Исай 27:13 - Библи

¹³ Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 27:13 Referencias Cruzadas

4 Хаан түрэнүүд 17:6

Һошээгэй юһэдэхи жэлээ хан шэрээдээ һуухада, Ассириин хаан Самариие эзэмдэн абаба. Тиигээд тэрэ израильшуудые Ассири туужа асараад, Гозаан дээгүүр урдадаг Хабуур голой эрьедэхи Халаада, мүн баһа Мидиин хотонуудта нютагжуулха гэбэ.

1 Угай бэшэг 15:24

Шэбааньяа, Ёшапаат, Нэтанээл, Амасай, Захарияа, Бэнайяа, Элиээзэр Бурханай ханзын урда бүреэнүүдые үлеэгээ, Обээд-Эдоом Ехияа хоёр ханзын дэргэдэхи харуулшад байгаа.

Псалманууд 47:5

Юуб гэбэл, харыт, хаашуул хамтаржа, хамтадаа ябан үнгэрбэ.

Псалманууд 81:3

Ядуу болон үншэн хэнзые аршалагты, зобоһон-тулиһан болон үгытэй зониие зүбөөр шүүжэ байгты.

Псалманууд 89:15

Маанадые зүдэрүүлһэн үдэрэй тоогоор, маанадай хохидол үзэһэн жэлнүүдэй тоогоор бидэниие баясуулыт.

Исай 11:11

Тэрэ үдэр Эзэн хоёрдохёо гараа һунгажа, Өөрын арад түмэнэй үлдөөсые бусааха, Ассириһээ, Египедһээ, Патроосһоо, Күүшһээ, Элаамһаа, Шинаарһаа, Хамаадһаа болон далайн аралнуудһаа асарха.

Исай 11:12

Дэлхэйн найман зүгөөр сүлэгдэн тараагдаһан Израилиин болон Иудын хан түрэнүүдэй улад зониие дахин суглуулан бусаажа байһан тухайгаа үндэһэ яһатанда гэршэлэн харуулхын тула Бурхан дохёо тэмдэг – туг үргэн байха.

Исай 11:16

Израилиин зоной Египедэй орон нютагһаа гараһандал адли Ассиридэ амиды мэндэ үлэһэн Тэрэнэй арад түмэндэ һөөргөө бусаха ехэ зам харгы нээгдэхэ.

Исай 18:3

Юртэмсын улад зон, газар дэлхэй дээрэ ажаһуугша бүгэдэ зон! Гүбээнүүд дээрэ дохёо тэмдэг туг үргэгдэхэ, харахат! Бүреэгэй дуу шагнахат!

Исай 19:21

Эзэн Өөрыгөө Египедтэ мэдүүлэн харуулжа, тэдэ Бурханиие мэдэдэг боложо, зальбаржа, малаар үргэл, мүн талха таряанай үргэл үргэжэ, шахаа тангаригуудые үгэжэ, саашадаа бэелүүлдэг байха.

Исай 19:22

Эзэн Египедэй зониие хэһээхэ, хэһээгээшье хадаа эдэгээхэ. Тэдэнэй Өөртэнь хандахада, Эзэн гуйлтыень дуулажа, эдэгээхэл.

Исай 2:11

Хүнэй бардам харасын үгы болохо, хүнэй дээрэлхүү зангай номгодохо саг дүтэлжэ байна. Тэрэ үдэр Эзэн лэ гансаараа үндэр зандаа үлэхэл.

Исай 2:2

Һүүлшын үдэрнүүдтэ иимэ юумэн болохо: Эзэнэй үргөөгэй оршодог хада бусад хадануудһаа эгээл үндэр болохо, толгойнуудһаа эгээл үндэрынь болон тодорхо. Тэрээн руу бүхы үндэһэтэд урдан хүүехэл.

Исай 2:3

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай нангин үргөө тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Хуули Сионһоо гараха, Эзэнэй үгэ – Иерусалимһаа.

Исай 25:6

Түмэн Сэрэгтэ Эзэн энэ уула дээрэ бүхы арадуудта найр наада бэлдэхэ – баян дэлгэр шэрээтэй, эрхим үзэмэй дараһан архитай. Тэндэ хурса һайн хоол, шанар һайтай үзэмэй дараһан архи байха.

Исай 43:6

Хойто зүгтэ хандан, Минии арад түмэниие табихыень, урда зүгтэ хандан, зониием барижа байхагүй тухай захирхаб. Минии арад түмэнэй алас холоһоо, үлгэн дэлхэйн элдэб буланһаа ерэхэдэнь бү һаад хэгты гэхэб.

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Исай 56:8

Таран бутарһан Израилиин арад зониие суглуулагша Эзэн Бурхан үшөө олон зониие асархаб гэжэ найдуулна.

Исай 66:18

Би тэдэнэй һанаа бодол, хэрэгүүдынь мэдэхэб. Бүхы үндэһэ яһатадые суглуулха гэжэ ерэжэ байнаб. Тэдэ ерэжэ, Минии солые харахал.

Исай 66:23

Һара бүхэндэ, амаралтын үдэр бүхэндэ бүхы арадууд Намда мүргэхэеэ Иерусалим руу ерэдэг байха.

Ерэмияа 31:6

Зүб даа, Эпрааимай гүбээнүүд дээрэ харуулшадай «Бодогты, Сион өөдэ Эзэн руу, өөһэдынгөө Бурхан руу, ошоё» гээд дуудаха саг дүтэлөө.

Ерэмияа 43:7

Тэдэ Эзэнэй үгэ дуулангүй, Египедэй орон нютаг руу зорибо. Тахпанхээс хүрэтэр ябаба.

