Исай 45:1 - Библи

¹ Эзэн Киирые хаан гэжэ тоһолон шэлээд, арадуудые диилэн зонхилхыень табяа. Хаашуулай эрхэ түлөөлгэнүүдые болюулхын тула Тэрэ Киирые эльгээгээ. Эзэн тэрэнэй урда хотонуудай бартаануудые нээхэл. Кииртэ Эзэн иигэжэ айладхана:

Исай 45:1 Referencias Cruzadas

3 Хаан түрэнүүд 19:15

– Яба, Дамааскын сүл губи руу ошо. Тиишээ ерэжэ, Хазаһээлые Араамай хаан болгон тоһоло.

Эзраа 1:1

Персиин хаан Киирэй түрүүшын жэлээ хааншалжа байхада Ерэмияагаар дамжуулһан үгэнүүдэйнгөө бэелүүлэгдэхын тула Эзэн Кииртэ нүлөө үзүүлжэ, тэрэ бүхы хаан түрөөрөө бэшэмэл аргаар болон үгэнүүдээр иигэжэ тунхаглахые захирба:

Эзраа 1:2

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа.

Иоов 12:21

Хэргэм зэргэтэйшүүл зоной наадан болоно, хүсэтэн хүсэһэн сагтань доройтоно.

Псалманууд 73:23

Дайсадайнгаа хашхаран байһые, урдаһаатнай эсэргүүсэгшэдэй шууяа гаргадагые бү мартыт.

Исай 13:2

Нюсэгэн толгой дээрэ туг бодхоон намилзуулагты! Сэрэгшэд руу хашхаран захиралта үгэгты! Омог бардам хотын бартаануудта добтолон орохо тухай дохёо тэмдэг үгэн, гараараа зангагты!

Исай 13:3

Эзэн хадаа Өөрын гэгээнүүдтэ захираа. Уур хилэнгынь орьёлжо, илалтануудтань баясадаг баатарнуудаа Тэрэ дуудаа.

Исай 41:13

Би болбол танай Эзэн Бурхан гээшэб. Таанадые хүтэлжэ, «бү айгты, Би таанадта туһалхаб» гэжэ мэдүүлнэб.

Исай 41:2

Хэн хойто зүгһөө баатарые эльгээгээб? Хэн үнэн зүбые тэрээнтэй хамта, ошоһон лэ газартань байгуулнаб? Үндэһэ яһатаниие, хаашуулые диилэхэ хүсэ хэн тэрээндэ үгэнэб? Тэрэ һэлмээрээ тэдэниие тооһон мэтэ, һурша номоороо һалхинда хиидэһэн хагда үбһэн мэтэ болгобо.

Исай 41:25

Хойто зүгтэ байдаг хүниие шэлээб, зүүн зүгһөө тэрэ Минии нэрэ дуудаа! Шабар мэтээр тэрэ удамаршадые гэшхэнэ, вааршанай шабар гэшхэдэг мэтээр.

Исай 42:6

Би, Эзэн, шамайе дуудажа, үнэн шударга байдал тогтоохо арга шадал шамда үршөөгөөб. Шамайе гарһааш барижа, шамайе аршалнаб! Шинии аргаар арад түмэнтэй хэлсээ баталхаб, шамаар дамжуулан, үндэһэ яһатадта гэрэл асархаб.

Исай 44:28

Кииртэ иигэжэ айладхал буулганаб: «Ши Минии эльгээһэн ударидагша мүн, Минии үгэ соо хэрэг ябуулхаш. Иерусалимда һэргэн бодохыень, нангин үргөөгэйм һууриин дахин табигдахыень ши захирхаш!»

Исай 45:5

Би болбол Эзэн гээшэб. Ондоо Бурхан байхагүй. Намайе мэдэхэгүйш, харин Би шамда хүсэ үршөөгөөб.

Исай 48:15

Бил тэрэниие дуудажа, асаржа, амжалта үршөөнэб.

