Исай 38:3 - Библи

³ – Эзэмни! Танай урда үнэн сэхээр, ямаршье гэм зэмэ хэнгүй ажаһууһыемни, Танда таарамжатай үйлэ хэрэгүүдые бүтээдэг байһыемни һаныт даа, – гээд, һугшаран уйлашаба.

Исай 38:3 Referencias Cruzadas

Эхин 17:1

Абрамай ерэн юһэтэй байхада, Эзэн тэрээндэ дахин үзэгдэжэ, иигэжэ айладхаба: – Би Түгэс Хүсэтэ Бурхамби. Минии үгөөр ябажа, зэмэгүй арюун ажаһуугаарай.

Эхин 6:9

Энэ болбол Нойн түүхэ юм. Тэрэ сагай хүн зон соо гансал Ной зүб шударга, ямаршье өө мөөгүй байгаа, Бурхантай эбтэй эетэй ажаһуугаа.

3 Хаан түрэнүүд 15:14

Мүргэлэй бүхы обоонуудые үгы хээгүйшье һаа, Асаа бүхы наһандаа Эзэндэ үнэн сэхэ байгаа.

3 Хаан түрэнүүд 2:4

Тиигэбэлшни, «үри һадаһадшни Намда үнэнхэ зүрхэнһөө шүтэн, бүхы шадалаараа Минии һургаал заабаринуудые дүүргэн байгаа гээшэ һаа, Израилиин хан шэрээ хододоо эзэлдэг байха» гэжэ намда айладаһан найдуулгаяа Эзэн бэелүүлхэ.

4 Хаан түрэнүүд 18:3

Үбгэ эсэгэ Давидтал адляар тэрэ Эзэндэ таатай хэрэгүүдые эрхилдэг һэн.

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

1 Угай бэшэг 29:19

Гэр бодхоохо талаар минии бэлдэһые сүм дэмжыт, Танай дүримүүдые, Танай захяануудые бэелүүлхынь тула минии хүбүүн Соломоондо хүсэ зориг заяагыт.

1 Угай бэшэг 29:9

Тэдэнэй оролдолго хэшээлдэ арад түмэн урмашан баясабад, юуб гэхэдэ, тэдэнэр үнэн сэдьхэлһээ Эзэндээ үргөө бшуу, мүн Давид хааншье соёрхон баясаба.

2 Угай бэшэг 16:9

Газар дэлхэйн Тэрээндэ үнэн этигэдэг зониие бултыень Эзэн хаража байдаг, тиигээд тэдээндэ Тэрэ туһалдаг. Мүнөө ши буруу юумэ хэбэш. Тиимэһээ энээнһээ хойшо шамда добтолон орогшод бии болохо.

2 Угай бэшэг 25:2

Тэрэ Эзэндэ таарамжатай хэрэгүүдые бүтээжэ байбашье, үнэнхэ зүрхэнһөө Тэрээндэ гүйсэд шүтэн байгаагүй.

Эзраа 10:1

Бурханай гэрэй урда Эзраагай гуйжа, мүргэжэ, һүгэдэжэ, бархиржа байхада израильшууд – эрэшүүл, эхэнэрнүүд, үхибүүд гэхэшэлэн олон зон суглараад, ехээр бархиралдаа.

Нэхэмьяа 1:4

Эдэниие дуулаад, би һуугаад бархирбаб. Би хэдэн үдэр соо гашуудалда абтажа, масаглажа байгаад, Огторгойн Бурханда мүргэбэб,

Нэхэмьяа 13:14

Бурханайнгаа гэрэй аша туһада, мүргэл ябуулхын тула бэелүүлһэн һайн хэрэгүүдыемни хадуужа абыт! Бурхамни, минии ашые һанан байгыт!

Нэхэмьяа 13:22

Субботын нангиниие тахихын тула би левидүүдтэ арюудхалга хээд, үүдэнэй харуулда зогсохо гэһэн захиралта үгэбэб. Өөрынгөө агуу хайраар, минии Бурхан, намайе үршөөгыт, минии аша туһада энэниие хадуужа абыт.

Нэхэмьяа 13:31

хараалагдаһан болзортонь түлеэ асарха, түрүүшын ургасаһаа үргэл үргэхэ хэрэгүүдтэнь һаналыень хандуулбаб. Минии Бурхан, нам тухай һанажа байгыт, ашыем харюулыт!

Нэхэмьяа 5:19

Энэ арадай түлөө минии оролдоһые, минии Бурхан, хадуун абыт, намда аша туһынь харюулыт!

Псалманууд 101:2

Эзэн! Зальбаралым шагныт, хашхараамни Тан руу хүрэг лэ.

Псалманууд 102:9

Тэрэ хододоо бушаганажа байдаггүй, хэтэ мүнхэдөө уурлажа байдаггүй.

Псалманууд 16:8

Нюдэнэй сэсэгы мэтэ намайе хамгаалыт, далиингаа һүүдэртэ хоруулыт.

Псалманууд 26:3

Дайсанай түмэн сэрэг намайе бүһэлбэшье, би айхагүйб! Дайн дажар урдаһаамни болобошье, би этигэл найдалтай зандаа байхаб!

Псалманууд 32:2

Ятагын ирагуу хүгжэмөөр Эзэндэ талархалаа үргэгты, арбан утаһан морин хуураар Тэрээндэ магтаал дуулагты.

Псалманууд 6:6

Юуб гэхэдэ, үхэһэн хүн Тан тушаа һанахагүй, Үхэлэй орондо хэншье Танда магтаал үргэхэгүй.

Псалманууд 6:8

Гай гашуудалһаа нюдэмни шэргээ – дайсад руугаа хаража шаданагүйб.

Исай 38:2

Тиихэдэнь Хэзэкияа хана руу хараад, Эзэндэ зальбарба:

Исай 38:4

Эзэн Исайда захиржа,

Һошээ 12:4

Бэт-Ээлдэ тэрэ Бурханай Эльгээмэлтэй тулалдажа, диилээ һэн. Бурханһаа үреэл эрижэ, тэрэ уйлан-хайлан байгаа бэлэй. Тиихэдэнь Бурхан маанадта зарлигаа айладхаа һэн.

Иоанн 1:47

Урдаһаань Натанаилай ерэжэ ябахые Иисүүс хараад: – Хуурмаг мэхэгүй, жэнхэни Израилиин хүн байна, – гэбэ.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Хуули дабталга 6:18

Үнэн зүб, һайн хэрэгүүдые, Эзэнэй һанаанда таарама юумэ хэжэ байгты. Тиигэбэл, таанадта һайн байха, үбгэ эсэгэнэртэтнай Эзэнэй тангариглаһан тэрэ үрэжэлтэ һайхан газар нютагта ошожо, эзэмдэн ажаһуухат.

Еврейнүүдтэ 5:7

Дэлхэй дээрэ амидархадаа, Тэрэниие абарха аргатай Бурханда Иисүүс шангаар хүхирэн, нулимсаа гоожуулан зальбараа, Тэрэниие гуйгаа. Иисүүсэй номгон, үнэр шударга байһан хада Бурхан Тэрэниие дуулаа.

Еврейнүүдтэ 6:10

Бурхан болбол найдабаритай үнэн сэхэ юм. Тэрэ хэһэн хэрэгүүдыетнай, бусад һүзэглэгшэдтэ туһалһан, мүнөөшье туһалан, Өөртэнь үзүүлһэн хайра дурыетнай мартахагүй.