Исай 43:1 - Библи

¹ Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 43:1 Referencias Cruzadas

Эхин 32:28

Тиихэдэнь Тэрэ хэлэбэ: – Энээнһээ хойшо шинии нэрэ «Яков» бэшэ болохо. Ши хүнтэй барилдажа, илаад, удаань Бурхантай барилдажа диилэһэн хадаш шамда «Израиль», оршуулбал, «Эзэн Бурхантай барилдагша» гэдэг нэрэ үгтэбэ.

Псалманууд 100:3

Муу муухай юумэ хаража байхагүйб, урбагшадай хэрэг үзэн яданаб, тэрэнь намда няалдахагүй.

Псалманууд 102:18

Энэнь хэлсээень сахигшадта, заабаринуудынь бэелүүлэгшэдтэ хабаатай.

Египедһээ гаралга 15:13

Абарагша угсаатанаа үршөөлдэ хүртөөн, арюун нангин газартаа абаашаха гэжэ дахуулбаш.

Египедһээ гаралга 15:16

Айжа һүрдэжэ байг тэдэ! Танай хүсэтэ гар доро шулуун шэнги шэмээгүй болог! Эзэн, энэ Өөрын болгоһон арадтнай алад гаража ябанал!

Египедһээ гаралга 33:17

Эзэн Моисейдэ харюусаба: – Би энэ гуйлтыеш дүүргэхэб, юуб гэхэдэ, Минии һанаанда ши тааранаш, Би шамайе нэрээршни мэдэдэг болооб.

Исай 27:11

Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Исай 41:14

Жаахан, хүсэгүй Израиль, бү ай, Би шамда туһалхаб. Би болбол Израилиин арюун Бурхан, таанадай Абарагша мүн.

Исай 42:6

Би, Эзэн, шамайе дуудажа, үнэн шударга байдал тогтоохо арга шадал шамда үршөөгөөб. Шамайе гарһааш барижа, шамайе аршалнаб! Шинии аргаар арад түмэнтэй хэлсээ баталхаб, шамаар дамжуулан, үндэһэ яһатадта гэрэл асархаб.

Исай 43:21

Өөртөө гэжэ энэ арад түмэниие байгуулааб, тэдэ Намда магтаал татахал!»

Исай 43:5

Бү ай, Би шамтай хамтаб! Би шинии уг удамые зүүн болон баруун зүгүүдһээ суглуулан, гэртэнь асархаб.

Исай 43:7

Тэдэ Минии Өөрын зон, Өөрын алдар солын тула Би тэдэниие бүтээгээ бэлэйб».

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 45:11

Израилиин арюун Бурхан, тэрэ арад түмэниие байгуулагша Эзэн, иигэжэ айладхана: «Минии үхи хүүгэдэй ерээдүй тушаа һэжэг түрэжэ гү, али юу хэхыемни заажа байха зон таанад гээшэ гүт?!

Исай 48:17

Израилиин Арюун Эзэн Бурхан, таанадай Абарагша, иигэжэ айладхана: Би болбол танай Эзэн Бурхан гээшэб. Би таанадые аша туһатай юумэндэ һурганаб, ябаха ёһотой замаартнай ударидан байнаб.

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Исай 49:1

Алас холуур ажаһуудаг арадууд, холын олтирогуудай ажаһуугшад, намайе шагныта! Эхын умай соо бүрилдэхэтэйм хамта Эзэн намайе шэлэжэ, Өөрын барлаг болгоо.

Исай 49:26

Шамайе дарлагшадые бэе бэеэ хороохыень баадхахаб, тэдэ өөһэдынгөө шуһа үзэмэй дараһан архи мэтээр уужа һогтохо. Тиихэдэ хүн бүхэн Намайе шинии Абарагша, эрхэ сүлөө олгуулагша Эзэн, Яковай Хүсэтэ Бурхан гэжэ мэдэдэг болохо!

Исай 51:13

Таанадые Бүтээгшэ, огторгой татажа, газарай һуури табигша Намайе, Эзэнээ, таанад юундэ мартаабта? Таанадые дарлажа байгшадай, усадхахаар бэлэн байһан дайсанай уур хилэнһээ ходо айжа таанад юундэ байнабта? Харин тэрэ ууртай дарлагша хаанаб?