Ерэмияа 27:6

Иигэжэ Би эдэ бүхы үндэһэ яһатадые Өөрынгөө албатанай, Вавилооной хаан Навуходоносорой мэдэлдэ үгэнэб. Зэрлиг амитадыешье Тэрээндэ алба хэдэг болгооб.

Ерэмияа 43:10

Тиигээд Минии, Түмэн Сэрэгтэ Эзэнэй, Израилиин Бурханай, Өөрынгөө зараса, Вавилооной хаан Навуходоносорые асаржа, хан шэрээень эдэ шулуунууд дээрэ табихаяа байһан тухай, тэрэнэй майхангай эндэ бодхоогдохоёо байһан тушаа зондо дуулга.

Ерэмияа 50:3

Вавилоон руу добтолжо, зэлүүд хооһон болгохо зорилготойгоор хойто зүгһөө арад түмэн ерэжэ байна. Зон болон ан амитад тэрьедэжэ, хэншье тэндэ ажаһуухагүй.

Ерэмияа 50:35

Эзэн иигэжэ айладхана: Вавилооной улад зон хосорог лэ! Ажаһуугшадынь хосорог! Түшэмэлнүүдынь хосорог, сэсэн мэргэшүүлынь һалаг лэ!

Ерэмияа 51:11

Эзэн Мидиин хаашуулые дуудаа, юуб гэхэдэ, тэрэ Вавилооной орон нютагые усадхаха гэһэн түсэбтэй. Иимэл аргаар Тэрэ Һүмынгөө түлөө үһөөгөө абаха. Сэрэгэй ноёд захирба: «Годлинуудаа хурсадагты! Һаадагуудаа дүүргэгты!

Ерэмияа 51:30

Вавилооной сэрэгшэд тулалдахаа болижо, бата хэрэмүүдтээ хоргодон байна. Тэдэ шэн зориггүй, хүсэгүй ядуу болонхой. Хотын бартаанууд һандаргагдаа, гэр байрануудынь галдагдаа.

Ерэмияа 51:58

Вавилооной үргэн хана хэрэм һуури хүрэтэрөө һандаргагдаха, үндэр бартаануудынь дууһан шатаха. Үндэһэ яһатан юуншье бэшэ юумэнэй түлөө ажаллаа, тэдэнэй оролдолгонууд галда дүрөө. Энэ хадаа Би, Түмэн Сэрэгтэ Эзэн, айладхана мүн!

Эзэкээл 29:20

Минии захиралтануудые дүүргэһэнэйнь түлөө Би тэрээндэ Египедые дамжуулхаб. Энэ болбол Би, Эзэн Бурхан, айладхаа мүн!

Даниил 5:6

нюур шарайнь хубилжа, ехээр айжа, шүрбэһэ шандааһаниинь шэшэржэ, үбдэгүүдынь бэе бэеэ сохижо эхилбэ.

Даниил 7:5

Хоёрдохи амитан хойто хүлнүүд дээрээ зогсоод байһан баабгайдал адли һэн. Амандань, шүдэнүүдэйнь хоорондуур гурбан яһан харагдаа бэлэй. «Добтолжо, зоргоороо мяха эди!» гэжэ тэрээндэ хэлэгдээ һэн.

Даниил 8:3

Харахадам, нэгэ хуса эрье дээрэ байна. Тэрэ хоёр эбэртэй, нэгэ эбэрынь хожом ургаһаншье һаа, нүгөөдэһөө ута.

Даниил 8:4

Тэрэ хусын баруун, хойто, урда зүгүүдые эбэрээрээ мүргэжэ байһые харабаб, амиды хэншье урдаһаань тулажа, бэеэ абаржа шаданагүй, зоргоороо тэрэ юумэ хэжэ, бүри хүсэтэй боложол байба.

Наум 2:6

Голой хаалганууд нээгдэжэ, ордон үгы болоно.

Наум 3:13

Үзөөрэй, сэрэгшэдшни һамгадтал адли, газар дайдыншни хаалганууд дайсанай урда үргэнөөр сэлигдэхэ, шэбхэнүүдшни гал дүлэндэ шатан һалаха.