11 Би гансаараа Эзэн гээшэб! Намһаа ондоо абарагша танда байхагүй.
Эзэн, намайе аршалыт! Бурхамни, намайе абарыт! Дайсадайм үрүүе буталан эбдыт, муу зоной шүдэ түүрэ сохиит.
Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»
Энэнь Египедэй орон нютагта Түмэн Сэрэгтэ Эзэнэй байһанай гэршэ тэмдэг болохо. Тэндэ зон дарлагдажа эхилхэдээ, абархыень Эзэн Бурханиие дуудаха. Тиихэдэнь Тэрэ абархыень хэн нэгэниие эльгээхэ.
Би болбол Эзэн гээшэб! Иимэ нэрэтэйб! Минии алдар соло ондоо ямаршье бурханда хүртэхэ ёһогүй, Намда үргэһэн магтаалые һиилэмэл хүрэгүүд хубаалдаха эрхэгүй.
Ушарынь гэбэл, Би танай Эзэн Бурхан, таанадые абарагша Израилиин арюун Бурхан мүн! Таанадые абархын тула Египет, Эфиопи болон Сэбаа үгэжэ, таанадые сүлөөлөөб.
Израилиин Хаан, Абарагшань, Түмэн Сэрэгтэ Эзэн иигэжэ айладхана: Би болбол эхин, тиихэдэ нэгэн доро эсэс гээшэб. Намһаа ондоо Бурхан байхагүй.
Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!
Эхын нарай нялхаяа хүхөөрөө тэдхэдэгтэл, үндэһэ яһатад шамайе тэдхэн байха, хаашуулынь тэдхэгшэдшни болохо. Иигэжэ Минии, Эзэнэй, таанадай Абарагша, Яковай Хүсэтэ Бурхан байһые мэдэхэш.
Харин Иудын арад зониие хайрлахаб. Би, Эзэн Бурханиинь, тэдэниие абархаб. Гэбэшье дайн дажар – һурша номо, һэлмэ, морин сэрэг эндэ хэрэглэхэгүйб.
Теэд Би, Эзэн Бурхантнай, Египедэй газар дайдаһаа таанарые абарааб. Таанад Намһаа бэшэ ондоо бурхадта мүргэхэ ёһогүйт. Намһаа бэшэ ондоо бурхан таанадые абархагүй.
Харин би Танда магтаалай дээжые хүргэн мүргэнэлби, найдуулһанаа би заатагүй дүүргэхэб: абарални Эзэнһээ ерэхэл!
Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.
Бурхан тухай, намайе Абарагша тухай сэдьхэн, һүр һүлдэмни урма баяраар халина.
мүнөөдэр Давид хаанай хотодо танай Абарагша түрэбэ, Бурханай табисуурта Эзэн мүндэлбэ.
Ондоо нэгэшье хүн таниие абархагүй, бидэниие абаржа шадаха ондоо хүниие энэ дэлхэйдэ Бурхан үгөөгүй.
Израилиин арад зон, соносогты! Манай Эзэн Бурхан ори ганса Эзэн юм.
юумыень хулуунгүй, харин гүйсэд үнэн сэхэ байхыень һургаарай. Тэдэнэр ямаршье юумэ хэхэдээ, Абарагша Бурханаймнай һургаалда туһатай юумэ хэжэ байха ёһотой.
Манай агууехэ Бурханай, Абарагша Иисүүс Христоосой алдарай элирхэ тэрэ үршөөлтэй Үдэртэ найдан, тэрэ Үдэрые хүлеэжэ байнабди.
Зүгөөр, манай Эзэн ба Абарагша Иисүүс Христоосые саашадаашье мэдэржэ, үршөөл хайрадань хүртэжэ байгты. Тэрэ мүнөөшье, хэтын хэтэдэшье алдар солотой байһай! Болтогой!
Эсэгэ Бурхан газар дэлхэйе Абарагша болгон, Хүбүүгээ эльгээгээ гэжэ бидэ хараабди, гэршэлэн баталнабди.
Эзэн Иисүүс Христоосоор дамжан бидэниие абарһан ори ганса Бурханда анханһаа эхилээд, мүнөө саг болотор хэтын хэтэдэ алдар соло, һүр жабхалан, хаан түрэ, эрхэ засаг байһай! Болтогой!
Тэрэ абяан намда иигэжэ хэлэбэ: – Хаража байһан юумэеэ ном соо бэшээд, Эфесэй, Смирнын, Пээргэмэй, Тиатирай, Сардисай, Филадельфиин, Лаодикиин һүзэглэгшэдэй бүлгэмүүдтэ эльгээлши.
