Исай 44:7 - Библи

⁷ Намдал адли хэн бииб?! Харюу үгэг! Урданай арадые байгуулһанайм хойшо юун болоһые Намда эхинһээ эсэс хүрэтэр хөөрэг! Ерээдүй тухай, юун болохо байһые бидэндэ мэдүүлэг!

Исай 44:7 Referencias Cruzadas

Исай 19:12

Тэрэ сэсэн мэргэн зүбшэгшэдтнай хаанаб? Байгаа һаа, Түмэн Сэрэгтэ Эзэнэй Египет тушаа юу түсэблэһые хэлэжэ үгэг лэ.

Исай 41:22

Иишээ ерэжэ, юун болохоёо байһые хэлэгты. Тиихэдэтнай хэзээ энээнэй болохоёо байһые бидэ мэдэдэг болохобди. Үнгэрһэн хэрэгүүдые удхалан ойлгуулагты, тэдэ саашанхи үе сагуудта ямар удха шанартайб гэжэ хэлэгты.

Исай 41:23

Ерээдүйдэ болохо юумэ үзэгдэл харуулан мэдүүлэгты, тиихэдэтнай бидэ таанадые бурхад гэжэ мэдэдэг болохобди. Мүн һайн, үгышье һаа, муу хэрэг үйлэдэгты, маанадые айн һүрдүүлэгты!

Исай 41:26

Иимэ юумэн болохо гэжэ таанадай хэн уридшалан хэлээб? Хэлээ һаатнай, «та зүб шударга» гэжэ бидэ соносхохо бэлэйлди. Теэд таанадай хэншье энээн тушаа нэгэшье үгэ хэлээгүй, соносхоогүй, иимэ юумэ хэлэжэ байһыетнай хэншье дуулаагүйл!

Исай 41:4

Хэн энээниие гүйсэдхөөб, хэн бүтээгээб? Хэн угай бэшэг-түүхэ зохёогооб? Эзэн Би эхиндэнь байгааб, эсэстэньшье Би, Эзэн, байлсахаб!

Исай 43:12

Юун болохоб гэжэ уридшалан айладхааб, тиигээд таанадые абарааб. Хариин ямаршье бурхан иимэ юумэ хэжэ шадахагүй. Таанад Минии гэршэнэр гээшэт.

Исай 43:9

Зарга шүүлгын урда бүхы арадууд суглараг лэ! Хэнэйнь бурхад ерээдүйе уридшалан тунхаглажа шадахаб? Зүгнэлгэнүүдыень дуулаһан гэршэнэрээ тэдэ асараг лэ. Тэдэниие шагнажа, зүб, бурууень тодорхойлхоб.

Исай 45:21

Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Хэрэгүүд 17:26

Бүхы дэлхэйгээр нютагжахынь тула амидарха саг болзорыень болон байрлаха хилэ хизаарыень тогтоон, ори ганса хүнһөө бүхы хүн түрэлхитэниие Тэрэ бүтээгөө.

Хуули дабталга 32:8

Дээдэ Бурхан газар дэлхэйе арадуудта хуби болгон хубаарилхадаа, хүн түрэлтэниие сасан тараахадаа, Израилиин улад зоной аша туһада арадуудай харьяата газарай хилэнүүдые табяа.