Исай 42:16 - Библи

¹⁶ Би Өөрын һохор зониие мэдэхэгүй замаарнь хүтэлэн ябахаб, тэдэнэй урда харанхые гэрэл, барзагар газарые тэгшэ тала болгохоб. Энэ болбол Минии хэхэ юумэн. Би тэдэниие хэнгүй орхихогүйб.

Исай 42:16 Referencias Cruzadas

Экклезиаст 1:15

Гажаһаниие сэхэлжэ болохогүй, үгы юумые тоолохо аргагүй.

Экклезиаст 7:13

Бурханай ажалые харагты: Тэрэнэй һарюу болгоһониие хэн сэхэлжэ шадахаб?

Исай 26:7

Зүб шударга зоной харгы тэгшэ – Та замыень дардам һайн болгонот.

Исай 29:18

Тэрэ сагай мандахада, дүлии зон хуйламал номой үгэ соносожо, харанхыда байгааша һохор зоной нюдэн харадаг болохол!

Исай 29:24

Алдуу эндүү хэжэ байгаашад ойлгодог болохо, гэмэрэлдэн байгаашад заабари хүлеэн абаха».

Исай 30:18

Гэбэшье Эзэн хүлеэжэ, таанадые хайрлаха. Тэрэ бодожо, таанадта туһалха. Юуб гэбэл, Эзэн гээшэ зүб шударга Бурхан, Тэрээндэ этигэн һүгэдэгшэд жаргал эдлэхэ!

Исай 30:21

Харгы замһаа баруун, зүүн зүгүүд руу хадууран байбал, таанад ара тээһээ Тэрэнэй иимэ абяа дуулахат: «Харгы – тэндэ. Тэрээгүүр ябагты!»

Исай 32:3

Зоной хэрэгүүдтэ тэдэ нюдэ балай, шэхэ дүлии мэтээр хандахагүй.

Исай 35:5

Залархадань, һохор хүнэй нюдэн нээгдэхэ, дүлии хүн дуулажа эхилхэ.

Исай 35:8

Тэндэ нэгэ ехэ харгы зам бии боложо, «Нангин арюун зам» гэжэ нэрлэгдэхэ. Тэрээгээр нүгэлтэй нэгэшье хүн ябахагүй, ямаршье тэнэг хүн энэ замаар ябагшадые төөрюулхэгүй.

Исай 40:4

Жалга бүхэн жэгдэрхэ, хада гүбээ бүхэн набтар болохо зэргэтэй, ялхитай болдогтой зүргэ тэгшэ болог лэ, нэгэ адли бэшэ газар мэлигэр гоё болог лэ.

Исай 41:17

Үгытэй, ядуу зон уһа бэдэржэ, ангаһандаа хэлэнэйнь хатан алдахада, Би, Эзэн, гуйлтыень дүүргэхэб, Би, Израилиин Бурхан, тэдэниие хаяад байхагүйб.

Исай 41:3

Тэрэ тэдэниие намнажа, урдань хүлөө табяагүй харгыгаар һанаа амар ябана.

Исай 45:2

«Би шинии урда ябажа, хада уулануудые тэгшэлхэб, гуулин бартаануудые эбдэжэ, түмэр шэбхэнүүдыень хуха татахаб.

Исай 45:7

Би туяа гэрэл болон харанхые бии болгоноб. Энхэ амгалан байдал, гай тодхоршье асарнаб. Би болбол эдэ бүгэдые хэдэг Эзэн мүн!

Исай 48:17

Израилиин Арюун Эзэн Бурхан, таанадай Абарагша, иигэжэ айладхана: Би болбол танай Эзэн Бурхан гээшэб. Би таанадые аша туһатай юумэндэ һурганаб, ябаха ёһотой замаартнай ударидан байнаб.

Исай 52:12

Энэ удаа таанад яаран гарахагүйт, тэрьедэжэ байхагүйт. Эзэн урдууртнай ябажа, таанадые хүтэлхэ, Израилиин Бурхан ара талаһаатнай таанадые аршалан ябахал.

Исай 54:13

Улад зониишни һургажа, урагшатай бэрхэнүүд болгохоб.

Исай 58:10

үлэсхэлэн хооһон хүндэ эдеэ хоол үгэжэ, хэрэгтэй юумээрнь зониие хангахадатнай, хажуугаартнай байгша харанхы үдын тэнгэй һаруул гэрэл мэтэ болон хубилхал.

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Эзэкээл 14:23

Тиихэдэл таанад Минии хэһэн хэрэгүүд зүйтэй гэжэ мэдэхэт. Энэ болбол Би, Эзэн Бурхан, айладхаа мүн!

Һошээ 2:14

Зай, иигэжэ Би тэрэниие зэлүүд хооһон газар руу дахуулан абаашаад, уриханаар хандан тэрээндэ үгэ хэлэхэб.

Һошээ 2:6

Тиимэһээнь Би харгыдань адаалхай һөөгүүдые байгуулжа, түбэд ушаруулхаб, зүргэ замаа олохогүйн, гарахагүйн тула хорёо хашаа бодхоохоб.

Амоос 5:8

Зургаан мүшэд, Ориониие байгуулагша, бүдэг гэрэлые үглөөнэй туяа, үдэрые харанхы һүни болгогшо, далайн уһанда захиран дуудажа, бүхы дэлхэйгээр тараан урдахуулагша гэбэл, Эзэн мүн!

Эфесэйхиндэ 5:8

Урдань таанад өөһэдөө харанхы мунхагта байгаат, харин Эзэнэй хүнүүд болоходоо, гэрэл туяада байдаг болоот. Тиимэһээ таанад гэрэл туяагай хүнүүдтэ адляар амидарха ёһотойт.

Еврейнүүдтэ 13:5

Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.

Нүүнэй Иисүүс 3:4

Танай ба Эзэнэй хоорондохи зай хоёр мянган тохой хүрэтэр хэмжүүртэй байха ёһотой; тэрээндэ бү дүтэлэгты. Тэрэ замаар ябаашьегүй һаа, тиигэжэ ябаха замаа мэдэхэт.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.