Исай 42:6 - Библи

⁶ Би, Эзэн, шамайе дуудажа, үнэн шударга байдал тогтоохо арга шадал шамда үршөөгөөб. Шамайе гарһааш барижа, шамайе аршалнаб! Шинии аргаар арад түмэнтэй хэлсээ баталхаб, шамаар дамжуулан, үндэһэ яһатадта гэрэл асархаб.

Исай 42:6 Referencias Cruzadas

Исай 26:3

Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.

Исай 27:3

Би тэрэниие харууһалжа, таһалгаряагүй уһалжа байнаб. Хэншье тэрэниие бү гэмтээг гэһэндээ Би тэрэниие үдэр, һүнигүй харууһалнаб.

Исай 32:1

Үнэн зүбөөр зонхилогшо хаан, шударга зүбөөр хэрэгүүдые шиидхэгшэ ударидагшад бии болохо.

Исай 41:13

Би болбол танай Эзэн Бурхан гээшэб. Таанадые хүтэлжэ, «бү айгты, Би таанадта туһалхаб» гэжэ мэдүүлнэб.

Исай 41:2

Хэн хойто зүгһөө баатарые эльгээгээб? Хэн үнэн зүбые тэрээнтэй хамта, ошоһон лэ газартань байгуулнаб? Үндэһэ яһатаниие, хаашуулые диилэхэ хүсэ хэн тэрээндэ үгэнэб? Тэрэ һэлмээрээ тэдэниие тооһон мэтэ, һурша номоороо һалхинда хиидэһэн хагда үбһэн мэтэ болгобо.

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 43:1

Яков, шамайе байгуулагша, Израиль, шамайе бүтээгшэ Эзэн иигэжэ айладхана: «Бү ай, Би шамайе абархаб. Би шамайе нэрээршни нэрлээб, ши Минии болоош.

Исай 45:1

Эзэн Киирые хаан гэжэ тоһолон шэлээд, арадуудые диилэн зонхилхыень табяа. Хаашуулай эрхэ түлөөлгэнүүдые болюулхын тула Тэрэ Киирые эльгээгээ. Эзэн тэрэнэй урда хотонуудай бартаануудые нээхэл. Кииртэ Эзэн иигэжэ айладхана:

Исай 45:13

Киирые үнэн зүб үйлэ хэрэг ябуулхын тула Би тодоруулааб. Тэрэнэй ябадаг бүхы харгы зам жэгдэлхэб. Тэрэ Минии Иерусалим хото һэргээн бодхохо, баряанда байгааша Минии арад зониие сүлөөлхэ. Иимэ юумэ хэхэдэнь хэншье тэрээндэ шагнал үгэхэб гэжэ найдуулаа бэшэ. Иигэжэ Би, Түмэн Сэрэгтэ Эзэн, айладхана мүн!»

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 49:8

Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.

Ерэмияа 12:16

Хэрбээ тэдэ Минии арад зоной шажан мүргэл даган абажа, Баалай урда Минии зониие тангариглажа һургаһандал, Минии нэрээр «Бурхан үзэг!» гэжэ тангариглажа байгаа һаа, тэдэ Минии арад зоной нэгэ хуби болохо.

Матвей 26:28

Энэ болбол олон хүнүүдэй нүгэл шэбэлнүүдые хүлисүүлхын тулада адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Лука 2:32

Тэрэтнай бүхы угсаатаниие гэгээрүүлхэ гэрэл болохол, Израилиинтнай арадта алдар соло асархал.

Иоанн 8:12

Иисүүс дахин тэдэнтэй хөөрэлдэбэ: – Би дэлхэйе гэрэлтүүлэгшэ Гэрэл туяа гээшэб. Минии хойноһоо дахаһан хүн харанхы соогуур төөрижэ ябахагүй, харин амидарал олгодог гэрэл туяатай болохо.

Хэрэгүүд 13:47

Эзэн бидэндэ: «Газар түбиин заха хизаар хүрэтэр абаралга асархыншни тула Би шамайе бусад арадуудай гэрэл туяа болгон табяаб», – гэжэ захяа һэн.

Хэрэгүүд 26:23

Харин Бурханай табисуурта ехэ зоболон эдлэжэ, үхэһэн зоной дундаһаа эгээн түрүүн амидыржа, манайшье арад зондо, бусад арадуудташье абаралга тухай хөөрэхэ гэжэ тэдэнэй бэшэһые хэлэһэн байгааб.

Коринфынхидтэ 2-дохи 1:20

Тэрэ Бурханай бүхы найдуулгануудайнь «тиимэ» гээшэ. Тиимэһээл Христоосоор дамжуулан бидэ «Болтогой» гэжэ Бурханай алдарта айладхаабди.

Еврейнүүдтэ 12:24

Таанад Аабэлэй сасаһан шуһанда орходоо бүри һайн юумэнүүдые үгэхөөр найдуулан Шэнэ Хэлсээе баталһан Иисүүсэй сасагдаһан шуһанда ерээт.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Еврейнүүдтэ 7:2

Тиин Абраһаам байһан юумэнэйгээ арбанай нэгэ хубиие Мэлхицээдэгтэ үгөө. Мэлхицээдэгэй нэрынь нэгэ удха болбол «үнэн сэдьхэлэй хаан»; тиихэдэ Шалээмэй хаан байһан хадань тэрэнэй нэрэ үшөө «энхэ тайбанай хаан» гэһэн удхатай.

Еврейнүүдтэ 7:26

Үнэндөө Иисүүс маанадтал хэрэгтэй Ахамад Санаарта юм. Тэрэ болбол арюун гэгээн; харата хэрэгүүдые үйлэдөөгүй, нүгэл шэбэлдэ унаагүй; нүгэлтэ зонһоо илгаруулагдаад, тэнгэридэ дэгдүүлэгдээ.

Еврейнүүдтэ 8:6

Үлүү һайн найдуулга дээрэ үндэһэлһэн Бурханай болон Тэрэнэй хүнүүдэй хоорондохи Иисүүсээр дамжаһан хэлсээн хэды ехэ һайн гээшэб. Тон тиигэжэл Иисүүстэ мүнөө тэдэ санаартадта орходоо бүри эрхим түгэс албан тушаал үгтөө.

Еврейнүүдтэ 9:15

Бурханай уряалһан хүнүүд Бурханай найдуулһан мүнхын үршөөлдэ хүртэхэ. Христоос түрүүшын хэлсээнэй хүсэн түгэлдэр байхадань хүнүүдые үйлэдэһэн нүгэлнүүдһээнь сүлөөлөөд, Шэнэ хэлсээ баталха боломжо олгобо.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.