Исай 3:14 - Библи

¹⁴ Эзэн арад түмэнэйнгөө ахалагшадые болон ударидагшадые шүүн, иигэжэ айладхана: «Таанад үзэм жэмэсэй сэсэрлиг хооһоруулаат, үгытэй ядуу зонһоо буляажа абаһан зөөри гэртэтнай байна.

Исай 3:14 Referencias Cruzadas

Иоов 22:4

Тэрэ шамһаа түбэгшөөжэ, шамтай адли болошоод, заргалдажа байха гэжэ бодоно гүш?

Иоов 24:14

Алууршан хүн үүрээр бодожо гараад, ядуу дорой хүнэй ами хороон дээрмэдэнэ, харин һүнинь хулгай хэнэ.

Иоов 24:9

Бэлбэһэн эхэнэрэй үритэй болоходонь, хүхөөр хүүгэдыень һалган абажа, богоол болгодог гэмтэн байдаг. Зээлеэр гуйһан ядуу хүнһөө хэтэрмэ ехэ барисаа эридэг.

Иоов 34:23

Иимэһээ Бурханай үмэнэ шүүлгэдэ ошохо саг болзор хүндэ тогтоогдоогүй.

Псалманууд 14:4

Шоодбори хүн Тэрэнэй нюдэндэ жэгшүүритэй, гэбэшье Эзэнһээ айдаг зониие Тэрэ хүндэлдэг. Хэн нэгэндэ тангариг үргэбэл, тэрэнээ заабол бэелүүлдэг.

Псалманууд 143:2

Тэрэ хадаа энэрэл хайрам, тулгуурни, бүхэлэлтэм ба минии абарагшам, минии бамбай ба минии найдал, арад зониием намаар захируулагшамни мүн.

Һургаал 30:14

Зобоһон зониие дэлхэйһээ арилгахаар, ядуу хүнүүдые залгихаар бэлэн шүдэниинь илдэ шэнги, үргэниинь хутага шэнги хүнүүд байха.

Исай 10:1

Үнэн зүб бэшэ хуулинуудые зохёодог, буруу шиидхэбэринүүдые бэшэдэг таанадта гай гасалан тудаха!

Исай 10:2

Таанад үгытэй ядуу зоной хэрэгые буруу шиидхэнэт, эрхэнүүдыень хаһанат. Бэлбэһэн эхэнэрнүүдэй ба үншэн үхибүүдэй зөөри өөрын олзо болгонот.

Исай 11:4

Үгытэй ядуу зоной хэрэгүүдые үнэн зүбөөр шиидхэжэ, бэеэ аршалжа шадахагүй хүнүүдэй эрхэнүүдые хамгаалжа тэрэ байха. Үгэ хүүрээрээ газарые хюдажа, эшхэрхэдээ, муу хүниие һалгаажа байха.

Исай 14:30

Эзэн үгытэй ядуу зоноо анхарха, аюулгүй, садхалан ажаһуулгаха. Харин таанадые, пилишт зониие, эдихэ хоолгүй болгон Тэрэ усадхаха, таанадай хэншье амиды мэндэ үлэхэгүй.

Исай 26:6

Дарлагдажа байгаашад мүнөө болоходо өөһэдөө эдэ бүгэдые дэбһэжэ, ула дороо гэшхэнэ».

Исай 29:19

Үгытэй зон Эзэнһээ шэнэ баярта хүртэхэ, ядуу улад Израилиин арюун Бурхан тушаа баясан байхал.

Исай 30:12

Тиимэһээ Израилиин арюун Бурхан иигэжэ айладхана: «Минии айладхал дууланагүйт, дарлалтада найдажа, мэхэ гоходо түшэглэбэт.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Исай 58:4

Масаг барихадаа таанад хүсэтэй боложо, хэрэлдэжэ, наншалданат. Иигэжэ масаг баринабди гэжэ байхадатнай Би таанадай гуйлтануудые дуулаха ааламби?

