Исай 30:16 - Библи

¹⁶ Энээнэй орондо таанад дайсадһаа тэрьедэхэеэ, хурдан морёор гүйлгэхэеэ һананат. Моримнай хурдан гэжэ һанахадатнай танһаа хурдан моритой дайсад байхал.

Исай 30:16 Referencias Cruzadas

4 Хаан түрэнүүд 25:5

Теэд Вавилооной сэрэг Цэдэкиия хаанай хойноһоо мүшхэн ябажа, Ерихооной талада тэрэниие хүсэжэ бариба. Цэдэкииягай сэрэгшэд бултадаа хаанаа орхижо тэрьедэбэ.

Иоов 39:11

Шадал ехэтэй зэрлиг үхэртэ найдажа, хүндэ ажалаа хүүлэжэ шадаха гүш?

Псалманууд 33:17

харин муу юумэ үйлэдэгшэдые Тэрэ буруушаадаг, тэдээн тушаа дурсалгашье үлэхэгүйл. צ Цадээ

Исай 2:7

Тэдэнэй газар нютагта тоолошогүй ехэ алта мүнгэн нөөсэлэгдөө, морид дүүрэн, гоё һайхан тэргэнүүдынь тоолохын аргагүй олон.

Исай 31:1

Египедһээ туһа эрихэеэ ошогшод дэмы һалаха! Тэдэ Египедэй олон моритой, тэргэнүүдтэйдэнь, мори унаашадайнь хүсэтэйдэ найдана, харин Израилиин Нангин Эзэндэ түшэглэнэгүй, найданагүй, туһа эринэгүй.

Исай 31:3

Египедэй зон Бурхан бэшэ, юрын лэ зон ха юм даа. Тэдэнэй морид миин моринһоо үлүү бэшэ. Эзэнэй гараа һунгахадань, тэрэ туһалжа байгааша хүсэтэй зон бүдэржэ, туһалуулжа байһан хүсэгүй зон унажа, тэдэ хамта хосорхо.

Ерэмияа 39:4

Иудын хаан Цэдэкиия болон бүхы сэрэгшэд эдэ бүгэдые харахадаа, һүниин харанхые һамбаашалжа тэрьедэхэеэ туршаба. Тэдэ һүниндөө Хоёр Ханын хаалта үүдээр гаража, хаанай сэсэрлигэй хажуугаар, хотын газаа гараад, Арабаа тээшэ ошодог харгыгаар ябабад.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 46:6

Хурданшье хүлтэйнь тэрьедэжэ шадахагүй, хүсэтэйшүүлыньшье амиды гарахагүй. Хойто зүгтэ, Евфрадай хажууда тэдэ бүдэржэ унахал.

Ерэмияа 52:7

хотын хэрэм хана сүмэ сохигдобо. Тиихэдэнь бүхы сэрэгшэд һүниин харанхые һамбаашалжа, Хоёр Ханын хаалта үүдээр гаража, хаанай сэсэрлигэй хажуугаар, хотын газаа гараад, (тиихэдэ тэрэ хото халдейнүүдтэ тойруулан хүреэлүүлэнхэй байба), Арабаа тээшэ ошодог харгыгаар ябабад.

Гашуудал 4:19

Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.

Амоос 9:1

Эзэн Бурханиие хараа һэм. Үргэлэй шэрээ дээрэ зогсоод, Тэрэ айладаа: Богоһын доһолтор баханын дээрэһээ сохи! Зоной толгой дээрэ Һүмэ унаг лэ! Амиды үлэгшэдые һэлмээр усадхахаб, хэншье Намһаа зугадан тэрьедэжэ шадахагүй, хэншье амиды үлэхэгүй!

Михей 1:13

Лахиишдэ ажаһуугшад, дайшалхы тэргэнүүдтэ моридоо хүллэгты! Таанад Израилиин хэрэгүүдые даган, Иерусалимые нүгэлдэ оруулаат.

Аввакуум 1:8

Хүлэгүүдынь ирбэсһээ хурдан, үдэшэ гарадаг үлэн шоноһоошье түргэн. Мори унаһан сэрэгынь алас холоһоо гүйдэлөөрөө ерэжэ байна, олзо руугаа шуумайгша бүргэд мэтэ ниидэн ерэнэ.

Хуули дабталга 28:25

Эзэн дайсадтатнай туһалжа, таанадые диилүүлхэ. Нэгэ харгыгаар тэдэнэй урдаһаа добтолһон аад, долоон аян замаар тэдэнһээ тэрьедэн ошохот. Тиигээд дэлхэйн гүрэн түрэнүүдээр зон таанадай гай тодхор хаража, шэшэрэн һалганан байхал.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.