Исай 42:1 - Библи

¹ Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 42:1 Referencias Cruzadas

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Псалманууд 72:4

Үхэтэрөө тэдэ зобоногүй, хүсэниинь бууранагүй.

Псалманууд 89:4

Та хүниие һөөргэнь, шорой руу бусаажа, «Хүнэй хүбүүд, һөөргөө бусагты!» гэнэт.

Исай 2:4

Үндэһэтэдэй хоорондохи арсалдаае Тэрэ болюулха, олон арад түмэниие шүүхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Исай 32:16

Энэ сүл губида үнэн шударга ёһо тогтохо, үрэжэлтэ таряаланда үнэн зүб оршохо.

Исай 41:8

Харин ши, Минии богоол Израиль! Минии шэлэһэн Яков! Минии нүхэр Абраһаамай үри һадаһад!

Исай 41:9

Би таанадые дэлхэйн захаһаа асаржа, газарай хирхагһаа дуудажа, иигэжэ айладхаа бэлэйб: Таанад Минии богоолнууд гээшэт. Би таанадые голоогүйб, шэлэн абааб.

Исай 42:2

Тэрэ хашхархагүй, дуугаа шангадхахагүй, гудамжануудта шангаар хүрхирхэгүй.

Исай 43:10

Харин Минии гэршэнэр гэбэл, Израилиин арад түмэн. Таанад болбол Минии зарасанар. Таанад мэдэжэ, Намда этигэжэ, Намайе ори ганса Бурхан гэжэ ойлгохын тула таанадые шэлээб. Намһаа бэшэ ондоо Бурхан байхагүй, хэзээдэшье байгаагүй, байхашьегүй!

Исай 50:10

Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!

Исай 52:13

Эзэн иигэжэ айладхана: «Минии зараса урагшатай байха, ехэ хүндэтэй, нэрэ түрэтэй хүн тэрэ болохо.

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Исай 59:21

Би тэдэнтэй энэ хэлсээ баталхаб. Шам дээрэ оршогшо Минии Һүлдэ, амандашни Минии хэгшэ үгэмни хододоо шинии, үри һадаһадайш, тэдэнэйшье уг удамай аманда мүнөөнһөө эхилэн хэтэ мүнхэдөө оршог!»

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Исай 63:1

«Эдоомой Боцраа хотоһоо һүр жабхалан гийгүүлһэн, улаан хубсаһа хиисхүүлһэн асари хүсэтэ хэн морилбо гээшэб?» Илалта соёрхуулхын тулада бууһан абарагша Эзэн Бурхамнай.

Хаггай 2:23

Энэ болбол Түмэн Сэрэгтэ Эзэн айладхана мүн! Шалтиээлэй хүбүүн Зэрубабээл, тэрэ үдэр Эзэн шамайе, Өөрын богоолые, шэлэн абажа, Өөрын нэрэһээ зонхилдог болгохо. Энэ хадаа Түмэн Сэрэгтэ Эзэн айладаа мүн!

Захарияа 3:8

Шагнал даа, ахамад санаарта ши Иисүүс, шинии урда һуужа байһан ахамад санаартан мүн лэ дуулажа байг. Эдэ зон үзэгдэл шэнжын гэршэ болохо. Би Өөрынгөө богоолые, Өөрын Һалаа эндэ асаржа харуулхам.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Лука 3:22

гулабхаагай дүрсэтэйгөөр Арюун Һүлдэ Тэрээндэ бууба. – Ши Минии хайрата Хүбүүмниш, сэдьхэлыемни баярлуулнаш, – гэһэн абяан огторгойһоо дуулдаба.

Лука 4:18

«Эзэнэй Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхыемни, Хаалтада, баряанда байгшадта эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Эзэн эльгээгээ юм.

Лука 4:19

Эзэнэй Өөрынгөө арад түмэндэ үршөөлөө хайрлаха таарамжатай сагай ерэһэн тушаа Минии тунхаглахые Намайе эльгээгээ».

Лука 9:35

– Энэ Минии шэлэжэ абаһан Хүбүүн юм! Тэрэнэй үгөөр ябагты! – гэжэ абяан үүлэн сооһоо хэлэбэ.

Иоанн 16:32

Шагнагты даа, Намайе орхёод гэр гэртээ гүйлдэн тараха сагтнай ерэжэ байна. Теэд Би гансаараа бэшэб, Минии Эсэгэ Намтай хамта юм.

Иоанн 3:34

Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ.

Иоанн 6:27

Теэд таанар саг зуурын эдеэндэ һаналаа бү табигты, харин мүнхын амидарал олгодог эдеэндэ һаналаа табигты. Тиимэ амидаралые таанарта Хүн түрэлхитэнэй Хүбүүн үгэхэ, Бурхан Эсэгэ Тэрээндэ эрхэ засагаа үршөөгөө юм.

Хэрэгүүд 10:38

Назаредэй Иисүүсые Арюун Һүлдөөр болон хүсэ шадалаар Бурханай дүүргэхэдэнь, Тэрэ хаа хаанагүй ябажа, буянтай хэрэгүүдые үйлэдэжэ, шолмосто баригдаһан хүн бүхэниие эдэгээжэ байһыень таанад баһа мэдэнэт. Бурхан Тэрээнтэй хамта байгаа бшуу.

Хэрэгүүд 11:18

Эдэ үгэнүүдые дуулахадаа еврей һүзэглэгшэд Пётрые буруушаахаяа болижо: – Тиихэдээ Бурхан бусад арадуудташье нүгэл хэхэеэ болихо арга олгожо, Амидарал үгэбэ! – гэжэ хэлэн, Бурханиие алдаршуулба.

Хэрэгүүд 28:28

Абаралга тухай энэ Бурханай Мэдээсэл бусад арадуудта эльгээгдээ гэжэ таанад мэдэгты. Тиигээд тэдэл дуулаха.

Хэрэгүүд 9:15

Гэбэшье Эзэн Ананияда: – Ошо! Би тэрэниие Намда алба хэхээр шэлэжэ абааб. Тэрэ Минии нэрэ алдар тухай бүхы арадуудта, хаашуулда, Израилиин зондо дуулгаха.

Эфесэйхиндэ 1:4

Бурханай урда арюун ба зэмдэггүй байхымнай тула Тэрэ бидэниие Христоостой нэгэдхэн Өөрын болгожо, газар дэлхэйн бүтээгдэхэһээ урда шэлэжэ абаа. Бурхан бидэндэ дуратай байжа,

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Филиппынхидтэ 2:7

Харин орондонь хамаг эрхэ түрэеэ Тэрэ дуратайгаар орхёод, зарасын дүрсэ дүрсэлжэ, маанадтал адли болон, хүн түхэлтэй мүндэлбэ.

Колоссынхидтэ 1:13

Бурхан бидэниие харанхы мунхагай хүсэнһөө аршалжа, инаг хайрата Хүбүүнэйнгээ эрхэ засагта оруулаа.

Пётрой 1-дэхи хандалга 2:4

Хүнүүдэй голоһон, зүгөөр Бурханай шэлэжэ абаһан, Бурханай нюдэндэ үнэтэй сэнтэй байдаг амиды шулуунда – Эзэндэ – ерэгты.

Пётрой 1-дэхи хандалга 2:6

Нангин Бэшэг соо: «Бата найдамтай, шэлэгдэжэ абтаһан, эрдэни шулуу Сион дээрэ мүнөө Би табинаб; Тэрээндэ һүзэглэһэн хүн хэзээдэшье урмаа хухархагүй», – гэжэ хэлэгдэнэ.