Исай 52:9

Иерусалимай һандарһан шулуунууд, хамта дуулажа, баясан хашхаралдагты! Эзэн Өөрынгөө хото абаржа, улад зонойнгоо сэдьхэл амаруулаа.

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Исай 63:16

Теэд Та манай Эсэгэт. Манай элинсэг эсэгэнэр болохо Абраһаам, Израиль маанадые өөрын гэжэ бү тоог, харин Та, Эзэмнай, манай Эсэгэ болонот, хододоо «Абарагшамнай» гэжэ Таниие нэрлэдэг бэлэйлди.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Ерэмияа 31:3

Би тэдээндэ холоһоо үзэгдөө бэлэйб. Израилиин арад зон, Би таанадта хэтэ мүнхэдөө дурланхайб, тиимэһээл хайра энэрэлээ та бүгэдэндэ үзүүлнэб.

Ерэмияа 33:24

– Израиль болон Иудын хан түрые шэлэһэн аад, Минии тэдэниие буруушааһан тухай зоной хэлсэжэ байһые ойлгоо гүт? Тэдэ Минии арад түмэн руу дээрэлхыгээр хаража, үндэһэ яһатан байна гэжэ тооногүй.

Ерэмияа 33:26

Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Ерэмияа 50:34

Харин тэдэнэй Абарагша хүсэтэй, Түмэн Сэрэгтэ Эзэн гэжэ нэрэ хүндэтэй. Тэрэ хэрэгыень хаража үзэхэ, тиигээд амар амгалан байдал газар дэлхэйдэ асарха, гэбэшье Вавилооной улад зониие хүлгөөхэ.

Гашуудал 3:57

Дуудахадам, Та дүтэлөөт, «Бү ай» гэжэ айладаат.

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Даниил 10:19

Тэрэ: – Бурханай шэлэгшэ хүн, бү ай! Амар тэниглэн бай, зоригтой, зоригтой бай! – гэбэ. Иигэжэ хэлэхэдэнь би хүсэ тэнхээтэй боложо: – Эзэмни, дуугарыт! Намда тэнхээ тамир бусаагаалта, – гэбэб.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Малаахи 3:17

«Өөрын эзэмшэлһэн орон байгуулхадам, тэдэ Минии байха болоно. Өөртэнь үйлэ бүтээдэг хүниие үршөөдэгтэй адли Би тэдэниие үршөөхэб» гэжэ Түмэн Сэрэгтэ Эзэн айладажа байна.

Хэрэгүүд 27:20

Нилээд олон үдэр огторгойдо нараншье, одо мүшэдшье харагдабагүй. Шуурганай яажашье зогсохогүйдэ бидэ абарагдахабди гэжэ найдахаяашье болёобди.

Хэрэгүүд 27:25

Нүхэд, тиимэһээ зоригтой байгты! Би Бурханда этигэнэб! Тэрэнэй хэлэһэн ёһоор хамаг юумэн болохо.

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.

Хуули дабталга 32:6

Эзэндээ юундэ иигэжэ ханданабта, тэнэг, ухаагүй арад? Тэрэ – танай Эсэгэ, таанадые байгуулаа, үндэһэ яһатан болгоо.

Хуули дабталга 32:9

Эзэн Өөрын хуби болгон Израилиин арадые, Яковай уг удамые шэлэһэн юм.

Тимофейдэ 2-дохи 2:19

Тиигэбэшье Бурханай татаһан бата һуури хүдэлөөгүй. «Эзэн Өөрынгөө хүнүүдые мэдэхэ», «Эзэнэй харьяалда орооб гэжэ хэлэһэн хүн нүгэлтэ хэрэгүүдые хэхэеэ болихо ёһотой» гэһэн үгэнүүдтэй тамга тэрэ татагдаһан һууриндань табигданхай байна.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.

Гэршэлгэ 5:9

Тиин тэдэнэр иимэ шэнэ дуу дуулаба: Та энэ ном абажа, тамгыень эбдэжэ тайлаха эрхэтэйт, Та үргэл болгогдожо алуулаад, Өөрынгөө улаан шуһанай сэнгээр али бүхы угсаатаниие, элдэб янзын хэлэтэй зониие, бүхы уг изагууртаниие, үндэһэ яһатаниие Бурханда абажа үгөөт.