Исай 33:1 - Библи

¹ Үшөө дээрмэдүүлэгдээгүй дээрмэдэгшэ, урбалга үшөө өөр дээрээ мэдэрээгүй урбагша ши! Шамда өөртэш гай тодхор хүрэхэ! Дээрмэдэжэ дүүргэхэдэшни өөрыеш дээрмэдэхэ, урбажа садахадашни өөртэшни урбаха!

Исай 33:1 Referencias Cruzadas

Һургаал 22:23

Эзэн ядуу хүнүүдэй гомдол шүүн шиидхэжэ, тэдэниие зобооһон хүнүүдэй амииень абана.

Исай 10:12

«Сион уула дээрэ болон Иерусалимда Өөрынгөө хэрэг хэжэ дүүргэхэдөө, бардам һайрхуу зантай Ассириин хааниие хэһээхэб», – гэжэ Эзэн айладхана.

Исай 14:25

Минии газар дайда Израиль соо Ассириин зониие хюдан һалгаахаб, хада ууланууд дээрээ тэдэниие дэбһэн гэшхэхэб. Өөрынгөө улад зониие Ассириин хүндэ хөөмэгшэһөө сүлөөлхэб, мөөрһөөнь хүндэ ашаа абан буулгахаб!»

Исай 17:14

Манай газар дайда хооһоруулагша дайсад үдэшэ алалсаа-хюдалсаа үүдхэнэ, харин үглөө болоходо, үгы болошоно. Тэдэ иимэл хубитай юм.

Исай 21:2

Аймшагтай үзэгдэл намда харагдаа: урбагша урбана, дээрмэшэн дээрмэдэнэ! «Элаам, добтоло! Миди, бүһэлэ! Бүхы ёолохо ушарнуудые Би болюулхаб».

Исай 24:16

Дэлхэйн алас холоһоо «Зүб Шударга ябадалтайда алдар соло!» гэһэн магтаал дуу соносонобди. Теэд минии досоо ехэ муу байна. Би иигэжэ байжа шадахагүйб! Урбагшад урбаһан зандаа, бүри хэтэрэн урбажа байнал.

Исай 31:8

Эзэн иигэжэ айладхана: Ассири дайн дажарай үедэ диилдэхэ, харин хүнэй хүсэ шадал тэрэниие диилэхэ бэшэ. Ассириин улад зон байлдаанһаа зугадан гүйхэ, залуушуулынь богоолнууд болохо.

Исай 48:8

Таанадта этигэхын аргагүй гэжэ Би мэдэжэ байгааб. Урбахаар зон гээд таанад тушаа хэлсэдэг һэн. Тиимэһээл энээн тушаа таанадта Би дуулуулаагүйб, шэхэндэтнай энээн тушаа ямаршье үгэ дуулдаагүй һэн.

Эзэкээл 39:10

Модо отолжо, түлеэ суглуулжа байхын орондо тэдэ энэ зэбсэгүүдые шатааха. Дээрмэдэгшэдээ дээрмэдэхэ, тоногшодоо тэдэ тонохо. Энэ болбол Би, Эзэн Бурхан, айладхана мүн!

Цэпаанияа 3:19

Хараарайгты даа, тэрэ сагай ерэхэдэ дарлагшадыетнай Би суглуулхаб, дохолон эрэмдэгүүдые абархаб, тараһан арадаа суглуулхаб, тиигээд шоо үзэжэ байһан энэ газартань тэдэниие хүндэтэй, нэрэ түрэтэй зон болгохоб.

Матвей 7:2

Ушарынь хэлэбэл, бусадые яажа зэмэлнэбта, тиигэжэл Бурхан таанадые зэмэлхэ, ямар хэмжээгээр хэмжэнэбта, тиимэл хэмжээгээр танда хэмжэжэ үгэхэ.

Гэршэлгэ 13:10

Барисада абтаха хубитай хүн барисада абтаха. Һэлмээр сабшуулжа үхэхэ хубитай хүн һэлмээр сабшуулжа үхэхэ. Бурханай табисуурта арад зон хатуу зоригтой, үнэн шударгы байха ёһотой гэжэ эдэ үгэнүүдһээ элирнэ бшуу!

Гэршэлгэ 16:6

Тэдэнэр Бурханай арадай, лүндэншэдэй улаан шуһа адхаруулаа, тиихэдэнь Та тэдэндэ шуһа уулгажа, тэдэнэй гэмые зүб амсуулаат!

Гэршэлгэ 17:17

Юундэб гэбэл, Бурхан номнол үгэнүүдыень бэелүүлэгдэтэр табиһан зорилгыень бэелүүлхэ хүсэл арбан хаануудай зүрхэ сэдьхэлдэ хадуун оруулаа. Бурханай хүсэл иимэ: тэдэ хаанууд хоорондоо зүбшөөд, хаанай засаг түрые арьяатанда үгэхэ.

Ударидагшад 1:7

Адони-Бээзэг тэдээндэ иигэжэ хэлэбэ: – Би далан хаашуулай хүлэйнь болон гарайнь эрхы хургануудые таһар сабшаа һэм. Минии шэрээ доро мухарин унаһан тэдэ эрхы хургануудые тэдэнэр суглуулаа бэлэй. Мүнөө Эзэн эгээл тэрэ минии хэһэн үйлэ хэрэгээрни намайе хэһээбэ. Тэрэниие Иерусалимда асарба. Тэрэ тэндэ наһа бараа.

Ударидагшад 9:23

Абимээлэхэй өөрынгөө аха дүүнэр болохо Еруббаалай далан хүбүүдые алахадань, Шэхээмдэ ажаһуугшад тэрээндэ туһалһан байгаа. Бурхан Абимээлэх болон Шэхээмдэ ажаһуугшадай хоорондо хорото һүнэһэ һүлдэеэ эльгээбэ. Шэхээмэйхид Абимээлэхдэ дурагүй боложо, яажаб даа тэрээндэ хоро хүргэхэ гэжэ шиидэбэ.