Исай 26:15 - Библи

¹⁵ Эзэмнай, Та арад түмэниие олошоруулаат, ороной газар дэбисхэр үргэдхөөт. Иигэжэ Өөрыгөө алдаршуулаат.

Исай 26:15 Referencias Cruzadas

Эхин 12:2

Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

Эхин 13:16

Шинии үри һадаһадые элһэн мэтэ олон болгохоб. Сүл губиин элһэ тоолохын аргагүй мэтэ шинии үри һадаһад тоогүй олон болохо.

3 Хаан түрэнүүд 8:46

Нүгэл хэдэггүй хүн байхагүй. Харин Танай урда тэдэнэй нүгэл хэхэдэнь, Та тэдээндэ ехэ уурлажа, дайсадай һабарта оруулба гэлэйт. Дайсад тэдэниие холо, ойрын хариин газар руу баряанда абаашаха.

4 Хаан түрэнүүд 17:23

Эзэн Өөрынгөө бүхы барлаг лүндэншэдээр уридшалан дамжуулһан захяа зарлигуудыень сахяагүй Израилиие Өөрһөө холо болгожо үлдэбэ. Тиихэдэнь израильшууд өөһэдынгөө орон нютаг орхижо, Ассиридэ сүлүүлэн нүүжэ, мүнөө болотор нютагжаһан газартаа ажаһуунад.

4 Хаан түрэнүүд 17:6

Һошээгэй юһэдэхи жэлээ хан шэрээдээ һуухада, Ассириин хаан Самариие эзэмдэн абаба. Тиигээд тэрэ израильшуудые Ассири туужа асараад, Гозаан дээгүүр урдадаг Хабуур голой эрьедэхи Халаада, мүн баһа Мидиин хотонуудта нютагжуулха гэбэ.

4 Хаан түрэнүүд 23:27

Эзэн иигэжэ хэлэнэ: – Би Израилиие газар дайда дээрэһээнь намнагшадал тон адляар иудынхидые баһал Өөрынгөө нюдэнһөө холодхон намнахаб! Би шэлэгшэ Иерусалим хотоһоо арсахаб! Би яагаад израильшуудые Өөрһөө холодхон намнаабиб, эгээл тэрээн шэнгеэр иудынхидые намнахаб! Минии шэлэгшэ хото – Иерусалимһаа арсахаб! «Эндэ Минии нэрэ оршохо» гэжэ хэлэһэн һүмэһөө арсахаб!

Нэхэмьяа 9:23

Та тэдэнэй үри һадаһадые тэнгэриин мүшэдтэл олон болгоот. Израильшууд эндэ ерэжэ эзэмдэн һууха гэжэ тэдэнэй эсэгэнэртэ Та айладаһан байжа, үри һадаһадыень энэ нютагта асараат.

Иоов 12:23

Зарим улас үндэһэтэниие хүсэтэй болгожо, нүгөөдүүлынь нураан унагаадаг. Зарим уласай газарынь үргэдхэнэ, зариманай газар буляан абадаг.

Исай 10:22

Далайн элһэндэл адли тоогүй олон зоной Израильда мүнөө байгаашье һаань, оройдоол үсөөхэниинь лэ һөөргөө бусаха. Усадхалга хамагай зүб шүүлгээр тодорхойлогдонхой.

Исай 33:17

Ялас гэмэ хааниие нюдөөрөө харахат, холуур нэмжыгшэ газарые обёорхот.

Исай 40:5

Тиихэдэ Эзэнэй алдар солонь эли болон тодорхо, бүхы зон тэрэниие хараха. Юуб гэхэдэ, Өөрөө Эзэн иимэ юумэн болохо гээд найдуулаа бшуу».

Исай 44:23

Эзэнэй хэрэгүүдые бүтээһэндэ огторгой, баярлан хашхарыш! Газарай гүн газарнууд, хашхаралдагты! Уула хаданууд, ой модон, ойн бүхы модод, баясан хашхарагты! Эзэн Яковые абараа, Израилиие абаран алдаршаа!

Исай 6:12

Би зониие үлдэхэб, энэ орон нютаг ехэ хооһорхо.

Исай 60:21

Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.

Исай 9:3

Бурхан, Та үндэһэ яһатаниие олошоруулаат, ехэ баяр тэдээндэ түхөөгөөт. Зон олзо хубааха үедэ баярладаг мэтэ, Танай урда ургаса хуряан баярлана.

Ерэмияа 30:19

Тэндэ ажаһуугшад магтаал дуулаха, баясан-сэнгэн хашхаралдаха. Минии үршөөхэдэ, тэдэ олошорхо. Минии дээгүүр үргэхэдэ, тэдэ доромжолуулхаяа болихо.

Ерэмияа 32:37

Уур сухал дундаа тараан сасаһан орон нютагуудһаа Өөрын арад түмэниие Би суглуулха һанаатайб. Һөөргэнь энэ газар дайдада бусаажа, амар амгалан байлгахаб.

Эзэкээл 36:24

Арадуудай дундаһаа таанадые суглуулан, өөрынтнай газар руу асархаб.

Эзэкээл 5:12

Таанадай гурбанай нэгэ хуби үбшэ хабшанһаа гү, али туража үхэхэ, нүгөөдэ хуби хотын оршон тойрондо һэлмээр сабшуулан хосорхо, үлөөшэ хуби зонииетнай дэлхэйн найман зүгөөр сасан тараажа, һэлмэ далайн, хойноһоонь мүрдэхэб.

Тоололго 23:10

Элһэн мэтэ тоо томшогүй Яковай үринэрые хэн тооложо шадахаб? Израилиин дүрбэнэй нэгэшье хубиие хэн тоолохоб? Хэншье шадахагүйл! Үнэн сэдьхэлтэнүүдэй үхэл намайе абаашаха болтогой! Тэдэнэй эсэстэл адли минии эсэс байг лэ!

Лука 21:24

Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.

Иоанн 15:8

Минии Эсэгын алдаршахын тула таанар ехэ ургаса асархат, Минии шабинар болохот.

Иоанн 17:1

Эдэ үгэнүүдэйнгөө һүүлээр Иисүүс тэнгэри өөдэ хараад, иигэжэ хэлэбэ: – Эсэгэ аа! Сагни ерэбэ. Хүбүүнэйтнай Танай нэрэ алдаршуулхын тула, Хүбүүгээ алдаршуулыт.

Хуули дабталга 10:22

Далан халуун амин үбгэ эсэгэнэртнай Египет руу ерэһэн юм. Харин мүнөө Эзэн Бурхантнай таанадые огторгойн одо мүшэд мэтээр үнэржүүлээ.

Хуули дабталга 28:25

Эзэн дайсадтатнай туһалжа, таанадые диилүүлхэ. Нэгэ харгыгаар тэдэнэй урдаһаа добтолһон аад, долоон аян замаар тэдэнһээ тэрьедэн ошохот. Тиигээд дэлхэйн гүрэн түрэнүүдээр зон таанадай гай тодхор хаража, шэшэрэн һалганан байхал.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.