Исай 34:9 - Библи

⁹ Эдоомой голнууд дабирхай боложо, хүрьһэтэ газарынь шатажа байһан хүхэр болон хубилха. Иигэжэ энэ орон нютаг шатажа байһан дабирхайдал адли болохо.

Исай 34:9 Referencias Cruzadas

Эхин 19:28

Содом ба Гоморро хотонуудай байһан тала газарые шэртэн хараба: хаа-хаанагүй үнэһэн согһоо үдхэн хара утаан бааян һуунагтажа байба.

Иоов 18:15

Танигдаагүй хүнүүд гэртэнь орожо һуухадаа, үмхэй үнэрынь арюудхаха гэжэ арса хүжэ шатаана.

Псалманууд 11:6

Эзэн «Үгытэйшүүлэй хооһорхо, ядуу зоной ёолохо абяанһаа боложо Би мүнөө бодохоб. Хүсэһэнэйнь ёһоор аюулгүй газарта абаашахаб!» гэнэ.

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Ерэмияа 49:13

Боцраа хото үзэмжэгүй муухай, зэлүүд хооһон болохо гэжэ Би тангариглаа һэм. Зон тэрэниие доромжолон наадалжа, хараал хэлэхэдээ нэрыень дурдадаг болохол. Дүтын һууринууд хэтэ мүнхэдөө һандаргагданхай үлэхэ. Энэ болбол Би, Эзэн, айладхана мүн!

Лука 17:29

тиихэдэ Лоот гэгшын Содом хотоһоо гараһан үдэр тэнгэриһээ хүхэр бороо орожо, гал дүлэн боложо, хамаг амитай юумые шатаагаа бэлэй.

Хуули дабталга 29:23

«Бүхы газар хүхэр ба дабһан, гал дүлэн. Үрэһэ хүрэнгэ тарихын, юумэ ургуулхын аргагүй. Содом, Гоморро, Адмаа, Цэбоһиим хотонуудые уур сухал дундаа Эзэнэй хюдаһанай һүүлээр мэтэ ямаршье ногоон тэрээн дээрэ урганагүйл».

Иудын хандалга 1:7

Тэдээндэл адли зальхай ябадалтай Содом, Гоморро хотынхидой, хажуудахи хотонуудайнь зоной залиршагүй хэтын галда шатан, аймшагтай саазада хүртэһэн тухай һанагты. Таанадай эдэ бүхэниие мэдэжэ байһаншье һаа, би һануулжа хэлээб.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.