Исай 3:12 - Библи

¹² Хүүгэд арад зониием дарлажа, эхэнэрнүүд арадыем хүтэлбэрилнэ. Арад түмэмни! Удамаршадтнай таанадые төөрюулжэ, зүб харгыһаатнай хадууруулаа.

Исай 3:12 Referencias Cruzadas

4 Хаан түрэнүүд 11:1

Ахазияагай эхэ Атаалияа хүбүүнэйнгээ алуулһые мэдэхэдээ, хан шэрээе эзэлхэ байһан хаанта гэр бүлын гэшүүдые бултыень алаха тухай захиралта үгэбэ.

Һургаал 28:16

Ухаагаар дутуу удамаршын дарлалга бүришье ехэ. Хомхой сэдьхэлээр олдоһониие үзэн ядадаг хүнэй үдэр хоногуудынь ута болохо.

Экклезиаст 10:16

Хааниинь гүлмэр, түшэмэлнүүдынь үглөөнһөө эхилжэ найрладаг орон нютагта атаархахаар бэшэ.

Исай 19:14

Буруу зүбшэл үгэхыень Эзэн тэдэниие баадхаба. Тиихэдэнь тэдэ Египедые бүхы юумэ буруу хүүлэнэ. Египет хадаа һогтуу хүнэй бөөлжэһэндөө худхалдан найгалзадагтал гуйбана.

Исай 3:4

Ударидагша болгон үхибүүдые Тэрэ табиха, тэдэниие хүүгэд хүтэлхэ.

Исай 51:22

Өөрынгөө арад түмэнэй түлөө тэмсэгшэ Эзэн Бурхантнай иигэжэ айладхана: «Уур хилэн дундаа таанадта үгэһэн аягаяа мүнөө һөөргэнь абанаб. Найгалзуулдаг гашуун хэһээлтын шүлэ таанад бэшэ уухагүйт.

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Михей 3:5

Эдилгэ үгэдэг зондо амгалан тайбаниие худал найдуулжа, эдилгэ үгэдэггүй зондо дайн дажар болохо гэжэ һүрдөөжэ байгааша худалша лүндэншэд арад зониием мэхэлнэ. Эзэн эдэ лүндэншэдтэ иигэжэ айладхана:

Наум 3:13

Үзөөрэй, сэрэгшэдшни һамгадтал адли, газар дайдыншни хаалганууд дайсанай урда үргэнөөр сэлигдэхэ, шэбхэнүүдшни гал дүлэндэ шатан һалаха.

Матвей 15:14

Тэдэн тухай һанаагаа огто бү зобогты. Тэдэнэр һохор хүнүүдэй һохор ударидагшад мүн; теэд һохор хүн һохорые хүтэлжэ ябабал, хоюулаа нүхэ руу унаха юм.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.