Исай 43:3 - Библи

³ Ушарынь гэбэл, Би танай Эзэн Бурхан, таанадые абарагша Израилиин арюун Бурхан мүн! Таанадые абархын тула Египет, Эфиопи болон Сэбаа үгэжэ, таанадые сүлөөлөөб.

Исай 43:3 Referencias Cruzadas

Эхин 10:7

Күүшэй хүбүүд: Сэбаа, Хавилаа, Сабтаа, Раамаа ба Сабтэхаа. Раамаагай хүбүүд: Шэбаа ба Дэдаан.

Псалманууд 72:10

Иимэ зоной хойноһоо арад түмэмни дагана, дүүрэн адхан уһыень уунал!

Египедһээ гаралга 10:7

Фараондо түшэмэлнүүдынь хандажа хэлэбэ: – Энэ хүнһөө боложо бидэ удаан зобохомнай гээшэ гү? Өөрынгөө Эзэн Бурханда үргэл хэхыень тэдэниие табиит, Египет хосоржо байна гэжэ харанагүй аалта?

Египедһээ гаралга 20:2

– Би шамайе Египедэй дарлалтаһаа гаргаһан Эзэн Бурханшни гээшэб.

Һургаал 11:8

Үнэн шударга хүн тодхорһоо мултардаг, нүгэлтэй муу тэрэнэй орондонь ородог.

Һургаал 21:18

Үнэн шударга хүндэ хүргэһэн хоро муугай түлөө нүгэлтэн түлэхэ ушартай. Сэхэ сэбэр хүндэ хүргэһэн хоро муугай түлөө мэхэшэ хуурмаг хүн харюусаха ёһотой.

Исай 19:20

Энэнь Египедэй орон нютагта Түмэн Сэрэгтэ Эзэнэй байһанай гэршэ тэмдэг болохо. Тэндэ зон дарлагдажа эхилхэдээ, абархыень Эзэн Бурханиие дуудаха. Тиихэдэнь Тэрэ абархыень хэн нэгэниие эльгээхэ.

Исай 20:3

Эзэн иигэжэ айладхал буулгаба: – Минии зараса Исайн гурбан жэлэй туршада салдаган, хүл нюсэгэн ябаһаниинь Египет болон Эфиопитой юун болохо байһанайнь дүлгэ тэмдэг юм.

Исай 30:11

Замһаа зайлагты, харгыһаа хадуурагты, Израилиин арюун Бурхан тушаа дуулахаа һананагүйбди», – гэжэ тэдэ хэлэнэ.

Исай 41:14

Жаахан, хүсэгүй Израиль, бү ай, Би шамда туһалхаб. Би болбол Израилиин арюун Бурхан, таанадай Абарагша мүн.

Исай 42:8

Би болбол Эзэн гээшэб! Иимэ нэрэтэйб! Минии алдар соло ондоо ямаршье бурханда хүртэхэ ёһогүй, Намда үргэһэн магтаалые һиилэмэл хүрэгүүд хубаалдаха эрхэгүй.

Исай 43:11

Би гансаараа Эзэн гээшэб! Намһаа ондоо абарагша танда байхагүй.

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 45:15

Өөрынгөө арад түмэниие абарагша Бурхан, Израилиин Бурхан, Өөрыгөө нюудаг Бурхан юм Тэрэ!

Исай 45:21

Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Исай 60:16

Эхын нарай нялхаяа хүхөөрөө тэдхэдэгтэл, үндэһэ яһатад шамайе тэдхэн байха, хаашуулынь тэдхэгшэдшни болохо. Иигэжэ Минии, Эзэнэй, таанадай Абарагша, Яковай Хүсэтэ Бурхан байһые мэдэхэш.

Исай 63:8

Эзэн иигэжэ айладхаа: «Тэдэ Минии арад түмэн гээшэ, Намайе мэхэлхэгүй». Тиигээд Тэрэ тэдэниие абараа бэлэй.

Ерэмияа 14:8

Оо, Израилиин Найдабари, зобохо үедэмнай маанадые Абарагша! Юундэ Та манай газар нютагта ерүүл хүн мэтэ, нэгэ һүни хонохоёо ороһон аяншан мэтэ байнабта?

Ерэмияа 16:21

Эзэн айладхана: Тиигээ хадань Би тэдэниие һургахаб, тэдээндэ Өөрынгөө хүсэ, Өөрынгөө шадал мэдүүлхэб. Тиихэдэм тэдэ Намайе Эзэн гээд ойлгохол.

Эзэкээл 39:7

Минии арад түмэн Израиль Намайе мэдэдэг болохо, тиигээд нангин нэрыем бэшэ бузарлахаа болихо. Дэлхэйн арадууд Намайе Израилиин нангин Эзэн Бурхан гээд ойлгохо.

Һошээ 13:4

Теэд Би, Эзэн Бурхантнай, Египедэй газар дайдаһаа таанарые абарааб. Таанад Намһаа бэшэ ондоо бурхадта мүргэхэ ёһогүйт. Намһаа бэшэ ондоо бурхан таанадые абархагүй.

Левит 11:44

Юундэб гэхэдэ, Би танай Эзэнтнайб: бэеэ арюудхагты, арюун сэбэр бологты, юундэб гэхэдэ, Би танай Эзэн гэгээнби; газар дээгүүр мүлхидэг амитадаар һүр һүлдэеэ бү бузарлагты.

Амоос 9:7

Эзэн иигэжэ айладана: Израильшууд, таанар Намда Күүшэй зондол адлит. Египедһээ израильшуудые, Каптоорһоо Пилиштын арадые, Киирһээ араамшуудые асараа һэм.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Иудын хандалга 1:25

Эзэн Иисүүс Христоосоор дамжан бидэниие абарһан ори ганса Бурханда анханһаа эхилээд, мүнөө саг болотор хэтын хэтэдэ алдар соло, һүр жабхалан, хаан түрэ, эрхэ засаг байһай! Болтогой!