Исай 32:12 - Библи

¹² Һандаргагдаһан үрэжэлтэ талмай, үзэмэй модоной сэсэрлигүүд тушаа гашуудан, өөһэдынгөө сээжэ сохин байгыт.

Исай 32:12 Referencias Cruzadas

Исай 24:1

Анхарыт! Эзэн газарые һандарган, тэрэниие хооһоруулха гэжэ байна. Тэрэ шарайень тад ондоо болгожо, дээрэнь ажаһуугшадые хаа-хаанагүй тараахань.

Исай 24:7

Үзэм жэмэсэй мүшэр хатажа, үзэмэй дараһан архишье хомор болобо. Жарган-сэнгэн байгаашад мүнөө болоходо һанаа үнөөндэ абтанхай.

Исай 32:13

Минии арад түмэнэй газар нютагта үүргэнэ ба халаахай ургаха. Зугаа наадаар дүүрэн хото, баяр жаргалтай зонтой эдэ гэрнүүд һалан һандархал, тэдээн тушаа гашуудан уйлыта!

Гашуудал 2:11

Нёлбоһодһоо боложо һохор болонхойб, доторни хабданхай, арад түмэнэйнгөө хосоржо байхада, бага хүүгэдэй үлдэжэ-хооһоржо, хотын үйлсэнүүдтэ үхэжэ байхада зүрхэмни хахаран байна.

Эзэкээл 20:15

Тэрэнэй орондо юумээр элбэг-дэлбэг эгээл һайхан газар нютаг руу таанадые оруулхагүйб гэжэ элһэн губи дотор Би тэдээндэ тангариглаа һэм.

Эзэкээл 20:6

Эгээл тиихэдээ тэдэниие Египедһээ гаргажа, өөһэдтэнь гэжэ шэлэһэн орон нютаг руу абаашахаб гээд тангариглаа һэм. Тэрэ газар нютаг һүөөр, зүгын балаар дэлбэржэ, бусад газарнуудһаа эгээл һайханиинь бэлэй.

Ёһээл 1:7

Тэдэ минии уһан үзэмэй һөөгүүдые һүйдхэжэ, удамбар жэмэсэй модонуудые һалгааба. Холтоһыень хуулаһан нюсэгэн мүшэрнүүд сайран харагдана.

Наум 2:7

Бүхы юумэн шиидэгдээ. Хатан нюсэгэлэгдэжэ, сүлэлгэдэ туугдаха, шэбэгшэнэрынь гашуудан сээжээ сохихо, тагтаагай дуугардагтал ёололдохо.