Исай 30:6 - Библи

⁶ Урда зүгэй элһэн сүл губиин амитад тушаа Эзэнэй буулгаһан айладхал энэ: Арсаланай, хорото могойн, луугай һуурижаһан аймшагтай орон нютагаар элшэнэр аяншална. Элжэгэдтээ, тэмээнүүдтээ хүндэ ашаа тээн, тэдэ ондоо арад зондо бэлэг-сэлэг абаашахаяа һэдэнэ. Теэд тэрэ арад өөһэдтэнь ямаршье туһа хүргэхэгүй.

Исай 30:6 Referencias Cruzadas

Эхин 12:9

Тэрэнэй һүүлээр Абрам улам саашаа, урда зүгтэ оршодог Нээгэб руу зорибо.

3 Хаан түрэнүүд 10:2

Тиигээд тэрэ Иерусалим руу ехэ баялиг асарба: арюун хангалтай гүгэл уталгануудые, алта мүнгэ, эрдэни шулуунуудые дүүрэн ашаһан тэмээн хамбытай хүрэжэ ерэбэ. Соломоондо орожо, һанаһан тухайгаа асуужа, тэрээнтэй хөөрэлдэбэ ха.

2 Угай бэшэг 16:2

Асаа хаан Эзэнэй нангин үргөө соохи болон хаан ордонойнгоо алта, мүнгэ гаргажа, Дамааск хотодо ажаһуугша Араамай хаан Бэн-Һадаадта эльгээжэ, иигэжэ хэлэхые захирба:

2 Угай бэшэг 9:1

Шэбаагай хатан Соломоон хаанай алдар соло тушаа дуулаад, таабаринууд мэтэ хүндэ асуудалнуудые тэрээндэ табижа туршахаяа һэдэбэ. Тиигээд тэрэ Иерусалим руу ехэ баялиг асарба: арюун хангалтай гүгэл уталгануудые, алта мүнгэ, эрдэни шулуунуудые дүүрэн ашаһан тэмээн хамбытай хүрэжэ ерэбэ. Соломоондо орожо, һанаһан тухайгаа асуужа, тэрээнтэй хөөрэлдэбэ ха.

Иоов 39:11

Шадал ехэтэй зэрлиг үхэртэ найдажа, хүндэ ажалаа хүүлэжэ шадаха гүш?

Египедһээ гаралга 1:14

Израильшуудай хэхэ ажалынь гэхэдэ, шабар худхаад, хэбүүдтэ хэжэ, хирпиисэ хэхэ ажал бэлэй. Гадна таряалан дээрэ бүхы ажалынь хэдэг һэн. Барагдашагүй хүшэр ажалда сүхэрһэн зоной гасалан зоболон тухай хэлэлтэшьегүй.

Исай 14:29

Пилишт орон нютагай улад зон, таанадые сохижо байһан ташуур хухараа гэжэ бү баярлагты. Юуб гэхэдэ, нэгэ могойн үхэхэдэ, үшөө ехэ хорото могой орондонь ерэдэг гээшэл. Тэрэнэй үндэгэнһөө ниидэдэг гал могой гарахал.

Исай 15:7

Зон нөөсэлһэн баялигтаяа хамта тэрьедэхэ гэжэ нюруу газар Аравиимаар хүндэлэн гаран ябана.

Исай 19:4

Би Египедэй зониие хэрзэгы шэрүүн эзэндэ, дошхон хаанай мэдэлдэ үгэхэб. Энэ болбол Би, Түмэн Сэрэгтэ Эзэн, айладхана мүн!»

Исай 35:9

Тэндэ нэгэшье арсалан ябахагүй, ямаршье мяхаша ан арьяатан гаража ерэхэгүй. Эзэнэй абарһан зон лэ тэрэ харгыгаар гэртээ бусан ябаха.

Исай 5:30

Тэрэ үдэр тэдэ олзо дээгүүрээ далай мэтэ хүрхирхэ. Энэ орон нютагые харабал, Хаб харанхы ба уй гашуудал тэндэ үзэхэш. Гэрэл унтаржа, шэб харанхы болохо.

Исай 57:9

Аятай үнэртэй тоһо түрхеэд, шүтөөндэ зальбархаяа ошонот. Ямар бурханда мүргэхэеэ бэдэржэ, элшэнэрые аяар үхэлэй орон хүрэтэр эльгээнэт.

