Исай 41:16 - Библи

¹⁶ Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Исай 41:16 Referencias Cruzadas

Псалманууд 1:4

Хорото муу зон тиимэ бэшэ. Тэдэ һалхинда хиидэдэг мэхиинэ мэтэ.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 17:13

Үндэһэтэдэй ехэ шууяан мантан долгинуудай хүүеэн мэтэ, теэд Бурханай тэдэниие зэмэлхэдэ, һалхинда хиидэһэн хада уулын тооһо шорой мэтэ, хуй шуурганай тооһон мэтэ туугдан, тэдэ аяар холуур хиидэнэ.

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 28:5

Амиды үлэһэн Өөрын зондо Түмэн Сэрэгтэ Эзэнэй үзэсхэлэнтэ титимдэл адли болохо саг дүтэлжэ байна.

Исай 29:19

Үгытэй зон Эзэнһээ шэнэ баярта хүртэхэ, ядуу улад Израилиин арюун Бурхан тушаа баясан байхал.

Исай 29:5

Иерусалимда добтолһон дайсад тооһондол мэтээр үлеэгдэн һалаха, тэдэнэй аймшагтай сэрэг һолоомодол хиидэн үгы болохо. Гэнтэ, нюдөө сабшама зуура

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 40:24

Һая таригдаһан, мэнэ һая газарта үндэһэлһэн ургамалдал адли тэдэ удамаршад. Эзэнэй тэдээн руу һалхи эльгээхэдэ, хатажа, һолоомо мэтээр һалхинда тэдэ хиидэнэ.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 60:19

Энээнһээ хойшо үдэртөө наранай гэрэл, һүниндөө һарын туяа шамда хэрэгтэй бэшэ болохо, Би, Эзэн, шинии хэтэ мүнхын гэрэл туяа болохоб, Минии алдар солын гэрэл таанадые гэрэлтүүлхэ.

Исай 65:18

Таанад Минии бүтээжэ байгаа юумэндэ хүхилдэн, хэтэ мүнхэдөө баясан байхат. Минии бүтээжэ байгааша Иерусалим хүхюун зугаагаар билтаржа, арад зониинь баяраар халин байха.

Ерэмияа 15:7

Асаар һолоомо һалхитуулан тарааһандал, Би таанадые газар дэлхэйн бүхы хотонуудаар тараагааб. Үхи хүүгэдыетнай үгы хээб, та бүгэдые усадханаб. Юуб гэхэдэ, таанад буруу замаа орхиногүйт.

Ерэмияа 51:2

Һолоомо һалхитуулһандал адли Вавилооной орон нютаг хюдахыень Би хариин зониие эльгээхэб. Гай тодхорой тохёолдохо тэрэ үдэр тэдэ бүхы талаһаа Вавилоондо добтолжо, газарыень хооһон болгохо.

Ерэмияа 51:20

Эзэн иигэжэ айладхана: Вавилоон, таанад Минии шиидам, дайнай зэбсэг гээшэт. Үндэһэ яһатаниие сохиходоо, хаан түрэнүүдые усадхахадаа, Би таанадые хэрэглэдэг һэм.

Ерэмияа 51:33

Халта болоод дайсан тэдэниие хороохо, Вавилооной басаган тээрмэдэ үйрүүлэгдэжэ байһан орооһондол, гэшхэн буталха. Энэ болбол Би, Түмэн Сэрэгтэ Эзэн, Израилиин Бурхан, айладхана мүн!

Даниил 2:35

Тэрэ дары түмэр, шабар, гуулин, мүнгэн, алтан бутаржа, нажарай сагта гүмнээ дээрэ хиидэдэг мэхиинэ мэтэ болоод, һалхинда туугдажа, һэе мүргүй үгы болобо. Мантан хүрэг дээрэ унааша тэрэ шулуун агуу хада боложо, бүхы газар дэлхэйе эзэлбэ.

Һошээ 11:9

Уур сухал дундаа иимэ юумэ хэхэгүйб, Израилиин арад түмэниие усадхахагүйб, юуб гэбэл, Би хүн бэшэ, таанадай дунда арюун Бурхан гээшэб! Би хото руу орохогүйб!

Ёһээл 2:23

Сионой хүбүүд, хүхюутэй байгты, танай Бурхан, Эзэн бороо үршөөбэ. Урдынхидаал адли хабаршье намаршье хура бороо асаржал байха.

Михей 5:8

Арадуудай, үндэһэ яһатанай дунда байгааша Яковай үри һадаһад ой тайгын, талын ан амитадай дунда байгааша арсалан мэтэ, дэбһэжэ, уража байха, хэншье тэрээнһээ абаржа шадахагүй.

Аввакуум 3:18

би Эзэндэ баясан байхаб, юуб гэхэдэ, Тэрэ минии Абарагша Бурхан мүн!

Матвей 3:12

Тэрэ таряагаа сэбэрлэхээр хүрзэеэ гартаа адхаад байна: таряагаа суглуулжа амбаартаа хадагалха, харин мэхиинэ һолоомыень залиршагүй галда шатааха.

Римэйхиндэ 5:11

Бурханай маанадтай эб найрамдал тогтоохоор Эзэн Иисүүс Христоосые эльгээһэн ушарта бидэ аргагүй баяртай байнабди.

Филиппынхидтэ 3:3

Тэдэнэр бэшэ, харин бидэнэр жэнхэни «отолуулга» хэһэн зон гээшэбди, юуб гэбэл, бидэ Бурханай Һүлдын ашаар Бурханда мүргэжэ, Иисүүс Христоостой нэгэдэһэндээ бахархан баясанабди. Бидэ бэеын эрхэтэнэй отолуулха ёһололдо найданагүйбди.