Исай 41:4 - Библи

⁴ Хэн энээниие гүйсэдхөөб, хэн бүтээгээб? Хэн угай бэшэг-түүхэ зохёогооб? Эзэн Би эхиндэнь байгааб, эсэстэньшье Би, Эзэн, байлсахаб!

Исай 41:4 Referencias Cruzadas

Исай 40:12

Хэн тэнгис далайн уһые гарайнгаа альгаар хэмжэжэ, һөөмөөр тэнгэриие хэмжүүрлэжэ шадахаб? Хэн газарай шоройе амһартаар хэмжүүрлэн тооложо, уула, гүбээнүүдые шэгнүүрээр шэгнэхэ аргатайб?

Исай 40:26

Огторгой руу харагты! Хэн одо мүшэдые байгуулааб? Сэрэгтэл адляар тэдэниие захиран гаргагша Бурхан тэдэниие тоо тоогоорнь, нэрээрнь мэдэдэг. Тэрэнэй хүсэ шадал агууехэ, ямаршье юумэн Тэрээндэ дутуу байхагүй!

Исай 41:20

Зон энээниие хаража, Минии, Эзэнэй, хэһые мэдэдэг болохо. Израилиин арюун Бурхан болохо Минии энээниие хэһые тэдэ ойлгохо.

Исай 41:26

Иимэ юумэн болохо гэжэ таанадай хэн уридшалан хэлээб? Хэлээ һаатнай, «та зүб шударга» гэжэ бидэ соносхохо бэлэйлди. Теэд таанадай хэншье энээн тушаа нэгэшье үгэ хэлээгүй, соносхоогүй, иимэ юумэ хэлэжэ байһыетнай хэншье дуулаагүйл!

Исай 41:3

Тэрэ тэдэниие намнажа, урдань хүлөө табяагүй харгыгаар һанаа амар ябана.

Исай 42:24

«Хэн Яковые дээрмэшэдтэ дамжуулжа үгөөб? Хэн Израилиие һүйдхэгшэдтэ үгөөб? Эзэн бэшэ гү? Бидэ Тэрэнэй урдаһаа нүгэл үйлэдөө бэлэйлди. Тэрэнэй үгөөр ажаһуугаагүйбди, хуулииень сахяагүйбди.

Исай 43:10

Харин Минии гэршэнэр гэбэл, Израилиин арад түмэн. Таанад болбол Минии зарасанар. Таанад мэдэжэ, Намда этигэжэ, Намайе ори ганса Бурхан гэжэ ойлгохын тула таанадые шэлээб. Намһаа бэшэ ондоо Бурхан байхагүй, хэзээдэшье байгаагүй, байхашьегүй!

Исай 43:13

Би болбол Бурхан гээшэб, хэзээдэшье Бурхан зандаа байхаб. Хэншье Намһаа зугадажа шадахагүй, хэншье Минии үйлэ хэрэгүүдые болюулжа шадахагүй».

Исай 46:10

Юун болохыень Би эгээл эхиндэ уридшалан айладхаа бэлэйб. Болоодүй байгаа юумые үни эртэнһээ мэдүүлээб. Минии түсэбүүд заабол бэелүүлэгдэдэг, хэхэеэ һанаһан хэрэгээ Би заатагүй хэдэгби.

Исай 48:12

Эзэн иигэжэ айладана: «Намайе шагна, Яков, Минии дуудаһан Израиль! Би болбол бүгэдын эхиндэ байһан, Би эсэстэшье байхаб!

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Хэрэгүүд 17:26

Бүхы дэлхэйгээр нютагжахынь тула амидарха саг болзорыень болон байрлаха хилэ хизаарыень тогтоон, ори ганса хүнһөө бүхы хүн түрэлхитэниие Тэрэ бүтээгөө.

Хуули дабталга 32:39

Мүнөө харана гүт: Биб, ганса Би байнаб. Намһаа бэшэ ондоо Бурхан үгы. Би гээгдүүлнэб, нэгэн доро амидыруулнаб, Би хюданаб, мүн аргалнаб. Минии урдаһаа хэншье һөөргэдэжэ шадахагүй!

Гэршэлгэ 1:11

Тэрэ абяан намда иигэжэ хэлэбэ: – Хаража байһан юумэеэ ном соо бэшээд, Эфесэй, Смирнын, Пээргэмэй, Тиатирай, Сардисай, Филадельфиин, Лаодикиин һүзэглэгшэдэй бүлгэмүүдтэ эльгээлши.

Гэршэлгэ 1:17

Тэрэниие харамсаараа, би үхэһэн шэнгеэр хүлэйнь хажууда унашабаб. Тиихэдэмни Тэрэ баруун гараа мүрэ дээрэмни табяад, намда иигэжэ хэлэбэ: – Бү ай; Би хадаа Түрүүшынхинь, Һүүлшынхинь гээшэб,

Гэршэлгэ 1:8

«Би хадаа Альфа, Омега гээшэб!» – гэжэ Эзэн Бурхан хэлэнэ. Тэрэ хододоо байгаа, байнашье, байхашье, Хамагые зонхилогшо мүн.

Гэршэлгэ 2:8

Смирнын һүзэглэгшэдэй бүлгэмэй түлөөлэгшэдэ иигэжэ бэшээрэй: «Үхөөд байһанаа амидырһаниинь, Түрүүшынхи, Һүүлшынхинь гээшэб:

Гэршэлгэ 22:13

Би Альфа, Омега гээшэб, Түрүүшынхинь, Һүүлшынхинь, Эхиниинь, Эсэсынь гээшэб».