Исай 42:5 - Библи

⁵ Бурхан огторгойе бүтээжэ татаа, дэлхэйе үрэ жэмэстэйнь Тэрэ байгуулжа дэлгээ, Тэрэ улад зондо, амитадта ами наһа, амисхаал бэлэглээ. Тиигээд мүнөө Эзэн Бурхан Өөрын богоолдо иигэжэ айладхана:

Исай 42:5 Referencias Cruzadas

Эхин 1:1

Эхинэй эхиндэ Бурханай огторгой болон газар дэлхэйе бүтээжэ захалхада,

Эхин 2:7

Тиигээд Эзэн Бурхан хүниие газарай шоройһоо бии болгожо, хамар руунь амидаралай амисхал үлеэжэ оруулба. Хүн амитан боложо амидырба.

Иоов 12:10

Амитан бүриин амидарал, хүнэй ами наһан Тэрэнэйл гарта байна.

Иоов 27:3

амияа табяагүй, һүнэһэ һүлдөө алдаагүйдэмни минии аманһаа хуурмаг үгэ дуулдахагүй, минии хэлэн худалаар хэлэхэгүй.

Иоов 33:4

Түгэс Хүсэтэ Бурханай Һүлдэ намайе бүтээн, ами наһа үгэһэн бэлэй.

Иоов 34:14

Дураа хүрөө һаа, Эзэн ами наһа үгэдэг, Өөрынгөө Һүлдэ, Өөрынгөө амисхал хүн бүхэнһөө һөөргэнь бусааха шадалтай.

Псалманууд 136:6

Хэрбээ шамайе һанаагүй һаам, хэрбээ Иерусалимые эгээл ехэ баярни гэжэ сэгнэн байгаагүй һаам, хэлэмни тангалайдаа няалдуужан.

Псалманууд 33:6

Тэрээн руу хандан эрьегшэ зоной нюур шарай толорно, эшэхэ байдал шарайдань үзэгдэхэгүйл. ז Заайин

Псалманууд 96:5

Бүхэдэлхэйн Эзэнэй урда, Эзэнэй урда, хаданууд дабирхай мэтэ хайлана.

Исай 37:16

«Херүүбүүд дээрэ заларагша, Түмэн Сэрэгтэ Израилиин Эзэн Бурхан! Та ори гансаараа газар дээрэхи бүхы хан түрэнүүдэй Бурхан болонот! Та огторгой, газарые бүтээгээт!

Исай 40:12

Хэн тэнгис далайн уһые гарайнгаа альгаар хэмжэжэ, һөөмөөр тэнгэриие хэмжүүрлэжэ шадахаб? Хэн газарай шоройе амһартаар хэмжүүрлэн тооложо, уула, гүбээнүүдые шэгнүүрээр шэгнэхэ аргатайб?

Исай 40:22

Таршаа шумуул мэтэ улад зонтой дэлхэйн тойрог дээрэ заларагшань Тэрэ бэлэй. Тэрэ огторгойе хүшэгэ мэтэ татажа, майхан мэтэ дэлгээ.

Исай 40:26

Огторгой руу харагты! Хэн одо мүшэдые байгуулааб? Сэрэгтэл адляар тэдэниие захиран гаргагша Бурхан тэдэниие тоо тоогоорнь, нэрээрнь мэдэдэг. Тэрэнэй хүсэ шадал агууехэ, ямаршье юумэн Тэрээндэ дутуу байхагүй!

Исай 40:28

Мэдэхэгүй юм гүш? Дуулаагүй юм гүш? Эзэн – хэтэ мүнхэдөө оршодог Бурхан, Тэрэ бүхы дэлхэй байгуулаа. Тэрэ эсэдэггүй, тулидаггүй. Хэншье ухаан бодолыень мэдэхэгүй.

Исай 44:24

– Би таниие абарагша Эзэмби. Би таанадые хэбэл соо байгуулааб. Би, Эзэн, бүхы юумэ бүтээгээб, Би гансаараа огторгойе татажа, дэлхэйе гансаараа дэлгээб.

Исай 45:12

Дэлхэйе бүтээжэ, дээрэнь зониие бии болгоһониинь Би мүн! Өөрын хүсэ шадалаар огторгойе дэлгээб, нара, һара, мүшэдые зонхилон удариданаб.