Ерэмияа 12:10

Хариин олон удамаршад үзэмэй модоной сэсэрлигыем һалгаагаа, дуратай газарыем дэбһэжэ, үнэһэн тобороог болгоо, дуратай газарыем һандархай хооһон дайда болгобо.

Ерэмияа 5:27

Шубуудаар дүүрэн тор мэтэ тэдэнэй гэр мэхэ гохоор дүүрэн. Тиимэл ушарһаа тэдэ хүсэтэй, баян болоо.

Эзэкээл 18:12

ядуу, үгытэй зониие дарладаг, зонһоо юумыень буляадаг, бариса гэжэ абаһан юумэеэ бусаадаггүй, онгонуудта мүргэдэг, жэгшүүрилтэ муухай юумэ хэдэг,

Эзэкээл 20:35

Арадуудаар хүреэлөөтэй элһэн сүл губи руу асархадаа, Би таанадтай улаан нюураараа уулзалдажа, зарга шүүбэри ябуулхаб.

Эзэкээл 20:36

Египедэй хажуугаархи элһэн сүл губида таанадай үбгэ эсэгэнэрые хэһээһэндэл Би таанадые хэһээхэб.

Левит 25:14

Хэрбээ дүтынгөө хүндэ юумэ худалдаа һаа, үгышье һаа, дүтынгөө хүнһөө юумэ худалдажа абаа һаа, бэе бэеэ бү мэхэлэгты.

Левит 25:17

Бэе бэеэ бү мэхэлэгты. Өөрынгөө Бурханһаа айгты, юуб гэхэдэ Би Эзэн, танай Бурхан, гээшэб.

Амоос 2:7

Үгытэй хооһон зониие газарай хумхаа тооһон руу шэдэнэ, туһагүй ядуу зониие харгы замһаань хадууруулна. Нангин нэрыем бузарлан, эсэгэ хүбүүн хоёр нэгэ залуу эхэнэртэй унтана.

Амоос 4:1

Самариин эхэнэрнүүд, таанад тобир тарган үнеэнүүд мэтэт! Таанар ядуу зониие дарлажа, үгытэйшүүлые харшалан даран байнат! Үбгэдтөө «Үзэмэй дараһан архи асар! Уухамнай!» гэжэ хэлэнэт.

Михей 2:1

Орондоо хэбтээд, муу муухай юумэ түсэблэн байгаашад ямар жэгшүүритэйб! Үүрэй сайхада түсэблөөшэ юумэеэ тэдэ хэжэ эхилнэ, юуб гэбэл, энээниие хэхээр тэдэ хүсэтэй.

Михей 2:2

Тэдэ таряаланда һанаашархабал, хүсэ хэрэглэн, буляажа абана, гэр байрада обтобол, саб байса абана, хүниие, гэр хогшолыень, уг залгамжалан дамжуулдаг зөөри зөөшыень хуряажа абана юм.

Михей 3:3

Арадайм мяха эдижэ, арһыень хуулажа, яһыень эбдэн, бутаргаад, мяхыень хэршэн тогоон руу хэнэт.

Михей 6:10

Хорон муу зоной гэрнүүдтэ буруу мүрөөр олоһон баялигынь байна. Минии үзэн ядадаг юумэ – худал хэмжүүрнүүдые тэдэ хэрэглэнэ.

Матвей 21:33

– Үшөө иимэ нэгэ һургаалта үгэ шагнагты, – гэжэ Иисүүс түрүү санаартанда, ахамадуудта хэлэбэ. – Нэгэ хүн үзэмэй сэсэрлиг таряад, тойруулжа хүреэлбэ, тиигээд сэсэрлиг соогоо үзэмэй шүүһэ шахажа байхаар нүхэ малтаба, харуулай үндэр башни бариба, тиигээд тэрэнээ үзэмшэдтэ хүлһэлөөд, аянда мордобо.

Яковай хандалга 2:6

Харин таанар үгытэй хүниие гомдохообот! Тиихэдээ таанадые баяшуул лэ хашажа мүрдэжэ, зарга шүүбэридэ оруулдаг бэшэ аал?