Исай 26:19 - Библи

¹⁹ Үхэһэн зомнай дахин амидырха! Хумхаа тооһон бологшод һэргэн бодожо, баяртай дуулалдаха. Газар дайдые шүүдэрэй һэргээдэгтэл, Эзэн нүгшэһэн зониие амидыруулха!

Исай 26:19 Referencias Cruzadas

Иоов 14:8

Модоной үндэһэн хатабашье, бороогой ороходо һэргэдэг юм.

Иоов 29:19

Һүни бүри үндэһэ мүшэрөө шүүдэрээр ундалуулха модон мэтэ алдар нэрэмни намтай хамта, хүсэ шадални буурадаггүй гэжэ би бододог һэм.

Псалманууд 110:3

Ажал хэрэгынь – һүр жабхалан ба гоё һайхан, ו Ваав зүб шударгань хэтэ мүнхэдөө оршоно. ז Заайин

Псалманууд 71:20

Ишайн хүбүүн Давидай зальбарал түгэсэбэ.

Псалманууд 88:11

Та Рааһабые бута сохёот, хүсэ шандааһаараа дайсадаа тараагаат.

Исай 18:4

Эзэн намда иигэжэ айладхаа: «Ургаса хуряалгын халуун үдэр зэрэлгээ хараһандал, үдэрэй ааяма халуунай үедэ наранай ялардагтал эли тодоор Би юу боложо байгаашые Өөрын байраһаа һанаа амар хаража байхаб».

Исай 25:8

Эзэн Бурхан үхэл хаталые хэтын хэтэдэ усадхаха. Бүхы зоной нюурһаа Тэрэ нулимса аршажа, Өөрын арад түмэнэй нэрээ гутааһан ушарые бүхы дэлхэйгээр зайлуулха. Энээн тушаа Өөрөө Эзэн айладхаа бэлэйл.

Исай 51:17

Иерусалим, һэрииш, һэрииш! Бодо! Эзэнэй шамда үгэгшэ уур хилэнгэйнь аягаһаа гашуун хэһээлтын шүлэ уугааш! Шабхаруушье үлээнгүй дууһан уужа, найгалзан байнаш.

Даниил 12:2

Газарай шорой соо унтажа байгааша зоной олонхинь тиихэдэ нойрһоо һэрихэл: заримань хэтэ мүнхэ ами наһатай болохо, нүгөөшүүл хэтэ мүнхэдөө нэрээ хухарха, хүндэгүй болохо.

Һошээ 13:14

Үхэлэй оронһоо таанадые Би абархагүйб, үхэлһөө мултаруулхагүйб. Ай, Үхэл, зоболонгуудшни хаанаб? Үхэл, хадхуураараа зониие хадхан алыш, бултыень усадхыш! Би энээн тушаа оройдоошье халаглахагүйб.

Һошээ 14:5

Эзэн иигэжэ айладхана: Өөрын арадые һөөргэнь бусаахаб, үнэнхэ зүрхэнһөө тэдэндэ дурлахаб. Би тэдээндэ бэшэ уурлахагүйб.

Һошээ 6:2

Хоёр үдэрэй удаа Тэрэ маанадые амидыруулха, гурбадахи үдэрынь бидэ бодожо эхилхэбди, тиигээд Тэрэнэй хажууда ажамидаран байхабди.

Захарияа 8:12

«Үрэ таряан амархан ургана. Уһан үзэм жэмэслэжэ, газар үрэ ургамалаа дэлгээжэ, тэнгэри уһа шүүдэрээ буулгаха. Энэ бүхы зүйлые үлэһэн зондо эблүүлжэ үгэнэб.

Матвей 27:52

мүн агы нүхэн хуурсагууд нээгдэжэ, наһа бараһан хутагтанууд олоороо амидырба.

Матвей 27:58

Тэрэ хүн Пиладта ерээд, Иисүүсэй шарилые үгэхыень гуйба. Тиихэдэнь Пилат Иисүүсэй шарилые Иосифто үгэхыень захираа һэн.

Хэрэгүүд 24:15

Эдэ зоной Бурханда найдадагтал адляар би баһал үнэн сэдьхэлтэншье, бусадшье зон амидырха гэжэ найдадаг хүнби.

Коринфынхидтэ 1-дэхи 15:20

Зүгөөр Христоосой үхөөд амидыруулагдаһаниинь үнэн зүб юм. Үхөөд амидыруулагдаха зондо энэнь баталамжа юм.

Эфесэйхиндэ 5:14

Гэрэл туяагай ашаар элирүүлэгдэһэн бүхы юумэн гэрэл туяа болоно. Тиимэһээ иигэжэ хэлэдэг байха: «Унтажа байһан хүн, һэри, амидыра, Христоос шамайе гэрэлтүүлхэ».

Хуули дабталга 32:2

Багахан дуһалнуудай зүлгэ ногоон дээрэ унаһандал, зөөлэн ногоон дээрэ аадарай адхарһандал, һургаални бороо мэтэ адхарха, үгэнүүдни шүүдэр мэтэ унаха.

Хуули дабталга 33:13

Иосифой обог тушаа тэрэ иигэжэ хэлэбэ: «Эзэн тэдэнэй газар дайдые бороо хураар, шүүдэрэй дуһалаар, доро байгаа гүн уһаар үреэнэ,

Хуули дабталга 33:28

Израиль аюулгүй амгалан ажаһууна, Яков орооһо таряагаар, жэмэсэй архяар баян, бороо хурын ородог газар дээрэ гансаараа хашалгүй ажаһууна.

Филиппынхидтэ 3:10

Христоосые, Тэрэниие амидыруулһан хүсые мэдэрхэ гэжэ хүсэнэб. Тэрээндэл адляар зобохо, Тэрээндэл адляар үхэхэ дуратай байнаб,

Филиппынхидтэ 3:21

Бүхы юумые Өөрын эрхэ мэдэлдэ оруулха аргатай хүсэ шадалаараа Тэрэ манай ахир һулахан бэенүүдые хубилгажа, Өөрынгөө алдарта бэетэй адлихан болгохо.

1 Хаан түрэнүүд 2:6

Эзэн үхүүлдэг ба амидыруулдаг. Тэрэ үхэлэй орон руу эльгээдэг ба үргэн гаргадаг.