Исай 42:4 - Библи

⁴ Тэрэ зүрхэ алдахагүй, урма зоригоо хухархагүй, дэлхэй дээрэ зүб шударга гурим тогтоохо. Холын нютагууд Тэрэнэй хуулиие найдан хүлеэнэ.

Исай 42:4 Referencias Cruzadas

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Исай 40:22

Таршаа шумуул мэтэ улад зонтой дэлхэйн тойрог дээрэ заларагшань Тэрэ бэлэй. Тэрэ огторгойе хүшэгэ мэтэ татажа, майхан мэтэ дэлгээ.

Исай 40:28

Мэдэхэгүй юм гүш? Дуулаагүй юм гүш? Эзэн – хэтэ мүнхэдөө оршодог Бурхан, Тэрэ бүхы дэлхэй байгуулаа. Тэрэ эсэдэггүй, тулидаггүй. Хэншье ухаан бодолыень мэдэхэгүй.

Исай 41:5

Олтирог нютагуудай зон Минии хэһэн үйлэ хэрэг хаража, айн шэшэрэлдээ. Тиигээд тэдэ сугларан ерэнэ.

Исай 42:10

Эзэндэ шэнэ дуу дуулажа, бүхы дэлхэйгээр Тэрээндэ магтаал дуулагты! Далайгаар тамарагшад болон далайн бүхы амитад, Тэрэниие магтагты! Олтирогууд болон ажаһуугша зониинь, Эзэндэ магтаал дуулагты!

Исай 42:12

Холын орон нютагуудаар ажаһуугшад Эзэн Бурханда магтаал, алдар соло үргэг лэ!

Исай 42:21

Үнэн шударгаяа хараада абан, Эзэн Хуулиие агууехэ, алдар солотой болгохо һанаатай.

Исай 49:1

Алас холуур ажаһуудаг арадууд, холын олтирогуудай ажаһуугшад, намайе шагныта! Эхын умай соо бүрилдэхэтэйм хамта Эзэн намайе шэлэжэ, Өөрын барлаг болгоо.

Исай 51:4

Минии арад түмэн, айладхалыем шагнагты! Минии улад зон, Нам руу анхаралаа хандуулагты! Арадуудта хуули ёһо тунхаглажа, тэдээндэ гэрэл болгон, Өөрын һургаал тогтоохоб.

Исай 51:5

Минии заларха саг ойртоо, тиигээд Би тэдэниие абархаб. Би Өөрөө үндэһэ яһатадые сүүдлэхэб, алас холын орон нютагууд Минии залархые, тэдэниие абархые ехэ найдан хүлеэнэ.

Исай 55:5

Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Исай 60:9

Олтирогууд Эзэндэ найдана, Таршиишэй онгосонууд түрүүлэн наашаа ерэжэ байна! Тэдэ болбол холын оронуудһаа танай арад зониие, алта, мүнгыень асаржа байна. Эзэн Бурханайтнай, Израилиин арюун Бурханай захиралта иигэжэ гүйсэдхэнэ, Тэрэ таанадые алдаршуулаа!

Исай 66:19

Би тэдэнэй дунда дүлгэ тэмдэг харуулхаб! Заримашуулыень абаржа, ондоо арадуудта, алас холын нютагуудта, юрэдөө, Нам тушаа дуулаагүй, Минии һүр жабхалан, хүсэ шадал хараагүй зон руу – Испани, Ливи, мэргэн харбаашадтай Лиди, Тубаал, Греци руу ябуулхаб. Тиихэдэм тэдэ Минии һүр жабхалан тушаа арадуудта соносхохол.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Матвей 12:21

тиин бүхы арадууд Тэрээндэ найдажа байха».

Марк 3:3

– Бодоод, хүн зоной урда гара! – гээд Иисүүс хатаһан гартай хүндэ хэлэбэ.

Римэйхиндэ 16:26

Харин мүнөө тэрэ үнэн зүбые лүндэншэдэй бэшэгүүд нээгээ; бүхы хүнүүдэй һүзэглэжэ, үгыень дуулажа байхын тула мүнхэ Бурхан захиралтаараа бүхы арадуудта тэрэниие мэдүүлээ.

Коринфынхидтэ 1-дэхи 9:21

Хуулигүй бусад арадуудай дунда байхадаа, би тэдэниие татахын тула Хуулигүй бусад арадай түлөөлэгшэдэл адляар байгааб. Тиихэдээ би Бурханай Хуулиин мэдэлһээ гараагүйб, Христоосой Хуули баримталжа байгааб.