Исай 8:22

али доошоо хүрьһэтэ газар руушье шэртэхэдээ, гансал зоболон ба харанхые, шэг харанхые хараха. Тиигээд тэрэ харанхыда өөһэдөө абташаха.

Ерэмияа 11:4

Түмэр хайлуулдаг зууха мэтэ Египедэй орон нютагһаа таанадай үбгэ эсэгэнэрые гаргахадаа, Би энэ Хэлсээ тэдээндэ захин заабарилаа һэм. Минии үгэ дуулажа, захирһан бүхы юумыемни дүүргэжэ байхыень Би тэдээндэ захин хэлээб. Тиигэбэлнь, тэдэ Минии арад түмэн, Би тэдэнэй Бурхан болохо байһан тухайгаа айладхаа бэлэйб.

Ерэмияа 2:6

Тэдэ Нам тухай һанаагаа табяашьегүй. Харин Би тэдэниие Египедэй газар нютагһаа абаран гаргажа, элһэн сүл губяар, ханха зайдан, хонхо-ёнхо газараар, ган гасуур, аюултай газараар, хэнэйшье хүндэлэн гаража үзөөгүй, хэнэйшье оршон амидараагүй газараар хүтэлэн ябажа гаргааб.

Эзэкээл 20:46

– Хүнэй үри Эзэкээл! Урда зүг руу эрьежэ, ой модые һэргылэн лүндэн таби.

Һошээ 12:1

Израилиин арад зон бүхэли үдэрөө хэндэшье хэрэггүй ажал хэнэ. Худал хуурмаг ябадал, хархис муухай хэрэгүүд үдэр бүри олошорно. Ассиритэй тэдэ хэлсээ батална, Египет руу оливын тоһо абаашана».

Һошээ 12:2

Иудын улад зониие Эзэн гэмнэжэ, зарга шүүбэридэ оруулха. Тэрэ мүн лэ Яковай үринэрые хэһэн хэрэгүүдэйнь хэмээр гэмыень амасуулха.

Михей 6:14

Ши эдибэшье, садахагүйш, досоошни хооһон байха. Юумэ хадагалха гэжэ оролдобошье, хадагалжа шадахагүйш. Хадагалһан юумыеш һэлмээр сабшан үгы хэхэб!

Захарияа 6:6

Хара морид хойто зүг руу шэглэнхэй, хойноһоонь сагаан морид ябана, алаг морид үдын наранай орон тээшэ ошохо, – гэжэ Эльгээмэл харюусаба.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Тоололго 21:8

Эзэн Моисейдэ иигэжэ айладаба: – Толотомо могой өөртөө бүтээгээд, тэрэнээ тугайнгаа эшэ дээрэ тодхо. Хэн нэгые могойн хадхабал, хадхуулагша тэрэ хүн һүр тэмдэг харахадаа, хосоронгүй, амиды үлэхэ.

Матвей 12:42

Зарга шүүбэриин болохо Үдэр Урда зүгэй хатан бодожо, таанадые буруушаан гэмнэхэ. Тэрэ хатан Соломоон хаанай сэсэн үгые шагнахаяа газарай мухарһаа ерэһэн байгаа бшуу. Теэд мүнөө эндэ Соломоонһоо бүри шухала нэгэн байна.

Хуули дабталга 17:16

Хаан хадаа өөртөө моридойнгоо тоо олошоруулжа байха ёһогүй, моридые олоор абахын тула зониие Египет руу эльгээжэ байха ёһогүй. Юуб гэхэдэ, Эзэн «Тиишээ, энэ харгыгаар һөөргөө бусахагүйт» – гэжэ таанадта айладаа һэн шуу.

Хуули дабталга 4:20

Таанадые Эзэн түмэр зууха сооһоо абажа гаргаһандал, Египедһээ абаран гаргаа. Өөрын арад түмэн болгохын тула. Энэнь бэелээ.

Хуули дабталга 8:15

Үргэн гэгшын, аймшагтай элһэн сүл губиин дундуур, элдэб хорото могойнуудтай, хадхууртай хорхойнуудтай, уһагүй хуурай газараар Тэрэ таанадые хүтэлэн гаргаа. Хабсагай шулуунһаа уһа гаргажа, Тэрэ таанадта үгэһэн байна.