Исай 3:11 - Библи

¹¹ Хара һанаатан золгүй байха. Ондоо зондо юу хээ һэм – тон тиимэ юумэн тэдээндэ өөһэдтэнь хүрэхэ.

Исай 3:11 Referencias Cruzadas

Эхин 18:25

Би үнэншэхэгүйб – тиимэ байхагүй! Та иимэ юумэ хэхэгүйт! Зүб шударга зониие дорой ябадалтай золигуудтай хамта хосороохогүйт. Зүб шударга хүнүүд муу муухай хэрэг үүсхэгшэдтэй хамта хэһээлтэдэ хүртэхэ ёһогүй. Тиимэ байхагүй! Хамаг дэлхэйн Үйлэ шиидхэгшэ алдуута шиидхэбэри гаргаха ёһогүйл! – гэбэ.

2 Хаан түрэнүүд 3:39

Би хаан түрэдэ тоһоор түрхюулэн ёһолуулһаншье һаа, мүнөөдөө үшөөл хүсэгүйб, харин Цэруяагай хүбүүд угаа хэрзэгы хатуу. Эзэн мууе үйлэдэгшэдэ хэһэн хэмээрнь тэрэнииень амасуулхань болтогой!

3 Хаан түрэнүүд 21:21

Эзэн шамда гай гасалан ушаруулха. «Ши болон шинии гэр бүлын богоол, мүн сүлөөшье эрэ хүн бүхэн үхэхэ.

2 Угай бэшэг 6:23

Та огторгойһоо энээнииень дуулажа, богоолнуудайнгаа зарга хэрэг шиидхэжэ, гэмтэниие элирүүлжэ, гэмынь амасуулыт, харин гэмгүй хүниие сагааруулан аршалыт!

Иоов 10:15

Гэмтэй болобол шиидхэл үзэнгүй би гарасалдахагүйб гэжэ мэдэнэм. Гэмтэй болоболни гай гашуудал намда бууха. Гэмгүйшье һаа, толгойгоо үргэжэ зүрхэлхэгүйб. Иигээд оройдоо гэмгүй хүндэ зоболон амасуулха эрхэтэйт.

Псалманууд 28:4

Эзэнэй дуу хоолой хүсэтэй, Эзэнэй дуу хоолой һүр жабхалантай.

Псалманууд 62:12

Бурхан хааниие баярлуулха. Бурханаар тангариглагша хүн бүхэн баяртай байха, юуб гэбэл, худал хэлэдэг зоной аман таглагдаха.

Һургаал 1:31

Тиин тэдэ өөрын үйлэһөө хэһээлтэ амсаха болоно.

Һургаал 11:31

Үнэн шударга хүн хүртэхэ ёһотойгоо энэ дэлхэй дээрэ хүртэдэг һаань, хара һанаатан ба нүгэлтэн хэды дахин үлүү харюуда хүртэхэ ушартай.

Һургаал 12:14

Хэлэһэн үгынгөө үрэ жэмэсэй һайханһаа хүн садана, хүнэй хэһэн хэрэгээр харюунь бууха.

Һургаал 26:27

Нүхэ малтаһан хүн өөрөө тэрээн руу унана. Шулуу түлхихэдөө өөрөө тэрээндэ даруулха.

Экклезиаст 8:13

Нүгэлтэ хүн өөдэлхэ гэжэ байгаагүй, Бурханиие тоодоггүй тэрэнэй үдэрнүүд һүүдэр мэтэ ходоржо, наранай ороходо һүнэдэг.

Исай 13:11

Эзэн иигэжэ айладхана: «Муу муухайнь түлөө Би энэ газар дэлхэйе хэһээхэб, муу зондо гэм зэмэйнь түлөө хэһээлтэ амасуулхаб! Бардам, ехэрхүү һанаатай зоной хамарые сохихоб, Хэрзэгы дошхон зоной бардам зангые болюулхаб!

Исай 48:22

«Хара һанаатай зондо амар амгалан байдал үзэгдэхэгүй!» – гэжэ Эзэн айладхана.

