Исай 44:9 - Библи

⁹ Һиилэмэл хүрэгүүдые хэгшэд бултадаа юуншье бэшэ. Тэдэнэй зальбардаг шүтөөнүүд ямаршье ашаггүй. Иимэ юумэндэ мүргэдэг зон һохор, мунхаг, тиимэһээ тэдэ доромжолгодо орохо.

Исай 44:9 Referencias Cruzadas

4 Хаан түрэнүүд 19:18

Тэдэнэй бурхадые шатаагаал! Ушар юуб гэхэдэ, тэдэ бурхад бэшэ, харин хүнэй гараар бүтээгдэһэн модод ба шулуунууд байшоол! Тиимэһээ тэдэ юумэд усадхагдаа!

Псалманууд 115:4

Абаралай хундага үргэжэ, Эзэнэй нэрэ дуудахаб.

Псалманууд 115:8

Танда би һайе хүргэһэн үргэл тахижа, нэрыетнай дуудахаб.

Псалманууд 135:18

Шанга хаашуулые Тэрэ усадхаа. Юуб гэбэл, энэрэл хайрань хэтэ мүнхын.

Псалманууд 97:7

Тэнгис далай болон тэрээн соо байгааша бүхэн, юртэмсэ болон тэрээн соо амидарагша бүхэн нэерэн байг лэ!

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 41:24

Гэбэшье таанад юуншье бэшэт, юушье хэжэ шадахагүйт! Таанадта мүргэгшэд жэгшүүритэй!

Исай 41:29

Тиимэһээ тэдэ бултадаа мэхэлхэ зүйл, юушье хэжэ шадахагүй, һула, хүсэгүй шүтөөнүүд гээшэл!

Исай 42:17

Шудхамал хүрэгүүдые бурхад гэжэ нэрлээшэд, шүтөөнүүдтэ этигэгшэд ехэ эшэжэ, тиихэеэ болихо.

Исай 42:18

Эзэн айладхана: Таанад, дүлии зон, шагныта! Һохор зон, харыта!

Исай 43:8

Эзэн иигэжэ айладхал буулгана: «Нюдэтэйшье һаа, һохор, шэхэтэйшье һаа, дүлии Минии арад түмэниие шүүбэрилхыем асарагты!

Исай 43:9

Зарга шүүлгын урда бүхы арадууд суглараг лэ! Хэнэйнь бурхад ерээдүйе уридшалан тунхаглажа шадахаб? Зүгнэлгэнүүдыень дуулаһан гэршэнэрээ тэдэ асараг лэ. Тэдэниие шагнажа, зүб, бурууень тодорхойлхоб.

Исай 44:11

Хараарайгты, тэдээндэ һүгэдэдэг хүн бүхэн эшхэбтэр аягүй байдалда орохо. Шүтөөнүүдые урлан дархалагшад өөһэдөө миин лэ зон ха юм. Тэдэ зарга шүүхэдэ бэеэрээ ерэг лэ. Тиихэдээ тэдэ ехэ айха, эшэхэ.

Исай 44:18

Иимэ зон хэжэ байһан юумэеэ мэдэхэгүй, мунхаг. Үнэн байдал ойлгохогүйн тула тэдэ нюдөө хаадаг, ухаагаа хабхагладаг.

Исай 44:20

Иимэ хүн тооһо намнааша мэтэ, удхагүй юумэндэ толгойгоо тэрэ төөреэ. Тэрэ ами наһаяа абаржа шадахагүй, «баруун гартам гансал худал хуурмаг!» гэжэ мэдэрэн хэлэжэ шадахагүй байна.

Исай 45:16

Шүтөөнүүдые дархалагшад бултадаа эшхэбтэр байдалда орохо, бултадаа нэрээ хухалха.

Исай 45:20

Эзэн иигэжэ айладана: «Үндэһэ яһатад, хамтадаа ерэгты! Амиды үлөөшэ зон, зарга шүүлгэндэ дүтэлэн ерэгты, абаржа шадахагүй бурхадта зальбарагшад, модон шүтөөнүүдые абажа ябаашад юушье мэдэхэгүй зон!

