Исай 44:8 - Библи

⁸ Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Исай 44:8 Referencias Cruzadas

Эхин 46:3

Бурхан тэрээндэ иигэжэ айладхаба: – Би болбол шинии үбгэ эсэгын хүндэлдэг Бурхамби. Египет ошохоһоо бү ай. Би тэндэ шинии уг удамһаа агууехэ арад зониие бии болгохоб.

Эхин 48:19

– Би мэдэнэб, – гэбэ Израиль. – Мэдэнэб, хүбүүмни. Энээнһээш мүн лэ агууехэ арад гараха. Тиигэбэшье, дүү хүбүүниинь тэрээнһээ үлүү байха, олон арадай эхи табиха.

2 Хаан түрэнүүд 22:32

Эзэнһээ бэшэ Бурхан байхагүй. Манай Бурханһаа ондоо Аршалалта байхагүй.

Эзраа 1:2

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа.

Эзраа 8:22

Замда ушарһан дайсадһаа маниие хамгаалха сэрэг хаанһаа эрихэеэ эшэдэһэмни хүрөө һэн. Юуб гэхэдэ, «Манай Бурхан Тэрээндэ мүргэн һүгэдэгшэдтэ бултандань туһалдаг, харин буруу харагшадта уураа хүсэн түгэсөөр харуулдаг» гэжэ хаантай хөөрэлдэхэдөө хэлэһэн байгаа бшууб.

Исай 17:10

Израилиин улад зон, таанад абарагша Бурханаа, хабсагай мэтээр таанадые аршалдаг Бурханаа мартаат. Таанад шүтөөнэй мододые тарижа, хариин бурхадта зальбардаг болоот.

Исай 26:4

Хэтэ мүнхэдөө Эзэндэ этигэн байгыт. Юуб гэхэдэ, мүнхэ хабсагай бол Эзэн, Эзэн!

Исай 30:29

Харин таанад нангин һайндэрэй һүнидэл дуу дуулахат. Эзэнэй хада руу, Израилиин хабсагай руу лимбээр хүгжэмлэн ябаашадтал адли сэдьхэлтнай баясан байха.

Исай 41:23

Ерээдүйдэ болохо юумэ үзэгдэл харуулан мэдүүлэгты, тиихэдэтнай бидэ таанадые бурхад гэжэ мэдэдэг болохобди. Мүн һайн, үгышье һаа, муу хэрэг үйлэдэгты, маанадые айн һүрдүүлэгты!

Исай 42:9

Минии уридшалан айладхаһан зүйлнүүд бүтээ. Мүнөө Би таанадта шэнэ юумэ тохёолдохынь урда тээ уридшалан тунхагланаб.

Исай 43:10

Харин Минии гэршэнэр гэбэл, Израилиин арад түмэн. Таанад болбол Минии зарасанар. Таанад мэдэжэ, Намда этигэжэ, Намайе ори ганса Бурхан гэжэ ойлгохын тула таанадые шэлээб. Намһаа бэшэ ондоо Бурхан байхагүй, хэзээдэшье байгаагүй, байхашьегүй!

Исай 43:11

Би гансаараа Эзэн гээшэб! Намһаа ондоо абарагша танда байхагүй.

Исай 43:12

Юун болохоб гэжэ уридшалан айладхааб, тиигээд таанадые абарааб. Хариин ямаршье бурхан иимэ юумэ хэжэ шадахагүй. Таанад Минии гэршэнэр гээшэт.

Исай 43:9

Зарга шүүлгын урда бүхы арадууд суглараг лэ! Хэнэйнь бурхад ерээдүйе уридшалан тунхаглажа шадахаб? Зүгнэлгэнүүдыень дуулаһан гэршэнэрээ тэдэ асараг лэ. Тэдэниие шагнажа, зүб, бурууень тодорхойлхоб.

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 44:6

Израилиин Хаан, Абарагшань, Түмэн Сэрэгтэ Эзэн иигэжэ айладхана: Би болбол эхин, тиихэдэ нэгэн доро эсэс гээшэб. Намһаа ондоо Бурхан байхагүй.

Исай 45:19

Би нюусаар айладана бэшэб, харанхы газарта бэшэ. «Хооһон газарта Намайе бэдэрэгты!» гэжэ Яковай үри һадаһадта айладаа бэшэб. Би Эзэн мүн! Би үнэн шударга зүйл айладанаб, үнэн сэхые тунхагланаб!

Исай 46:9

Үни эртын, урданай зүйл һанагты. Минии ори ганса Бурхан байһые баталан дэмжэгты, Намтай адли хэншье байхагүй.

Исай 48:3

Эзэн иигэжэ Израильда айладхана: Эртэ урда сагһаа хойшо Би юун болохоб гэжэ тунхагладаг байгааб, тиигээд гэнтэ тэрэниие үйлэдэхэдэм, тэрэ бэелүүлэгдэдэг бэлэйл.

Исай 48:5

Тиимэһээ Би бүри эртэнһээ, ямар нэгэ ушарай болохоһоо урид энээн тушаа таанадта мэдээсэдэг һэм. «Шүтөөнүүднай, шудхаһан хүрэгүүднай эдэ бүгэдые бүтээгээ» гэжэ таанадай хэлэхэгүйн тула иигээ һэм.

