Исай 39:2 - Библи

² Хэзэкияа энээндэнь ехэ баярлажа, элшэнэртэ өөрынгөө эрдэни зэндэмэниин һан соо байһан алта мүнгөө, хангалтай уталгаа, үнэтэй сэнтэй тоһо, яар-ябта буу зэбсэгүүдээ болон хадагалдаг газарта байһан бүхы юумэнүүдээ тэдээндэ харуулба. Тиихэдэнь тэдэнэртэ харуулагдангүй үлэһэн нэгэшье юумэн Хэзэкияагай ордон ба хан түрэ соо үлэбэгүй.

Исай 39:2 Referencias Cruzadas

3 Хаан түрэнүүд 10:10

Тиигээд тэрэ хаанда асарһан бэлэгүүдээ барюулба: зуун хорин талаант шэжэр алта, үнэтэ эрдэни шулуунуудые, үнэтэ хангалтай гүгэлнүүдые. Соломоон хаанда Шэбаагай хатанай бэлэглэһэнһээ үлүү иимэ ехэ гүгэл бэшэ хэзээдэшье асаржа байгаагүй юм.

3 Хаан түрэнүүд 10:15

Энээнһээ гадна аралжаа наймаа эрхилэгшэдһээ, Аравиин хаашуулай, Израилиин можо нютагуудай ноёдһоо алта мүнгэн хаанай һан руу орожол байгша һэн.

3 Хаан түрэнүүд 10:2

Тиигээд тэрэ Иерусалим руу ехэ баялиг асарба: арюун хангалтай гүгэл уталгануудые, алта мүнгэ, эрдэни шулуунуудые дүүрэн ашаһан тэмээн хамбытай хүрэжэ ерэбэ. Соломоондо орожо, һанаһан тухайгаа асуужа, тэрээнтэй хөөрэлдэбэ ха.

3 Хаан түрэнүүд 10:25

Жэлһээ жэлдэ хаанда ерэһэн хүн бүхэн бэлэг асардаг һэн: алта, мүнгэн амһартануудые, хубсаһа хунар, дайнай зэбсэгүүдые, үнэтэ гүгэлнүүдые, хурдан моридые, лууснуудые бэлэг болгон баридаг байгаа.

4 Хаан түрэнүүд 20:13

Хэзэкияа тэдэнэй үгэ шагнаад, элшэнэртэ өөрынгөө эрдэни зэндэмэниин һан соо байһан алта мүнгөө, хангалтай уталгаа, үнэтэй сэнтэй тоһо, яар-ябта буу зэбсэгүүдээ болон хадагалдаг газарта байһан бүхы юумэнүүдээ тэдээндэ харуулба. Тиихэдэнь тэдэнэртэ харуулагдангүй үлэһэн нэгэшье юумэн Хэзэкияагай ордон ба хан түрэ соо үлэбэгүй.

2 Угай бэшэг 32:25

Теэд энээнэй түлөө Хэзэкияа Эзэндэ баяр баясхалан хүргэн хүндэлэн ёһолбогүй, юуб гэхэдэ, тэрэ бардамлаа шуу. Иуда болон Иерусалим энээнэй түлөө гэм амасаа һэн.

2 Угай бэшэг 32:27

Хэзэкияа угаа баян, нэрэ хүндэтэй болоо. Алта мүнгэ, үнэтэ шулуу, анхилма һайхан гүгэл, бамбай, бүхы үнэтэ амһарта нөөсэлхэ амбаар тэрэ барюулба.

2 Угай бэшэг 32:31

Гансал Вавилооной хаашуулай элшэнэрэй тэрээндэ ерэжэ, газар дээрэ болохо хэрэгүүд тушаа ямар дүлгэ тэмдэгүүд бии гээшэб гэжэ асуун байхада, Бурхан Хэзэкияада туһалбагүй, юуб гэхэдэ, ухаан бодолдонь юун байна хаб гэжэ шалгахаяа һанаа бшуу.

2 Угай бэшэг 9:1

Шэбаагай хатан Соломоон хаанай алдар соло тушаа дуулаад, таабаринууд мэтэ хүндэ асуудалнуудые тэрээндэ табижа туршахаяа һэдэбэ. Тиигээд тэрэ Иерусалим руу ехэ баялиг асарба: арюун хангалтай гүгэл уталгануудые, алта мүнгэ, эрдэни шулуунуудые дүүрэн ашаһан тэмээн хамбытай хүрэжэ ерэбэ. Соломоондо орожо, һанаһан тухайгаа асуужа, тэрээнтэй хөөрэлдэбэ ха.

2 Угай бэшэг 9:9

Тиигээд тэрэ хаанда асарһан бэлэгүүдээ барюулба: зуун хорин талаант шэжэр алта, үнэтэ эрдэни шулуунуудые, үнэтэ хангалтай гүгэлнүүдые. Соломоон хаанда Шэбаагай хатанай бэлэглэһэнтэй адли иимэ һайхан гүгэл бэшэ хэзээдэшье асаржа байгаагүй юм.

Һургаал 4:23

Хамагай түрүүн зүрхөө хамгаала. Тэрээнһээ аминай булагууд гарадаг юм.

Экклезиаст 7:20

Үнэниие гансал үйлэдөөд, юрэ нүгэл хэдэггүй хүн гэжэ дэлхэй дээрэ үгы.

Ерэмияа 17:9

Хүнэй зүрхэ сэдьхэл харатай, заһахын аргагүй. Тэрэниие хэн ойлгожо шадахаб?

Иоаннай 1-дэхи хандалга 1:8

Нүгэл хилэнсэ хээгүйбди гээ һаа, бидэ өөһэдыгөө мэхэлнэбди. Энэнь манда үнэн зүб юумэн үгы гэһэн удхатай болоно.