Исай 45:18

Огторгойе бүтээһэн, газарые байгуулһан, бии болгоһон, һуурииень табиһан, хооһон байхын тула бэшэ, амидархын тула бүтээһэн, байгуулһан Эзэн иигэжэ айладажа байна: Би болбол Эзэн гээшэб. Намһаа ондоо Бурхан байхагүй!

Исай 48:13

Минии гарнууд газарай үндэһэ һуури табяа, огторгойе дэлгээ. Газар, огторгойе дуудахадам, тэдэ хамта тэрэ дары бии болодог.

Исай 57:16

Би зониие хэтэ гэмнэжэ байхагүйб, уур хилэмни таһалгаряагүй бэшэ. Ондоо байгаа бол Минии урда тэдэнэй һүлдэ, Минии байгуулагша халуун амид хүсэгүй болохо бэлэйл.

Ерэмияа 10:12

Эзэн Өөрын хүсэ шадалаар газар дэлхэйе бүтээгээ, Өөрын мэргэн ухаагаар юртэмсые тогтоогоо, Өөрын оюун ухаагаар огторгой татаа.

Ерэмияа 27:5

– Би Өөрын агууехэ шадалаар болон хүсөөр газар дэлхэйе, тэрээн дээрэ ажаһуудаг зониие, ан амитадые бүтээгээб. Энээниие Би дуратай нэгэндээ үгэхэб.

Ерэмияа 32:17

– Дээдэ Эзэн, Та агууехэ хүсэ шадалаараа газар дэлхэйе, огторгойе байгуулаат. Танай хэжэ шадахагүй юумэн гэжэ байхагүй.

Ерэмияа 38:16

Тиихэдэм Цэдэкиия хаан нюусаар намда тангариглажа, «Бидэндэ ами наһа бэлэглэһэн Бурханаар тангаригланаб, би шамайе саазалхагүйб, алахаяа һанаашадташье үгэхэгүйб», – гэбэ.

Эзэкээл 18:4

Хүн бүхэнэй – эхэ, эсэгын, үхибүүнэйнь – ами наһан Минии мэдэлэй. Нүгэл үйлэдэгшэ хэн нэгэн өөрынгөөл хэһэнэй түлөө хосорхо.

Даниил 5:23

Огторгойн Эзэнэй урдаһаа һөөргэдэбэш: нангин ордонһоонь асарагдаһан амһартануудые шам руу асарба, түшэмэлнүүдтэеэ, һамгадтаяа, бага һамгадтаяа хамта тэдэ хундагануудһаа үзэмэй дараһан архи уубаш, тиигээд юушье харадаггүй, дууладаггүй, ойлгодоггүй мүнгэн, алтан, гуулин, түмэр, модон болон шулуун бурхадаа магтан-түүрээн байбаш. Харин ами наһа, хуби заяаеш зонхилон байдаг Бурханиие ши алдаршуулнагүйш.

Амоос 9:6

Огторгой руу гэшхүүр байгуулааша, газар дэлхэйдэ Өөрын үргөө бата һуурижуулагша далайн уһа дууһан суглуулжа, газар дайдаар адхан тараагша Нэгэнэй нэрэ – Эзэн!

Захарияа 12:1

Үзэл: Израиль тухай Эзэнэй үгэ. Тэнгэри дэлгэжэ, дэлхэйн һуури табиһан, хүнэй һүнэһэ һүлдэ доторынь бии болгоһон Эзэн тунхаглажа байна:

Хэрэгүүд 17:24

Юртэмсэ дэлхэйе, тэрээн дээрэ оршодог хамаг юумэ бүтээһэн Бурхан газар тэнгэриин Эзэн юм, гараар бодхоогдоһон һүмэдэ амидардаггүй юм.

Хэрэгүүд 17:25

Хүнэй ямаршье туһаламжа Бурханда хэрэггүй. Тэрэ Өөрөө амитай бүхы юумэндэ ами наһа, амисхал, бүгэдые үгэнэ.

Еврейнүүдтэ 1:2

Харин һүүлшын эдэ үдэрнүүдтэ Тэрэ Хүбүүгээрээ дамжуулан бидэндэ хэлэнэ. Бурхан Хүбүүнэйнгээ ашаар замбуулин дэлхэйе бүтээжэ, бүхы юумые залгамжалхаар Тэрэнээл һунгаа.