Исай 44:12 - Библи

¹² Түмэршэ дархан багажа зэбсэгээ абаад, нүүрһэн дээрэ гал үлеэн хүдэлдэг. Тэрэ шүтөөниие алхаар дабтажа, гарайнгаа хүсэ хэрэглэн хүдэлдэг. Ажал хэхэдээ, тэрэ гэдэһээ үлдэжэ ядардаг, ангадаг, эсэдэг.

Исай 44:12 Referencias Cruzadas

Египедһээ гаралга 32:4

Аһароон тэдэнииень хайлуулжа, тугалай хүрэг бүтээбэ. – Израиль, шамайе Египедһээ гаргаһан Бурханшни бэеэрээл! – гэжэ зон дуугаралдаба.

Египедһээ гаралга 32:8

Минии зааһан замһаа ямаршье түргэн тэдэ хадуурба гээшэб даа! Тэдэ өөһэдтөө тугалай хүрэг хээд, тэрээндэ мүргэжэ байнал. Тэдэ «Израиль, шамайе Египедһээ гаргаһан Бурханшни бэеэрээл!» гэлдэнэ.

Исай 40:19

Дарханай шудхаһан, алташа дарханай алтаар шэрдэһэн, мүнгэшэ дарханай мүнгэн гэнжэ хэһэн шүтөөндэ адли бэшэл Бурхан!

Исай 40:20

Иимэ үргэл хэхэ аргагүй хүн үмхирхэгүй модо шэлэжэ абаад, унахагүйгөөр шүтөө дархалжа шадаха уран дарханиие олодог.

Аввакуум 2:13

Зай, арад үндэһэтэнэй бүхы шадалаа эршэдэн ажаллаһаниинь гал дүлэндэ хосорхо, дэмы һалаха гэжэ Түмэн Сэрэгтэ Эзэн тогтоогоо бэшэ аал?

Аввакуум 2:18

Шүтээниие хүнэй һиилэн бүтээһэн хойно тэрэнэй ашаг туһа юун байхаб даа. Энээниие бүтээгшэ хүн гар бүтээлдээ этигэн найдаал ааб даа, теэд худал хуурмагые заадаг, дуугаржа шадахагүй хэмэл хүрэгүүдһээ ямар туһа байхаб?

Захарияа 1:20

Удаань Эзэн намда дүрбэн дархашуулые үзүүлбэ.

Хуули дабталга 4:28

Тэндэ модоор болон шулуугаар хүнэй дархалһан, юумэ харадаггүй, дууладаггүй, юушье эдидэггүй ба үнэршье ойлгодоггүй бурхадта зальбаржа байхат.