Исай 57:12

Таанад зүб юумэ хэнэбди гэжэ һананат, харин Би бурууетнай харуулхаб, тиихэдэм шүтөөнүүдтнай танда туһа хүргэхэгүй.

Исай 65:13

Тиимэһээ Би, Эзэн Бурхан, таанадта иигэжэ соносхоноб: Намда һүгэдэн зальбардаг зон эдихэ хоол, ууха ундаар элбэг-дэлбэг байхадань, таанад гэдэһээ үлдэжэ, ангажа байхат.

Ерэмияа 14:22

Нэгэшье үндэһэ яһатадай шүтөөн бороо оруулжа шадахагүй. Огторгой өөрөө аадар бороо хайрлахагүй. Тандаал, Эзэндэ, манай Бурханда, бидэ найданабди. Эдэ бүгэдые үйлэдэгшэнь Тал гээшэт.

Ерэмияа 2:11

Ямаршье арад үндэһэтэн бурхадаа һэлгэжэ байгаагүй, бурхадайнь бурхадшье бэшэ байгаа хадань тиигэжэ байгаагүй. Харин Минии арад зон Намайе, нэрэ хүндэ тэдээндэ олгуулһан Бурханиие, орхижо, аша туһагүй шүтөөнүүдтэ мүргэжэ эхилээ.

Ерэмияа 2:26

Хулгайшан баригдахадаа нэрээ хухардаг. Тэрээндэл адли Израилиин арад зон – хаашуул, удамаршад, санаартад, лүндэншэд нэрээ гутааба.

Даниил 11:38

Хэрэм ханануудай бурхандал тэрэ мүргэдэг байха. Үбгэ эсэгэнэрэйнгээ мэдэхэгүй энэ бурханиие алта, мүнгөөр, үнэтэ шулуунуудаар, элдэб баян бэлэгүүдээр тэрэ хүндэлдэг байха.

Даниил 5:23

Огторгойн Эзэнэй урдаһаа һөөргэдэбэш: нангин ордонһоонь асарагдаһан амһартануудые шам руу асарба, түшэмэлнүүдтэеэ, һамгадтаяа, бага һамгадтаяа хамта тэдэ хундагануудһаа үзэмэй дараһан архи уубаш, тиигээд юушье харадаггүй, дууладаггүй, ойлгодоггүй мүнгэн, алтан, гуулин, түмэр, модон болон шулуун бурхадаа магтан-түүрээн байбаш. Харин ами наһа, хуби заяаеш зонхилон байдаг Бурханиие ши алдаршуулнагүйш.

Римэйхиндэ 1:22

Тэдэнэр өөһэд тухайгаа ухаантайбди гэнэ, үнэн дээрээ тэдэнэр үбэштэй тэнэгүүд юм.

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

Коринфынхидтэ 2-дохи 4:4

Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христоосой алдар тухай һайн мэдээсэлһээ сасарһан гэрэл туяае хараха аргагүй байгаа.

Эфесэйхиндэ 5:8

Урдань таанад өөһэдөө харанхы мунхагта байгаат, харин Эзэнэй хүнүүд болоходоо, гэрэл туяада байдаг болоот. Тиимэһээ таанад гэрэл туяагай хүнүүдтэ адляар амидарха ёһотойт.

Хуули дабталга 27:15

«Хэн нэгэн модо, шулуугаар гү, али шудхажа шүтөөн бүтээгээд, нюусаар тэрээниие табяа һаа, хараалай ехэ хараал өөртөө шэнгээхэ! Юуб гэхэдэ, тэдэ хадаа дарханай гараар хэгдэһэн, Эзэндэ жэгшүүритэй муухай юумэн гээшэл». Тиихэдэнь бүхы арад зон харюудань хэлэхэ: «Болтогой!»

Хуули дабталга 4:28

Тэндэ модоор болон шулуугаар хүнэй дархалһан, юумэ харадаггүй, дууладаггүй, юушье эдидэггүй ба үнэршье ойлгодоггүй бурхадта зальбаржа байхат.

Ударидагшад 10:14

Таанад шэлэжэ абагша өөһэдынгөө бурхануудта ошоод, тэдээнһээ туһа эрин хашхаралдагты. Тэдэнэр таанадые харшалта болон дарлалтаһаа гаргаг лэ.