Исай 32:7 - Библи

⁷ Тэнэг хүнэй ажаябуулганьшье муу муухай. Тэрэ хорото муу арга мэхэнүүдые зохёожо, үгытэй зониие худал хуурмаг үгэнүүдээр хүрмэжэ хосорооно, хуулита эрхэ түлөөлгэнүүдынь үгэнэгүй.

Исай 32:7 Referencias Cruzadas

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Исай 11:4

Үгытэй ядуу зоной хэрэгүүдые үнэн зүбөөр шиидхэжэ, бэеэ аршалжа шадахагүй хүнүүдэй эрхэнүүдые хамгаалжа тэрэ байха. Үгэ хүүрээрээ газарые хюдажа, эшхэрхэдээ, муу хүниие һалгаажа байха.

Исай 26:10

Нүгэлтэй зондо энэрэл хайраяа Танай үзүүлдэгшье хада, тэдэ зүб ябадалда һурахагүй. Зүб шударга зоной газарта тэдэ буруу юумэ үйлэдэн лэ байха, Танай һүр жабхалангые мэдэрхэгүй.

Исай 29:21

Ондоо зониие худалаар хардагшадые, хэрэг шүүгшые мэхэлэгшэдые, зүб шударга зониие худал баримтаар буруутан болгогшодые Эзэн хюдаха.

Исай 5:23

Эдилгэ абахадаа, гэмтэниие зүб гэһэн шиидхэбэри гаргана, зүб шударга зониие гэмтэй болгоно!

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Исай 59:15

Үнэн зүб үгы болоо. Муу муухайһаа холодогшод өөһэдөө хүнэһэн болоно. Зарга шүүбэриин үгы болоһые Эзэн хараад, нюдэдынь балартаа». Эзэн энээниие хараад, зүб шударга ёһын үгы болоһондо сухалаа хүрөөд байна.

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Даниил 12:10

Олон зон арюудхагдажа, сагааруулагдажа, туршалга гараха, харин хилэнсэгтэ зон муу муухай хэрэгүүдээ үргэлжэлүүлжэ, энээниие ойлгохогүй. Гансал сэсэн мэргэшүүл ойлгохо.

Михей 2:1

Орондоо хэбтээд, муу муухай юумэ түсэблэн байгаашад ямар жэгшүүритэйб! Үүрэй сайхада түсэблөөшэ юумэеэ тэдэ хэжэ эхилнэ, юуб гэбэл, энээниие хэхээр тэдэ хүсэтэй.

Михей 2:11

Һалхин мэтэ хүн, таанадай һанаае худалаар тэгшэлжэ, «үзэмэй дараһан архи тухай болон үшөө дахин үзэмэй дараһан архи тухай!» гэжэ хэлэжэ байгааша хүн һанаандатнай таараха байгаа.

Матвей 26:4

Тэдэ Иисүүсые мэхэдээ оруулжа бариха, тиигээд алаха тухай зүбшөө бэлэй.