Исай 43:5 - Библи

⁵ Бү ай, Би шамтай хамтаб! Би шинии уг удамые зүүн болон баруун зүгүүдһээ суглуулан, гэртэнь асархаб.

Исай 43:5 Referencias Cruzadas

Псалманууд 107:3

Ятага, морин хуур, һэриит! Би үүрэй толониие һэреэхэб.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 41:14

Жаахан, хүсэгүй Израиль, бү ай, Би шамда туһалхаб. Би болбол Израилиин арюун Бурхан, таанадай Абарагша мүн.

Исай 41:8

Харин ши, Минии богоол Израиль! Минии шэлэһэн Яков! Минии нүхэр Абраһаамай үри һадаһад!

Исай 41:9

Би таанадые дэлхэйн захаһаа асаржа, газарай хирхагһаа дуудажа, иигэжэ айладхаа бэлэйб: Таанад Минии богоолнууд гээшэт. Би таанадые голоогүйб, шэлэн абааб.

Исай 43:1

Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 49:12

Минии арад түмэн алас холоһоо, хойто, баруун зүгүүдһээ, урда зүгтэ байгша Египедэй Сиһээнэһээ ерэхэ.

Исай 49:18

Тойроод эрьен харыш! Арад зоншни гэр руугаа, шамдаа ерэжэ байна. Хадамда үгтэжэ байһан басаганай шэмэглэлээрээ омогорходогтол адли, ши тэдэ зоноороо омогорхон байхаш. Энэ хадаа Минии, Эзэнэй, амиды мэндэ байһантайл адли баталгаатай!

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 54:7

«Би шамайе агшам зуура орхибошье, агууехэ хайра үзүүлэн, һөөргэнь абахаб.

Исай 61:9

Үндэһэ яһатадай дунда тэдэ мэдээжэ болохо. Тэдэниие хараһан хүн бүхэн Эзэнэй юрөөһэн арад түмэн гэжэ ойлгохо».

Исай 8:10

Байлдаа яажа ябуулхаяа түсэблэгты! Гэбэшье тэдэ түсэбүүдтнай бүтэхэгүй. Захиралта үгэнүүдые сэрэгтэ хэлэгты! Гэбэшье эдэ бүгэдэ ямаршье туһагүй, юуб гэхэдэ, Бурхан бидэнтэй хамта!

Ерэмияа 23:7

Эзэн тунхаглана: – Израилиин улад зониие Египедэй орон нютагһаа гаргаһан Эзэнэй амиды мэндэ байһантайл адли баталгаатай гэжэ зон хэлэхэеэ болихо,

Ерэмияа 23:8

харин Израилиин арад зониие хойто зүгэй орон нютагһаа болон тараагша бүхы оронуудһаа асарһан Эзэнэй амиды мэндэ байһантайл адли баталгаатай гэжэ хэлэжэ байха саг дүтэлөө. Тиигээд тэдэ өөрынгөө газар дээрэ ажаһууха.

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 3:18

Израиль Иудатай хамтаржа, хойто зүгтэ орон нютагта сүлэлгэдэ байһанаа хоюулаа ябан гаража, танай элинсэг хулинсагта угай зөөри болгон Минии үгэһэн орон нютагта бусаха.

Ерэмияа 42:11

Вавилооной хаанһаа бэшэ бү айгты. Би таанадтайб, тэрэнэй мэдэлһээ Би таанадые абархаб.

Ерэмияа 51:46

Зоригтнай бү мохог, дуулаһан һураг сууһаа боложо айжа бү байгты! Жэл бүри элдэб һураг дуулдажал байгаа ааб даа: дэлхэй дээрэ боложо байһан дайн дажар тушаа, нэгэ хаанай нүгөө хаантай тэмсэжэ байһан тухай.

Ёһээл 3:7

Харахат, танай худалдаһан газарһаа тэдэниие бодхоожо, таанадай толгой дээрэ харюуень бусааха гэжэ байнаб.

Михей 2:12

Би, Эзэн, Яковай уг удамые бултыень, амиды мэндэ үлөөшэ Израилиин улад зониие хамталан суглуулхаб гэжэ үгэеэ үгэнэб. Хонишон хонидоо хашаа руу оруулжа, суг болгодог. Тэрээндэл адли, Би арадаа хамтаруулхаб. Тиихэдэм тэдэ угаа олон болон шууяхал.

Захарияа 8:7

Түмэн Сэрэгтэ Эзэн иигэжэ айладана: «Харагты, Би Өөрын арад түмэниие наранай мандаха газарһаа ба наранай шэнгэхэ газарһаа абарха гэжэ байнаб.

Лука 13:29

Тиин дэлхэйн дүрбэн зүг, найман хизаарһаа хүнүүд ерэжэ, Бурханай хаан орондохи найрай шэрээдэ һууха.

Иоанн 10:16

Энэ хорёо соохи хонидһоо гадна, мүн ондоошье хонид Намда бии. Тэдэниие Би баһа иишэнь асарха ёһотойб. Тэдэ хонид Минии үгэ дуулаха, тиихэдээ нэгэл һүрэг хонид байха, нэгэл хонишон байха!

Хуули дабталга 30:3

Эзэн таанадые хайрлажа, баряанһаа бусаажа, арадууд хоорондуур тарааһанаа һөөргэнь та бүгэдые суглуулан асарха, үршөөл хайраяа бэлэглэхэ.