Исай 38:1 - Библи

¹ Энэ үедэ Хэзэкияа хаан ехээр үбдэжэ, наһа бараха туйлдаа хүрөөд байба. Амооцой хүбүүн, лүндэншэ Исай тэрээниие эрьежэ ошоходоо, иигэжэ хэлэбэ: – Үхэжэ байна, һайн болохогүй гээд шам тушаа Эзэн айладхана, тиимэһээ гэрээд үгэнүүдээ хэлэг лэ гэжэ Тэрэ захирна.

Исай 38:1 Referencias Cruzadas

2 Хаан түрэнүүд 12:22

Давид харюусаба: – Үхибүүнэй амиды байха үедэ би масаг барин, уйлажа байһамни «Эзэн намайе хайрлажа, үхибүүн амиды мэндэ үлэхэ аалам» гэжэ һанаһан ушарһаа бэлэй.

2 Хаан түрэнүүд 17:23

Ахитоопэл өөрынь зүбшэл заабариин тоогдоогүй байһые хараад, элжэгээ эмээллэн, түрэлхи хото руугаа гэртээ бусан ерэжэ, гэр бүлэдөө гэрээд үгэеэ хэлээд, бэеэ боожо алаба. Тэрэ эсэгынгээ булашада хүдөөлүүлэгдөө һэн.

2 Угай бэшэг 32:24

Энэ үедэ Хэзэкияа хаан ехээр үбдэжэ, наһа бараха туйлдаа хүрөөд байба. Тэрэ Эзэндэ зальбарба. Эзэн тэрэниие дуулажа, эдэгэхэ тухайнь дүлгэ тэмдэг үгэбэ.

Экклезиаст 9:10

Гарайнгаа хэжэ шадаха юумэ шадал соогоо хэгты. Ушарынь гэхэдэ, үхэлэй орондо ошоходош, тэндэ ажал үйлэ, бодол сэдьхэлгэ, мэдэсэ, мэргэн ухаан гэжэ байхагүй.

Исай 1:1

Иудын хаашуул Уззияа, Ётаам, Ахааз ба Хэзэкияагай үе сагта Амооцой хүбүүн Исайда Иудын хан түрэ ба Иерусалим тухай Бурханай үзүүлһэн үзэгдэл гэбэл, энэ.

Исай 37:2

Тиигээд ордоной захирагша Элиакиимые, бэшээшэ Шэбнаае ба ахамад санаартадые таар хубсаһа үмэдхүүлээд, Амооцой хүбүүн, лүндэншэ Исайда эльгээбэ.

Исай 37:21

Амооцой хүбүүн Исай иимэ захяа Хэзэкияада дамжуулхые захирба: – Эзэн, Израилиин Бурхан иигэжэ айладана: «Ши Ассириин хаан Сэннахэриибтэ гомдоһоноо мэдүүлэн, Намда зальбарбаш. Би дуулааб».

Иона 3:10

Бурхан тэдэнэй хэрэгүүдые хараба. Харата муухай замһаа тэдэнэй холодоходо, Бурхан хайрлажа, тэдэниие хэһээхэ гэһэнээ болюулба.

Иона 3:4

Иона нэгэ үдэрэй туршада хото соогуур ябаха үедөө номнол буулган иигэжэ хэлэбэ: – Дүшэн хоногой үнгэрхэдэ Нинэвээ һандаргагдаха!

Хэрэгүүд 9:37

Тэдэ үдэрнүүдтэ Табитаа үбдэжэ, наһа бараа. Тэрэнэй бэеые угаажа, дээдэ дабхарай таһалгада табиба.