Исай 30:1 - Библи

¹ Эзэн иигэжэ айладхана: «Үгыем дууладаггүй Иудын хан түрын ударидагшадтай гай гасалан тохёолдохо! Тэдэ Намгүйгөөр зүбшэнэ, хүсэлдэм харша холбоо тогтооно. Иигэжэ тэдэ нүгэл дээрээ нүгэл хэнэ.

Исай 30:1 Referencias Cruzadas

4 Хаан түрэнүүд 18:21

Египет туһалха гээд найданат. Теэд энэ болбол хухарһан таяг хэрэглэн, түшэһэндэл адли болохол! Хухарһан таяг дууһан хухаржа, альгыетнай шаажа, соо хадхахал. Египедэй хаанда найдаха гээшэ энээндэл адли юм.

4 Хаан түрэнүүд 18:24

Ши минии эзэнэй мэдэлдэ байһан хизаар оронуудай эгээн хүсэгүй тулюур засаглагшадай али нэгэндэ харюу сохилто үгэжэ шадаха юм гүш? Али Египедэй дайшалхы тэргэнүүдтэ, тэрэнэй морин сэрэгтэ найдана гүш?..

Псалманууд 61:4

Таанад хэды болотор хүн руу алаха гэжэ добтолон байхабта?! Хэмхэрэн унажа байгаа хана, унахаяа байгаа хашаа мэтэт.

Исай 1:2

Огторгой, соносо, газар дэлхэй, шагна! Эзэн иигэжэ айладана: «Тэжээн үндылгэһэн хүүгэдни урдаһаамни эсэргүүсэн бодобол.

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Исай 1:4

Ай, халаг, таанад нүгэлтэй арад, гэм зэмэтэйт, муу зоной үринэр, муухай хүүгэдта! Эзэниие буруушаажа, Израилиин Нангин Арюуниие орхибот, Тэрээнһээ буруу харабат.

Исай 1:5

Үсэрхэлгэеэ дам үргэлжэлүүлжэл байгаашад, хаагууртнай үшөө сохимоор бэ?! Толгойтнай хуу яра шарха, бүхы зүрхэ сэдьхэлтнай үбшэ хабшан болонхой.

Исай 28:15

Үхэл хаталтай хэлсээ хэнхэйбди, үхэлэй оронтой үгэеэ ойлголсонхойбди гэжэ һайрхан дуугарнат. Гай тодхор таанадые зайлан гараха, худал хуурмаг, мэхэ гохо таанадые аршалха гээд һананат.

Исай 28:20

Орон богони, һунажа хэбтэхын аргагүй; хүнжэл бага, бэеэ хушахын арагагүй.

Исай 29:15

Һанаан бодолоо Эзэнһээ оро таһа нюужа байгаашад хосорхо ёһоороо хосорхо! Тэдэ үйлэ хэрэгүүдээ нюусаар хэхэдээ, хэншье харахагүй, хэншье мэдэхэгүй гээд һанана.

Исай 30:9

Юуб гэбэл, тэдэ буһалгаата арад, худалша зон, Эзэнэй һургаал шагнахаяа арсагшад.

Исай 31:1

Египедһээ туһа эрихэеэ ошогшод дэмы һалаха! Тэдэ Египедэй олон моритой, тэргэнүүдтэйдэнь, мори унаашадайнь хүсэтэйдэ найдана, харин Израилиин Нангин Эзэндэ түшэглэнэгүй, найданагүй, туһа эринэгүй.

Исай 32:2

Эдэ удамаршадай хүн бүхэниинь һалхинһаа хорохо газар, шуурганһаа халхалха халхабша мэтэ, хуурай газараар урдагша уһанай һубаг, ангаһан-хатаһан газарта үндэр хабсагайн һүүдэр мэтэ болохо.

Исай 4:5

Тиигээд Сионой уулаар болон тэндэ сугларагшад дээгүүр Эзэн үдэртөө үүлэ, һүниндөө утаа, дүлэлзэһэн гал түхөөхэ. Эзэнэй алдар соло бүхы хотые бүрхөөн, халхалан байха.

Исай 5:18

Ай даа, худалай аргамжаар өөрынгөө хойноһоо мууе татажа ябаашад, нүгэл шэбэл тэргэдэ хүллөөд, татажа байгаашад гай тодхорто орохо!

Исай 63:10

Харин арад түмэниинь урдаһаань эсэргүүсэжэ, Тэрэнэй Арюун Һүлдые гомдохообо. Тиимэ ушарһаа Эзэн эрьен, тэдэнэй дайсан боложо, урдаһаань дайлаһан юм.

Исай 65:2

Муу зам даган, өөрын һанаһаар ажаһуудаг, хүнэй үгэ дууладаггүй арад руу бүхэлиин үдэрөө гараа һунган байгааб.

Исай 8:11

Бүхы эдэ зондол адляар юумэ хэжэ байхагүй тухайм Эзэн намайе агууехэ шадал хүсөөрөө һэргылбэ. Тэрэ иигэжэ айладхаа:

Исай 8:12

– Энэ арадай нюуса хэлсээн гэжэ тооложо байгаашые бүгэдыень нюуса хэлсээн гэжэ бү тооло. Тэдэнэй айжа байгаа юумэнһээ бү ай, бү һүрдэ.

Исай 8:19

Таанадые зарим зон иигэжэ гуйжа болохо: – Һүнэһэ дуудагшадтай болон шэбшэдэг шэдитэнтэй зүбшыт. Теэд таанад иигэжэ тэдээндэ харюусаарайгты: – Арад түмэн өөрынгөө Бурханһаа туһа эрихэ ёһотой. Эльбэ жэльбэтэйшүүлые хэрэглэн, юундэ амиды зон тухай үхэһэн зонһоо асууха болонобибди?

