Исай 45:5 - Библи

⁵ Би болбол Эзэн гээшэб. Ондоо Бурхан байхагүй. Намайе мэдэхэгүйш, харин Би шамда хүсэ үршөөгөөб.

Исай 45:5 Referencias Cruzadas

3 Хаан түрэнүүд 8:60

Эзэн гээшэ Бурхан, Тэрээнһээ ондоо Бурхан байхагүй гэжэ дэлхэйн бүхы арадууд мэдэг лэ!

Эзраа 1:2

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа.

Иоов 12:18

Хаад ноёдые шэрээһээнь буулган, шорондо оруулжа шадана.

Иоов 12:21

Хэргэм зэргэтэйшүүл зоной наадан болоно, хүсэтэн хүсэһэн сагтань доройтоно.

Египедһээ гаралга 9:14

Энэ удаа бүришье аймшагтай хэһээлтэ шамда, түшэмэлнүүдтэш, бүхы арад зондош амасуулхам. Намтай тэнсэхэ хэншье дэлхэй дээрэ үгы гэжэ шинии мэдэхын тулада!

Исай 22:21

Би тэрээндэ шинии дэгэл үмдэхүүлжэ, шинии бүһөөр бүһэлэн, шинии эрхэ түлөөлгэнүүдые үгэхэб. Иерусалимай улад зондо, Иудын уг удамда тэрэ эсэгэ болохо.

Исай 37:20

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!»

Исай 43:10

Харин Минии гэршэнэр гэбэл, Израилиин арад түмэн. Таанад болбол Минии зарасанар. Таанад мэдэжэ, Намда этигэжэ, Намайе ори ганса Бурхан гэжэ ойлгохын тула таанадые шэлээб. Намһаа бэшэ ондоо Бурхан байхагүй, хэзээдэшье байгаагүй, байхашьегүй!

Исай 44:6

Израилиин Хаан, Абарагшань, Түмэн Сэрэгтэ Эзэн иигэжэ айладхана: Би болбол эхин, тиихэдэ нэгэн доро эсэс гээшэб. Намһаа ондоо Бурхан байхагүй.

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Исай 45:1

Эзэн Киирые хаан гэжэ тоһолон шэлээд, арадуудые диилэн зонхилхыень табяа. Хаашуулай эрхэ түлөөлгэнүүдые болюулхын тула Тэрэ Киирые эльгээгээ. Эзэн тэрэнэй урда хотонуудай бартаануудые нээхэл. Кииртэ Эзэн иигэжэ айладхана:

Исай 45:6

Тиихэдэм Намһаа ондоо ямаршье Бурхан байхагүй, Намайе Эзэн гэжэ наранай мандаха зүгһөө эхилээд, наранай орохо зүг хүрэтэр зоной мэдэхэнь болтогой!

Исай 46:9

Үни эртын, урданай зүйл һанагты. Минии ори ганса Бурхан байһые баталан дэмжэгты, Намтай адли хэншье байхагүй.

Исай 47:8

Баян байдалда һуранхай ши одоо амархан һуугаад, бил гээшэб, намһаа ондоо хэншье байхагүй гэжэ шэбшэжэ байгша ши, бэлбэһэн эхэнэр болохогүйб, хүүгэдээ алдахые үзэхэгүйб гэжэ сэдьхэгшэ ши, энээниие шагна!

Эзэкээл 30:24

Вавилооной хаанай засаг шанга болгохо, Египедэй урдаһаа далайхыень һэлмэ тэрээндэ үгэхэб. Египедэй фараон хүсэгүй боложо, шархатаһан хүндэл адли Вавилооной хаанай урда ёолохо. Тиихэдэ Намайе Эзэн гээд улад зон мэдэрхэ.

Ёһээл 2:27

Иигэжэ таанад Намайе Израилиин дунда байхыем харахат, таанадай гансахан Бурхан, Эзэн мүн гэжэ ойлгохот.

Иоанн 1:1

Эхинэй эхиндэ Үгэ байһан юм. Тэрэ болбол Бурхантай хамта байгаа. Тэрэ хадаа Бурхан мүн байгаа.

Хуули дабталга 32:39

Мүнөө харана гүт: Биб, ганса Би байнаб. Намһаа бэшэ ондоо Бурхан үгы. Би гээгдүүлнэб, нэгэн доро амидыруулнаб, Би хюданаб, мүн аргалнаб. Минии урдаһаа хэншье һөөргэдэжэ шадахагүй!

Хуули дабталга 4:35

Эзэн Бурхан ганса, Тэрээнһээ ондоо Бурхан үгы гэжэ таанадай лаб ойлгохын тула эдэ бүгэдые хараха арга таанадта үршөөгдөө.

Хуули дабталга 4:39

Зай, Эзэн гээшэ тэнгэри болон газар дээрэ Бурхан, тэрээнһээ ондоо Бурхан байхагүй гэжэ мүнөө мэдэжэ, ой ухаандаа бүхөөр хадуун абагты.