Исай 34:4 - Библи

⁴ Наран, һара, мүшэд үмхирэн хуушарха, огторгойшье хуйламал ном мэтэ хуйлагдан хуряагдаха, үзэмэй модоной, инжир модоной набша мэтээр одо мүшэд доошоо унаха.

Исай 34:4 Referencias Cruzadas

Исай 13:10

Хаб харанхы болохо, тэнгэриин одод гэрэлтэхэгүй, нараншье мандахаяа болихо, һарашье харагдахагүй.

Исай 13:13

Огторгойе шэшэрүүлхэб. Минии, Түмэн Сэрэгтэ Эзэнэй, уур хилэнгээ харуулхада, газар дэлхэй байраһаа хүдэлэн шэшэрхэ.

Исай 14:12

Үүрэй солбон, үүрэй толоной хүбүүн ши огторгойһоо унааш! Урдань арадуудые дарлажа байгша ши газар руу хаягдан унабаш!

Исай 51:6

Огторгой руу харагты, газарые шэртэгты! Огторгой утаа уняар мэтэ үгы болохо, газар хубсаһан мэтэ хуушарха, ажаһуугшадынь аляаһад мэтэ хосорхо. Харин Минии абарал хэтэ мүнхэдөө үргэлжэлхэ, Минии илалта хододоо оршохо.

Ёһээл 2:10

Тэдэнэй урда газар хотойжо, тэнгэри һалганажа, һара наран харанхыдажа, одо мүшэнэй гэрэл бүхэнэ.

Ёһээл 3:15

Һара наран харанхыдажа, ододой гэрэл бүхэхэ.

Матвей 24:29

– Тиигээд зоболонто тэдэ үдэрнүүдэй үнгэрһэн хойно гэнтэ наран балартаха, һарашье гэрэлтэхэеэ болихо, одо мүшэдшье тэнгэриһээ унаха, тэнгэриин хүсэнүүдшье тэнсүүриеэ алдаха.

Матвей 24:35

Огторгой тэнгэри, газар дэлхэйшье һүнэн һалаха, харин Минии хэлэһэн үгэнүүд мүнхэ оршохо.

Еврейнүүдтэ 12:27

Тэрэ айладаһаниинь бүтээгдэһэн юумэнүүд сооһоо хубилгаха аргагүй юумэнүүдынь үлэжэ, харин хубилгагдаха юумэнүүдынь һүнэн хосорхо гэһые тайлбарилна.

Гэршэлгэ 20:11

Тиигээд би сагаан үнгэтэй асари томо хаан шэрээе, тэрэ шэрээ дээрэ Һуугшые харабаб. Шэрээдэ Һуугшын байһан ушарһаа газар тэнгэри хоёр тэрьелэн далда орошобо: тэрэ хоёрой һууха һуури байгаагүй.

Гэршэлгэ 6:12

Зургаадахи тамгыень Үргэлэй Хурьганай тайлахадань, харан гэхэдэмни, газар ехээр хүдэлбэ; наран гээшэ үхэһэн хүнүүдэй хойноһоо шаналан уйлаашадай хара хубсаһандал адли баларташоод, һара гээшэ шуһан улаан болошоод байба.

Гэршэлгэ 8:12

Дүрбэдэхи Эльгээмэлэй бүреэгээ дуугаргахадань, наран, һара, одо мүшэд гэмтэжэ, гурбанай нэгэ хуби саг соо гэрэл туяа үгэхэеэ болибо. Наран үдэрэй гурбанай нэгэ хуби саг соо гэрэл туяа үгэхэеэ болёод, һара ба одо мүшэд һүниин гурбанай нэгэ хуби саг соо гэрэл туяа үгэхэеэ болёод байба.