Исай 3:24 - Библи

²⁴ Хотын эрэшүүлые һэлмэ жада хороохо, баатарнууд дайнда алдалан унаха.

Исай 3:24 Referencias Cruzadas

Эстээр 2:12

Басагад хаанда орохын урда тээ арбан хоёр һарын туршада бэеэ гоё һайхан болгоод, ээлжээнэй ёһоор ородог һэн: зургаан һарын туршада смирна модоной дабирхайгаар бэеэ аршуулдаг, үшөө зургаан һарын туршада ондоо хангалтама һайхан зүйлнүүдээр бэеэ гоё болгодог бэлэй.

Иоов 16:15

Иигэжэ би эгүүридэ гашуудалай шэрүүн хубсаһа үмдэһэн мэтэ болооб. Духаараа газар мүргэжэ,

Һургаал 31:24

Тэрэ самса оёжо худалдадаг, Кенаанай хүпеэсүүдтэ бүһэ абаашадаг. ע Аайин

Һургаал 7:17

Орондоо миро тоһоной, зуу наһатын, халуун үбһэнэй хангал һайхан үнэр оруулааб.

Исай 15:2

Дибоон хотын зон гашуудан уйлаһаар мүргэлэй газарнууд өөдэ гарана. Моһаабай улад зон Нэбоо болон Мэдэбаа тушаа сурхирса уйлана. Гашуудалай тэмдэг – хүн бүхэнэйнь толгой, һахал хюһагданхай.

Исай 15:3

Үйлсэнүүдээр зон гашуудалай таар хубсаһа үмдэнхэй ябана. Гэрэй хушалтанууд дээрэ болон хотын талмайнуудаар хүн бүхэн сурхирса уйлана, нулимса унагаана.

Исай 22:12

Түмэн Сэрэгтэ Эзэн Бурханай та бүгэдые таар нэмэрэн, үһэеэ хюһан, гашуудан уйлахые дуудаһаншье һаань,

Исай 3:23

Анхилдаг һайхан сүршэлгын орондо үмхэй муухай үнэртэй, гоё һайхан бүһэнүүдэй орондо аргамжатай, гоёлой хубсаһанай орондо онги-набта хубсаһатай, гоё һайхан үһэнэй орондо халзан тэдэ болохо.

Исай 4:4

Өөрынгөө галта хүсөөр Эзэн Сионой басагадһаа муу муухайень шүүбэрилэн угааха, Иерусалимые шуһанһаань сэбэрлэхэ.

Исай 57:9

Аятай үнэртэй тоһо түрхеэд, шүтөөндэ зальбархаяа ошонот. Ямар бурханда мүргэхэеэ бэдэржэ, элшэнэрые аяар үхэлэй орон хүрэтэр эльгээнэт.

Ерэмияа 4:8

Тиимэһээ гашуудалай хубсаһа үмдэжэ, гашуудан шангаар уйлагты. Юуб гэбэл, Эзэнэй шэрүүн уур хилэн таанадһаа эрьен-зайлан байхагүй.

Ерэмияа 48:37

Тэдэ бултадаа толгойгоо хюһанхай, һахалаа абанхай. Гашуудан-зобон, гараа элдэбээр отолоо, хүн бүхэниинь таар үмдэнхэй.

Ерэмияа 49:3

Хэшбооной улад зон, шангаар бархиралдыт! Ай хото һандаргагдаал! Раббаагай эхэнэрнүүд, таар үмдэжэ, гашуудан уйлагты! Хана хэрэмүүдэй дунда наашаа-саашаа гүйлдэгты! Милхоом бурхантнай санаартад, түшэмэлнүүдтэеэ хамта баряанда туугдан ошохонь лэ!

Ерэмияа 6:26

Эзэн: – Минии арад зон! Гашуудалай хубсаһа үмдэжэ, үнэһэн соо хүльбэрэгты. Ори ганса үхибүүгээ гээһэн мэтэ угаа гашуунаар уйлагты, юуб гэхэдэ, таанадые усадхахаяа ерэжэ байгаашад гэнтэ добтолон орохо.

Гашуудал 2:10

Сионой аха захатан шэмээгүй газарта һууна, толгойдоо үнэһэ сасаа, гашуудалай шэрүүн хубсаһа үмдөө. Иерусалимай басагад толгойгоо газар руу гунхуулаа.

Эзэкээл 27:31

Толгойгоо халзан болотор хюһаад, гашуудалай шэрүүн таар хубсаһа үмдөөд, тэдэ шам тушаа сэдьхэл шэшэрмэ гашуунаар уйлаха.

Эзэкээл 7:18

Тэдэ өөһэдыгөө таараар орёон, айжа шэшэржэ байха. Толгойнуудынь хюһаатай, ехэ доромжолуулагданхай тэдэ байха.

Ёһээл 1:8

Удархай самса нэмэрһэн эхэнэртэ адли эдир залуу үеынгөө нүхэрэй түлөө орилон уйлагты.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Амоос 8:10

Һайндэрнүүдыетнай – гашуудал, дуунуудыетнай хүдөөлүүлгын уйлаан болгохоб. Таар таһардаһанда бүгэдые хубсалуулхаб, хүн бүхэн толгойгоо хюһаха. Ори ганса хүбүүн тухайгаа гашуудаһантай адли ехэ гашуудал болохо, үдэр бүхэн гай гашуудалай үдэр болохо.

Михей 1:16

Иудын улад зон, баяр баясхалантнай болохо хүбүүд тухайгаа гашуудан үһөө тайрагты, хөөбэрлэжэ байгаа бүргэд мэтэ халзан өөһэдыгөө болгогты, юуб гэбэл, хүүгэдтнай таанадһаа таһаран, сүлэлгэ руу туугдаха.

Хуули дабталга 28:22

Эзэн таанадые уушханай ханяадан, хумхаа үбшэн, халууралга, хабдараар нэрбүүлэн сохихо, ган гасуур, хуурай һалхи эльгээжэ, ургасыетнай һалгааха. Таанадай хосортор эдэ үбшэнгүүд хойноһоотнай дахан ябаха.

Хуули дабталга 32:24

Тиихэдэ тэдэнэр гэдэһээ үлдэн, мүн үбшэ хабшанһаа гээгдэхэ. Би урдаһаань зэрлиг арьяатанай шүдэ, могойн хоро эльгэхэб.

Пётрой 1-дэхи хандалга 3:3

Гоё һайхан болохын тула таанад өөһэдыгөө гадна талаһаа шэмэглэжэ, үһэеэ гоёожо гү, али алтан зүүдхэлнүүдые зүүжэ гү, али зөөлэн хубсаһа үмдэжэ бү байгты.

Гэршэлгэ 11:3

Би хоёр гэршэнэрээ эльгээхэб: тэдэмни уйдхар гашуудалай хубсаһа үмдөөд, мянга хоёр зуун жаран үдэр соо Бурханай үгэ айладхажа ябаха».

Гэршэлгэ 16:9

Аргагүй халуун болоходонь, хүнүүд шататараа халуудажа байгаа. Иимэ ехэ гай аюул даажа байһан Бурханай нэрые хүнүүд хараалай муугаар хараагаа һэн. Теэд тэдэ хүнүүд гэм хэхэеэ болёогүй, Бурханиие магтаагүй.

Гэршэлгэ 18:9

Тэрэ ниислэлэй шатахада гараһан гал түймэрэй утаа уняар харахадаа, зальхайралга, баялиг соогуур дураараа хүльбэрэлдэжэ ябаһан газар дайдын хаашуул тэрэ ниислэлые шаналжа уйлаха гашуудаха.