Ерэмияа 44:28

Гансал үсөөхэн зонтнай амиды мэндэ үлэжэ, Египедһээ Иудын орон нютагаа бусаха. Тэдэ амиды үлөөшэд лэ Минии гү, али тэдэнэй үгын бэелүүлэгдэһые ойлгохо.

Эзэкээл 20:34

Тараһан газарнуудһаатнай таанадые суглуулхадаа, Өөрынгөө хүсэ шадалые, уур хилэнгые харуулхаб.

Эзэкээл 20:41

Тараһан газарнуудһаатнай таанадые суглуулан асархадаа, Би үргэлэйтнай аятай үнэрые таашааһандал таанадые таашаан байхаб. Тиигэжэ бусад арадуудай нюдэн дээрэ таанадтай хэһэн үйлэ хэрэгээрээ Би нангин байдалаа элирхэйлхэб.

Эзэкээл 39:25

Харин мүнөө Израилиин арад түмэндэ нигүүлэсхыгээр хандажа, таран сасагдаһан арадуудайнь дундаһаа бусаахаб. Яковай үри һадаһадые үреэжэ, нангин байһанаа гэршэлхэб.

Даниил 11:45

Тэрэ далайн болон нангин үргөөгэй оршодог хада уулын хоорондо хаанта майхангуудаа татаха. Теэд эсэсынь ерэжэ, хэншье тэрээндэ туһалхагүй.

Һошээ 11:11

Тэдэ шубуудтал адли хөөрсэгэнэн-шэшэрэн, Египедһээ, тагтаануудтал Ассириин газарһаа бусаха. Тиихэдэнь Би тэдэниие гэр руунь оруулан һуурижуулхаб. Энэ болбол Би, Эзэн, айладхана мүн!

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Һошээ 9:3

Эзэнэй үршөөһэн газарһаа тэдэ гаран ошохо баатай болохо, Эпрааим һөөргөө Египет руу бусаха, Ассиридэ сээртэй хоол эдин байха.

Левит 25:9

Арюудхалгын үдэр, долоодохи һарын арбадахи үдэр улад зониие дуудажа, бүреэ бэшхүүрнүүдээр дуу гаргагты.

Михей 7:14

Өөрынгөө арад түмэниие дахуулан ябыт, Эзэн! Өөрын уг залгамжалгын хуби зониие хони харюулдаг мэтээр очирто баягаараа харюулан байгыт! Тэдэ зон ой модон соо амяараа ажаһууна, теэд эртэ урда сагтал адляар, тэдэ үрэжэлтэ Башаан болон Галаадта ажаһууг лэ!

Захарияа 14:16

Иерусалимда дайгаар ороһон бүхы үндэһэтэдһөө үлэһэн хүнүүд жэл бүри эндэ ерэжэ, Хаанда, Түмэн Сэрэгтэ Эзэндэ, мүргэн, Майханай һайндэрые тэмдэглэдэг болохо.

Захарияа 8:7

Түмэн Сэрэгтэ Эзэн иигэжэ айладана: «Харагты, Би Өөрын арад түмэниие наранай мандаха газарһаа ба наранай шэнгэхэ газарһаа абарха гэжэ байнаб.

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Матвей 24:31

Шанга дуутай бүреэгэй дуугархада, Тэрэ Өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь Тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Лука 4:18

«Эзэнэй Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхыемни, Хаалтада, баряанда байгшадта эрхэ сүлөө айладхахыемни, һохор зониие хараатай болгохыемни, хашуулан дарлуулһан зониие сүлөөдэ табихыемни Эзэн эльгээгээ юм.

Римэйхиндэ 10:18

Израилиин арад зон мэдээсэл соносоогүй аал гэжэ би асуунаб. Юундэ соносохогүйб, «Тэдэнэй хэлээшэнь бүхы газар дэлхэйгээр тараа, тэдэнэй үгэнүүдынь газар дэлхэйн заха хизаар хүрөө», – гэжэ Нангин Бэшэг соо хэлэгдэнэ.

Фессалоникиинхидтэ 1-дэхи 4:16

Айладхаһан абяанай гарахада, Бурханай ахалагша Эльгээмэлэй дуу дуулдахада, Бурханай бүреэгэй дуугархада, Эзэн Өөрөө тэнгэриһээ доошоо бууха. Эдэ бүхэнэй болохын урда тээ Христоосто һүзэгтэйгөөр наһа бараһан зон амидырха.

Еврейнүүдтэ 12:22

Таанад Сион хадада, амиды Бурханай хотодо, тэнгэриин Иерусалимда, үй түмэн Эльгээмэлнүүдэй баярай суглаанда ерээт.

Гэршэлгэ 10:7

Теэд долоодохи Эльгээмэлэй бүреэгээ дуугаргахадань, Бурханай нюуса түсэб бүрин бэелүүлэгдэхэ. Бурхан энэ түсэб тухай Өөрынгөө зарасанар-лүндэншэдтэ урид мэдээсэһэн байгаа».

Гэршэлгэ 8:2

Тиигээд Бурханай урда долоон Эльгээмэлнүүдэйнь зогсожо байхые харабаб. Тэдэ Эльгээмэлнүүдтэ долоон бүреэнүүд үгтэбэ.

Гэршэлгэ 8:6

Долоон бүреэнүүдые баряад байһан долоон Эльгээмэлнүүд бүреэгээ дуугаргахаяа бэлдэбэд.

Гэршэлгэ 9:14

Томо бүреэ бариһан зургаадахи Эльгээмэлдэ тэрэ абяан иигэжэ хэлэбэ: «Агууехэ Евфрат мүрэнэй шадар хүлеэтэй дүрбэн Эльгээмэлнүүдые таби».