Исай 45:3 - Библи

³ Шамайе нэрээршни дуудадаг Израилиин Эзэн Бурхан Би гээшэб гэжэ шамда мэдүүлхын тула харанхы, нюуса газарнуудһаа эд баялиг, эрдэни зэндэмэни үгэхэб.

Исай 45:3 Referencias Cruzadas

Эзраа 1:2

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа.

Египедһээ гаралга 33:12

Моисей Эзэндэ хэлэбэ: – Энэ арадые саашань дахуула гэжэ намда айладахыеньшье айладаат, харин намтай хэниие эльгээхэеэ зарлиглаагүйт. Минии нэрэ һананаб гэжэ намда айладаа һэнта, сэдьхэлдэм намайе тааранаш гээ һэнта.

Египедһээ гаралга 33:17

Эзэн Моисейдэ харюусаба: – Би энэ гуйлтыеш дүүргэхэб, юуб гэхэдэ, Минии һанаанда ши тааранаш, Би шамайе нэрээршни мэдэдэг болооб.

Исай 41:23

Ерээдүйдэ болохо юумэ үзэгдэл харуулан мэдүүлэгты, тиихэдэтнай бидэ таанадые бурхад гэжэ мэдэдэг болохобди. Мүн һайн, үгышье һаа, муу хэрэг үйлэдэгты, маанадые айн һүрдүүлэгты!

Исай 43:1

Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 48:15

Бил тэрэниие дуудажа, асаржа, амжалта үршөөнэб.

Исай 49:1

Алас холуур ажаһуудаг арадууд, холын олтирогуудай ажаһуугшад, намайе шагныта! Эхын умай соо бүрилдэхэтэйм хамта Эзэн намайе шэлэжэ, Өөрын барлаг болгоо.

Ерэмияа 41:8

Тэдэнэй дундаһаа арбан хүн Ишмаһээлдэ «Маанадые бү алыт! Бидэндэ талада нюугаатай шэниисэ, ешмээн, оливын тоһон, зүгын бала биил» гэлдэбэ. Тиихэдэнь тэрэ тэдэниие алабагүй.

Ерэмияа 50:26

Бүхы талаһаа тэрээндэ добтолон орогты, талха таряа нөөсэтэй амбаарнуудыень сэлигты! Дээрмэдэһэнээ таряанай обоо мэтээр обоологты! Орон нютагые үгы хэгты! Юушье бү үлөөгты!

Ерэмияа 50:37

Морид болон дайшалхы тэргэнүүдынь һалаг! Хүлһэлэн асарһан хариин сэрэгшэдынь хосорог! Тэдэ угаа һула! Эрдэни зэндэмэнинь һалаг! Тоногдог!

Ерэмияа 51:13

Орон нютагынь агууехэ гол мүрэнүүдтэй, үнэтэ зүйлнүүдээр баян. Гэбэшье сагынь, амидаралайнь утаһан таһараа.

Ерэмияа 51:53

Вавилооной тэнгэри өөдэ дэгдэжэ, тэндэ бата хэрэмээ баряашье һаань, Би зониие тэрээн руу эльгээжэ, усадхахаб. Энэ хадаа Би, Эзэн, айладхана мүн!