Ерэмияа 17:5

Эзэн иигэжэ айладхана: Намһаа буруу хаража, зондо найдажа, хэзээ нэгэтэ үхэхэ юумэндэ найдан түшэглэгшэд хараал шэнгээхэ!

Ерэмияа 2:18

Һанаад үзыт, Иудын зон, Нил мүрэнэй уһа уухаяа таанадай Египет руу ошохо түсэбтэ энэ болбол туһалаа гү? Евфрат мүрэнэй уһанһаа уухаяа Ассири руу ошохо түсэбтэтнай энэ хадаа туһалха гү? Үгы!

Ерэмияа 37:7

– Иудын хаан Цэдэкиияда: Фараоной сэрэг таанадта туһалхаяа ерэжэ ябаһан аад, һөөргөө Египет руугаа бусаха.

Ерэмияа 4:17

Талын харуул мэтэ тэдэ Иерусалимые тойрон бүһэлжэ байна, юундэб гэхэдэ, Иерусалимай арад зон Эзэнэй урдаһаа тэршэлэн бодоо. Иигэжэ Эзэн айладханал.

Ерэмияа 42:19

Би үргэлжэлүүлбэб: – Иудын орон нютагта үлөөшэ зон, таанадые Египет руу бү ошогты гэжэ Эзэн һэргылнэ. Би таанадта энээн тушаа хэлэжэ байна гээшэб.

Ерэмияа 5:23

Теэд таанад улад зонта! Таанад үсэд, үгэ дууладаггүйт, Намһаа буруу хаража, холодонот.

Эзэкээл 11:2

Бурхан намда иигэжэ айладхаба: – Хүнэй үри Эзэкээл! Эдэ зон муу юумэ түсэблэн байдаг, хотын зондо муу зүбшэл үгэдэг.

Эзэкээл 2:3

– Хүнэй үри Эзэкээл, Би шамайе Израилиин арад түмэн руу эльгээхэм. Тэдэ Минии урдаһаа эсэргүүсэн бодоо, буһалгааша зон даа. Үбгэ эсэгэнэртээ адли тэдэ урбагшад гээшэл.

Эзэкээл 24:3

Тиигээд үгэ дууладаггүй энэ арад зондо Минии, Эзэн Бурханай, иимэ һургаал үгэ дуулга: Тогоо таби, тогоо таби, тэрээн руугаа уһа эюулэ.

Эзэкээл 29:16

Израиль тэдэнэй туһаламжаһаа бэшэ хэзээдэшье дулдыдажа байхагүй. Тиихэдэ Египедтэ найдаһамнай буруу байгаа гэжэ Израилиин зон ойлгохо. Тиигээд тэдэ Минии, Эзэн Бурханай, эдэ бүгэдые үйлэдэһые мэдэхэ.

Эзэкээл 3:9

Хабсагай шулуун мэтэ, ошор шулуун мэтээр шамайе хатуу болгохоб. Тэдэ буһалгаата-хүлгөөтэ зонһоо бү ай.

Һошээ 11:6

Дайн дажар хотонуудынь дайража, хаалгануудынь унагааха, муу муухай һанаатай байһанайнгаа түлөө тэдэ хосорхо.

Һошээ 13:2

Мүнөө тэдэ нүгэлөө бүри олошоруулба: дархашуулай гараар өөһэдын тухайлһанай ёһоор мүнгэн онгонуудые урлуулба. Тиигээд тэдэ эдэ онгонуудта тахил үргэгты гэжэ хэлэнэ.

Һошээ 7:13

Намһаа холодоһондоо тэдэ гай зоболон амасаха, Намһаа буруу хараһандаа тэдэ хосорхо! Минии тэдэниие абаржа байхада тэдэ Нам тушаа худал хэлэжэ байгаа.

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Тоололго 32:14

Эгээл таанад мүнөө эсэгэнэртээл адляар аашалалданат. Ай даа, нүгэлтэйл байна даа энэ арад! Эзэнэй үшөө ехээр энэ арадта сухалдахынь түлөө эмхи журамаа алдаха гэбэ гүт таанад?

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.

Хуули дабталга 29:19

Энэ хараал шэрээл дуулажа, хэн нэгэн досоогоо бардамлажа, «Һанаһаараа юумэ саашадаашье хэжэ байхаб, муу юумэн намда хүрэхэгүй» гээд һанажа болохо. Теэд иимэ хүнһөө боложо, ондоошье зон муу юумэндэ дайрагдажа магад.

Хуули дабталга 9:24

Таанадые мэдэхэ болоһон сагһаам хойшо Эзэндэ һөөргэдэн байнат.

Хуули дабталга 9:7

Элһэн сүл губида Эзэн Бурханаа сухалдуулһанаа оройдоошье бү мартагты. Египедэй газар дайдаһаа гараһан үдэрһөө хойшо энэ газарта ерэтэрээ Эзэндэ таанад эсэргүүсээт.

Тимофейдэ 2-дохи 3:13

Харин хара һанаатай, мэхэшэ зон бусад зониие эндүүрүүлхэ, өөһэдөөшье эндүүрэн бүри муу муухай юумэ үйлэдэжэл байха.

Нүүнэй Иисүүс 9:14

Израильшууд тэдээнэй хилээмынь абаад, Эзэнһээ һураагүй.