Исай 39:6 - Библи

⁶ Ордон соо байгаа бүхы юумэн, үбгэ эсэгэнэрэйтнай энэ болотор суглуулһан бүхы зөөри Вавилоон руу абаашагдаха үдэрнүүд заабол ерэхэ. Эндэ юуншье үлэхэгүй.

Исай 39:6 Referencias Cruzadas

4 Хаан түрэнүүд 24:13

Навуходоносор Эзэнэй һүмын һангай дараанда байһан бүхы баялигуудые, мүн хаанай ордоной дарасада байһан бүхы баялигуудые, Эзэнэй һүмэдэ Соломооной бүтээлгэһэн алтан хэрэгсэлнүүдые орон нютагаа абаашажа, бултыень хайлуулба. Эзэнэй айладаһан үгэ бэелүүлэгдэбэ.

2 Угай бэшэг 36:10

Нэгэ жэлэй үнгэрһэнэй удаа Навуходоносор хаан тэрэниие Эзэнэй һүмын үнэтэ хэрэгсэлнүүдтэй хамта Вавилоон руу асархыень захирба. Тиигээд тэрэ Цэдэкиия абгыень Иудын болон Иерусалимай хаан болгобо.

2 Угай бэшэг 36:18

Бурханай гэрэй ехэ, бага бүхы үнэтэ хэрэгсэлнүүдые, хаанай, түшэмэлнүүдэйнь үнэтэ зүйлнүүдые бултыень тэрэ Вавилоон руу абаашаба.

Ерэмияа 20:5

Энэ хотын бүхы эд баялигые, бүхы зөөрииень болон бүхы үнэтэй зүйлыень, Иудын хаашуулайшье эрдэни зэндэмэниие, дайсадтань үгэхэб. Тэдэ бүхы юумэ тоножо, үбэршэлжэ, Вавилоон руу абаашаха.

Эзэкээл 23:26

Хубсаһа хунарыеш, үнэтэ гоё зүүдхэлнүүдыеш шамһаа саб шүүрэн, тайлан абаха.

Даниил 1:2

Иудын хаан Ёякиим хааниие барихыень, Һүмын үнэтэ тахил табагуудые дээрмэшэлэн абахыень Эзэн Бурхан тэрээндэ зүбшөөжэ, Навуходоносор Шинаар руугаа бусахадаа, тэдэ үнэтэ тахил табагуудые өөрынгөө бурханай үргөө соо оруулба.

Даниил 1:3

Нэгэтэ хаан Иудын хаашуулай болон түшэмэл ноёдойнь үринэр болохо хүбүүдые асархыень түшэмэлнүүдэйнгээ ноён Ашпэнаазда даалгаба. Ямаршье эрэмдэггүй, сэбэр гоё, хурса ухаатай, һүбэлгэн, эрдэмтэй хүбүүдые тэрэ шэлэхэ ёһотой байгаа. Тэдэ хүбүүд хаанай ордон соо алба хэхэеэ шэлэгдэхэ һэн. Тиимэһээ тэдэниие Вавилоон зоной хэлэ бэшэгтэ һургаха тухай хаан хэлээ бэлэй.