайн юумэ һаяар хэхэб, тэрэ саг ойртоо. Абарал буулгаха сагни удааржа байхагүй. Би Сиониие абархаб, Израильда нэрэ хүндэ олгуулхаб».

Исай 48:18

Хэрбээ Минии захяа заабаринуудта анхаралаа хандуулдаг һаатнай, үршөөлнүүд гол мүрэн мэтэ таанад руу урдаха байгаа, далайн долгид мэтээр буян таанадта ерэхэ һэн.

Исай 53:2

Эзэнэй урда Тэрэ хуурай газарһаа урган гараһан ургамалдал байгаа. Тэрээндэ һайхан шэг шарайшье, һүр жабхаланшье байгаагүй. Хараһаншье һаа, анхаралаа ехэ Тэрээндэ бидэ хандуулаагүйбди.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 61:11

Үрэ хүрэнгэһөө ургаса гарадагтал, Эзэн Бурхан Өөрын арадые абархаб гэһэн үгэеэ дүүргэхэ, тиигээд бүхы үндэһэ яһатанда магтуулха.

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Исай 66:22

Минии бүтээхэ шэнэ тэнгэри, шэнэ газар хэтэ мүнхэдөө байха гэдэгтэл, таанадай уг удам, нэрэтнай хэтэ мүнхэдөө үлэхэ.

Ерэмияа 31:22

Найдалгүй улад зон, таанад хэды болотор энэ-тэрээгүүр ябаха юмта? Юуб гэбэл, Би газар дэлхэй дээрэ нэгэ шэнэ зүйл бүтээгээб, эмэгтэй хүнэй эрэ хүниие хамгаалжа байһандал адли тэрэ юумэн юм.

Эзэкээл 34:26

Минии нангин хада уулые тойрон ажаһуухат. Хэрэгтэй сагтатнай хура бороо эльгээжэ, таанадые үршөөн үреэн байхаб.

Һошээ 10:12

Шэнэ газар хахалжа, үнэн сэхын ургамал тарибал, энэрэл хайра хуряан абахат. Эзэндэ эрьежэ, Тэрэниие бэдэрээ һаатнай, залархадаа, Тэрэ бороо мэтээр үнэн сэхые таанад дээрэ адхахал.

Ёһээл 3:18

Тэрэ үдэр хада уулаһаа үзэмэй дараһан архи дуһалжа, гүбээнүүдһээ һүн урдаха, Иудын бүхы горхонууд уһаар дүүрэхэ. Эзэнэй үргөөһөө булаг орьёлон, Шиттиимэй хүндые уһалхал.

Хэрэгүүд 2:33

Иисүүс Эсэгынгээ баруун талада дэгдүүлэн, найдуулһан Арюун Һүлдэдэнь хүртэбэ, тиигээд Тэрэ Һүлдөөрөө бидэниие нэбтэрүүлээ. Мүнөө таанад энээниие харанат, дууланат.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Эфесэйхиндэ 4:24

Бурханай дүрые һажааһан үнэн сэдьхэлтэй, арюун гэгээн амидаралтай шэнэ хүн боложо хубилагты.