Исай 43:6 - Библи

⁶ Хойто зүгтэ хандан, Минии арад түмэниие табихыень, урда зүгтэ хандан, зониием барижа байхагүй тухай захирхаб. Минии арад түмэнэй алас холоһоо, үлгэн дэлхэйн элдэб буланһаа ерэхэдэнь бү һаад хэгты гэхэб.

Исай 43:6 Referencias Cruzadas

Псалманууд 107:3

Ятага, морин хуур, һэриит! Би үүрэй толониие һэреэхэб.

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 18:7

Үндэр нюргатай, мэлигэр арһатай, холо ойрые айлгаһан энэ арад түмэнһөө, гол мүрэнөөр хубаарилагдаһан энэ орон нютагай хүсэтэй шанга зонһоо Түмэн Сэрэгтэ Эзэнэй бэлэг абаха саг ойртоо. Түмэн Сэрэгтэ Эзэндэ мүргэхэ газарта – Сион уулада тэрэ бэлэг барюулагдахал.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 49:12

Минии арад түмэн алас холоһоо, хойто, баруун зүгүүдһээ, урда зүгтэ байгша Египедэй Сиһээнэһээ ерэхэ.

Исай 49:22

Эзэн Бурхан Өөрын арад зондо иигэжэ айладхана: «Үндэһэ яһатанда Би дохёо тэмдэг үгэхэб, обогуудта гэжэ тугаа үргэхэб. Тиихэдэм тэдэ гэр руунь үхи хүүгэдыешни асарха.

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 60:4

Оршон тойроод харыш: улад зоншни гэртээ ерэхэеэ забдажа байна. Хүбүүдшни алас холоһоо ерэхэ, басагадыеш үхи хүүгэд мэтээр гар дээрээ үргэн ерэхэ.

Исай 60:9

Олтирогууд Эзэндэ найдана, Таршиишэй онгосонууд түрүүлэн наашаа ерэжэ байна! Тэдэ болбол холын оронуудһаа танай арад зониие, алта, мүнгыень асаржа байна. Эзэн Бурханайтнай, Израилиин арюун Бурханай захиралта иигэжэ гүйсэдхэнэ, Тэрэ таанадые алдаршуулаа!

Исай 66:20

Тиигээд тэдэ нэгэ үндэһэ яһатан болохо зоноо тэндэхи арадуудһаа бусаажа, Намда бэлэг мэтээр асарха. Морёор, мори тэргээр, жууза дээрэ, лус, тэмээгээр тэдэниие Иерусалимдахи Минии нангин хада уула руу асарха. Арюун сэбэр амһарта соо талханай үргэл хэжэ, нангин үргөө руу Израилиин хүбүүдэй асардагтал тэдэ нэгэ яһатан болохо зоноо асарха.

Ерэмияа 23:8

харин Израилиин арад зониие хойто зүгэй орон нютагһаа болон тараагша бүхы оронуудһаа асарһан Эзэнэй амиды мэндэ байһантайл адли баталгаатай гэжэ хэлэжэ байха саг дүтэлөө. Тиигээд тэдэ өөрынгөө газар дээрэ ажаһууха.

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 3:14

Танда этигэхын аргагүй, гэбэшье бусыт, юуб гэхэдэ, Би танай Эзэн гээшэб. Би таанарые хотоһоо нэгые, уг урагһаа хоёрые абажа, Сион руу асархаб.

Ерэмияа 31:8

Үзөөрэйгты, Би тэдэниие хойто зүгтэхи нютагһаа суглуулхаб. Һохор ба дохолон зон, хээлитэй ба үхибүү түрэхэ гэжэ үбдэжэ байһан эхэнэрнүүд тэдэнэй дунда байха. Үй түмэн зон һөөргөө бусаха.

Эзэкээл 36:24

Арадуудай дундаһаа таанадые суглуулан, өөрынтнай газар руу асархаб.

Эзэкээл 37:21

Минии иимэ үгэнүүдые тэдээндэ тунхагла: «Би, Эзэн Бурхан, Израилиин улад зониие тарагша хариин гүрэнүүдһээнь суглуулжа, өөрынь газар уһан руу бусаахаб.

Ёһээл 3:7

Харахат, танай худалдаһан газарһаа тэдэниие бодхоожо, таанадай толгой дээрэ харюуень бусааха гэжэ байнаб.

Захарияа 6:6

Хара морид хойто зүг руу шэглэнхэй, хойноһоонь сагаан морид ябана, алаг морид үдын наранай орон тээшэ ошохо, – гэжэ Эльгээмэл харюусаба.

Хуули дабталга 30:4

Тэнгэриин хирхаг хүрэтэр тараагдаһан байгаашье һаатнай, Эзэн Бурхантнай таанадые суглуулжа, тэндэһээ һөөргэнь асархал.