Ерэмияа 10:7

Бүхы зон Таниие, үндэһэ яһатадай Хааниие, хүндэлхэ ёһотой. Үнэхөөр энэ Танда зохистой. Үндэһэтэдэй бүхы сэсэн мэргэн зоной дунда, хаашуулайнь дунда Тантай адли хэншье үгы.

Даниил 2:28

Харин огторгойдо нюуса нээдэг Бурхан бии. Эсэсэй эсэстэ юун болохоб гэжэ Тэрэл Навуходоносор хаанда элирүүлэн харуулаа. Унтаридаа унтажа байхадаа та иимэ зүүдэ хараат:

Даниил 2:47

Тиигээд хаан Даниилда: – Үнэхөөрөөл танай Бурхан бурхадай дунда эгээл ехэ Бурхан, хаашуулай Захирагша, Нюуса нээгшэ мүн. Шинии энэ нюуса таажа хэлэхэдэ би энээндэ этигэбэб.

Даниил 4:25

Навуходоносор хаантай эдэ бүгэдэ үнэхөөрөө тохёолдоо бэлэй.

Даниил 6:22

Бурхамни тэнгэриин Эльгээмэлээ эльгэжэ, Тэрэ арсалануудай ама таглаал! Тэдэ намайе яагаашьегүй! Юуб гэхэдэ, би Бурханай урда нүгэлтэй бэшэб, үндэр түрэлтэ хаан, танайшье урда ямаршье гэм зэмэ хээгүйб.

Ёһээл 2:27

Иигэжэ таанад Намайе Израилиин дунда байхыем харахат, таанадай гансахан Бурхан, Эзэн мүн гэжэ ойлгохот.

Иоанн 1:1

Эхинэй эхиндэ Үгэ байһан юм. Тэрэ болбол Бурхантай хамта байгаа. Тэрэ хадаа Бурхан мүн байгаа.

Иоанн 10:30

Эсэгэ бидэ хоёр нэгэн хамтабди.

Иоанн 6:10

– Хүнүүдые һуулгагты, – гэжэ Иисүүс захирба. Тэрэ газартань үдхэн ногоон ургажа байгаа. Тэндэнь табан мянга шахуу ганса эрэшүүл байлсаа.

Хэрэгүүд 1:8

Гэбэшье Арюун Һүлдын танай дээрэ буухада, таанад хүсэтэй боложо, Иерусалимай, бүхы Иудейн болон Самариин нютагуудһаа эхилээд, газарай заха хизаар хүрэтэр Минии гэршэнэр болохот, – гэжэ харюусаба.

Хэрэгүүд 14:15

– Хүнүүд, юу хэжэ байнабта? Бидэ таанадтал адли юрын хүнүүд гээшэбди! Таанадай онгонуудһаа зайсажа, дээдэ огторгой, газар, далай, досоонь байгааша бүхы юумэ бүтээһэн Амиды Бурханда һүгэдэн хандахынтнай тула бидэ таанадта Һайн Мэдээсэл асараабди.

Хуули дабталга 32:31

Дайсадай «хабсагайнь» манай Хабсагайдал адли бата бэхи бэшэ юм. Тэдэ өөһэдөө энээн тушаа мэдэнэ.

Хуули дабталга 32:39

Мүнөө харана гүт: Биб, ганса Би байнаб. Намһаа бэшэ ондоо Бурхан үгы. Би гээгдүүлнэб, нэгэн доро амидыруулнаб, Би хюданаб, мүн аргалнаб. Минии урдаһаа хэншье һөөргэдэжэ шадахагүй!

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Хуули дабталга 4:35

Эзэн Бурхан ганса, Тэрээнһээ ондоо Бурхан үгы гэжэ таанадай лаб ойлгохын тула эдэ бүгэдые хараха арга таанадта үршөөгдөө.

Хуули дабталга 4:39

Зай, Эзэн гээшэ тэнгэри болон газар дээрэ Бурхан, тэрээнһээ ондоо Бурхан байхагүй гэжэ мүнөө мэдэжэ, ой ухаандаа бүхөөр хадуун абагты.

Еврейнүүдтэ 12:1

Маниие тойроод үүлэндэл мэтэ олон гэршэнэр байна. Тиимэһээ бидэ замдамнай һаатуулжа байһан бүхы юумэнүүдһээ, тиихэдэ бидэниие амарханаар хүлижэрхидэг нүгэлһөө сүлөөлэгдэжэ, урдамнай байһан, бидэндэ заяагдаһан замаар ябаял.

Иоаннай 1-дэхи хандалга 1:2

Тэрэ Амидарал бидэндэ харуулагдаа, тэрэ Амидаралые хараабди. Тэрэ Амидаралга тухай гэршэлнэбди. Хэтэ мүнхын тэрэ амидарал Эсэгэтэй хамта байжа, бидэндэ үзүүлэгдээ гээд бидэ таанарта мэдээсэнэбди.

1 Хаан түрэнүүд 2:2

Эзэндэл адли арюун хэншье байхагүй. Тэрэл ори ганса Бурхан гээшэ, манай Бурхандал адли хамгаалагша байхагүй.