Исай 43:4 - Библи

⁴ Ши Намда ехэ үнэтэй-сэнтэйш, угаа хайратайш, тиимэһээ шамайе абархын тула Би ондоо үндэһэ яһатаниие хамаагүй шинии түлөө үгэхэб, тэдэнээр һэлгэхэб.

Исай 43:4 Referencias Cruzadas

Эхин 12:2

Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

Псалманууд 112:9

Тэрэ хүүгэдгүй эхэнэрые хүүгэдтэй жаргалтай эхэ болгон гэртэнь ажаһуулгана. Эзэндэ магтаал үргэгты!

Псалманууд 135:4

Агууехэ хэрэгүүдые гансаараа хэдэг Тэрээндэ. Юуб гэбэл, энэрэл хайрань хэтэ мүнхын.

Исай 49:5

Зай, иигээд, Яковай зониие суглуулжа бусаахын тула, Израилиин арад зониие суглуулхын тула Эзэн намайе эхымни умай соо бүрилдүүлээ, Өөрынгөө богоол болгоо. Тэрэ намда ехэ хүндэ үзүүлээ, Бурхан – минии хүсэн.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Ерэмияа 31:3

Би тэдээндэ холоһоо үзэгдөө бэлэйб. Израилиин арад зон, Би таанадта хэтэ мүнхэдөө дурланхайб, тиимэһээл хайра энэрэлээ та бүгэдэндэ үзүүлнэб.

Һошээ 11:1

Эзэн иигэжэ айладхана: Израилиин эдир залуу байхада Би тэрээндэ дуратай бэлэйб, тиигээд Египедһээ Би Өөрынгөө Хүбүүе дуудааб.

Малаахи 1:2

«Хайра дурамни таанад тээшэ эрьенхэй» гэжэ Эзэн айладхана. Гэбэшье таанар «Танай дура үршөөл ямар юумэнһээ эли болохо жэшээтэйб?» гэжэ асуудаг байнат. Эзэн энээндэ харюусана: – Эсаав Яков хоёр аха дүү болоно. Гэбэшье Минии сэдьхэл Яков тээшэ эрьенхэй.

Малаахи 3:17

«Өөрын эзэмшэлһэн орон байгуулхадам, тэдэ Минии байха болоно. Өөртэнь үйлэ бүтээдэг хүниие үршөөдэгтэй адли Би тэдэниие үршөөхэб» гэжэ Түмэн Сэрэгтэ Эзэн айладажа байна.

Иоанн 16:27

Эсэгэмни Өөрөө таанарта дуратай, юундэб гэбэл, таанар Намда дуратайт, Намайе Бурханһаа ерээ гэжэ этигэнэт.

Иоанн 17:23

Тэдэнэй бүрин нэгэн хамта байхын тула Би тэдэнэй досоо байнаб, Та Минии досоо байнат. Та Намайе эльгээгээт, Танай Намда дуратай байдагтал адляар, эдэндэ дуратайт гэжэ дэлхэйн зон мэдэг лэ.

Иоанн 17:26

Танай Намда дурладагтал адли дуран тэдэнэй досоо байхын тула, мүн тэдэнэй досоо Минии байхын тула, Би тэдэндэ Танай нэрые нээгээб, нээжэшье үгэхэб.

Иоанн 5:44

Таанар бэе бэедээ магтуулхаяа ехээр хүсэнэт, харин Бурханай магтаалда хүртэхэ гэжэ оролдоногүйт! Таанартал адли хүнүүд Намда этигэхэ аал?

Хуули дабталга 14:2

Юундэб гэхэдэ, таанад Эзэн Бурханай нангин арад ха юмта. Дэлхэйн арадууд сооһоо Эзэн таанадыел Өөрынгөө арад болгохо гэжэ шэлэһэн байна.

Хуули дабталга 26:18

Эзэн таанадые Өөрынь хубиин арад түмэн гээд мүнөөдэр айладхана. Өөрынь захяа заабаринуудые сахин ябаха тухай Тэрэ захирна.

Хуули дабталга 4:37

Үбгэ эсэгэнэртэтнай дурлаһандаа Тэрэ таанадые шэлээ, Өөрөө асари ехэ хүсөөрөө таанадые Египедһээ гаргаа.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Гэршэлгэ 3:9

Хаража байгаарайт! Өөһэдыгөө еврейнүүд гэжэ тоолодог аад, сатанагай мэдэлдэ байһан уладые танда асараад, хүлдэтнай унан дохихыень баадхахаб. Үнэхөөрөө тэдэнэр еврейнүүд бэшэ, худалаар хэлэнэ. Мүн танда дуратай байһыемни тэдэ улад мэдэхэ.