Исай 65:20

Нарай нялханууд нарайдаа һамшахагүй, зон бултадаа наһалха наһаяа эдлэхэ. Зуу наһалаад үхэһэн хүн залуу гэжэ тоологдохо, харин энэ наһа наһалангүй урид нүгшэһэн хүндэ Минии хараал хүрөө гэжэ хэлсэгдэдэг байха.

Исай 65:6

Би тэдэниие яажа хэһээхэеэ бэшэжэ абанхайб. Дуугай байхагүйб, хэһэн хэрэгэйнь түлөө үһөөгөө абахаб.

Исай 65:7

Өөһэдэйнь болон үбгэ эсэгэнэрэйнь нүгэлэй түлөө үһөөгөө абахаб. Тэдэ хада ууланууд дээрэ уталга ууюулжа, Нам тушаа муугаар хэлээ һэн. Хэһэн хэмээрнь тэдээндэ хэһээлтэ амасуулхаб.

Ерэмияа 21:14

Теэд Би хэһэн үйлэ хэрэгэйтнай түлөө таанадые хэһээхэб. Ордонгыетнай шатаахаб, тиихэдэм бүхы оршон тойроноорнь гал дүлэн соробхилхо.

Ерэмияа 31:30

Харин хүн бүхэн өөрын гэм зэмэй түлөө үхэхэ, гашуун уһан үзэм эдидэг хүнэй өөрынь шүдэн мохоо болохо.

Эзэкээл 16:59

Ши өөрынгөө хэлсээ, тангаригые эбдээш, тиимэһээ Би тон тиимээр шамда хандахаб.

Эзэкээл 18:20

Хэн нэгэн нүгэл хэбэл, үхэхэ, харин хүүгэдынь эхэ, эсэгынгээ гэм зэмые амасахагүй, эхэ, эсэгэ хүүгэдэйнгээ түлөө хэһээгдэхэгүй. Һайн хүнэй һайн хэрэгынь өөртэнь туһалха, муу хүнэй муу хэрэгынь өөрыень тушаха.

Эзэкээл 2:10

Тэрэнэй энэ бэшэг минии урда дэлгэхэдэнь, хоёр тээһээ тэрэ бэшэгдэнхэй, гашуудал, уйлаан, зоболон тэндэ бэшээтэй байгаа һэн.

Эзэкээл 24:14

Тэрэ саг ерэнэл аабза. Тиихэдэнь Би хэһээлтэеэ болюулжа гү, али Иерусалимай улад зониие хайрлажа, энэрэл үзүүлжэ байхагүйб. Хэһэн хэрэгэйнгээ хэмээр тэдэ хэһээгдэхэ ёһотой. Энэ болбол Би, Эзэн Бурхан, айладхана мүн!

Эзэкээл 33:8

Муу хүниие үхэхэ гэжэ айладхахадам, тэрэ өөрын лэ нүгэлэй түлөө үхэхэ. Нүгэлтэ ябадалаа орхихо тухайнь тэрэниие һэргылээгүй гээшэ һаа, ши, Эзэкээл, үхэһэндэнь зэмэтэй болохош.

Михей 3:4

Таанад Эзэнһээ туһа эрин хашхаралдахат, теэд Эзэн таанадые дуулахагүй, муу муухайе үйлэдэн байгаа сагтатнай Тэрэ таанарһаа буруу харан байха.

Михей 7:13

Гэбэшье тэрэ газар дайда хадаа ажаһуугшадайнгаа нүгэл үйлэдэһэнэй түлөө эзэгүйрхэ, хооһорхо.

Тоололго 32:23

Эдэ бүгэдые бэелүүлээгүй һаа, Эзэндэ нүгэл хээд, хэһэн нүгэлэйнгөө түлөө хэһээлтэдэ таанад орохот.

Коринфынхидтэ 2-дохи 5:10

Газар дэлхэй дээрэ ябахадаа муу, һайн юумэ хэһэнэйнгээ түлөө шүүлгэхын тула бидэ булта Христоосой зарга шүүбэридэ орохо ёһотойбди.

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.

Ударидагшад 9:57

Тиигээд Бурхан Шэхээмдэ ажаһуугшадай бүхы мууень тэдэнэй өөһэдынь толгой дээрэ буулгаба. Иигэжэ Еруббаалай хүбүүн Ётаамай хараал тэдээндэ тохёолдобо.