Исай 26:14 - Библи

¹⁴ Мүнөө тэдэ эзэд үхэнхэй, дахин амидырха бэшэ. Тэдэнэй һүнэһэншье дахин эрьехэгүй. Ушарынь гэхэдэ, Та тэдэниие хэһээн һалгаагаат. Хэншье тэдээн тушаа һанахагүй.

Исай 26:14 Referencias Cruzadas

Иоов 24:20

Түрэһэн эхэнь тэдэниие мартаг. Үтэ хорхой үхэһэн бэедэнь найрлан сэнгэг. Тиин хамаг муу муухай хатан үмхирһэн модон шэнги унаг.

Иоов 7:9

Тэнгэриин үүлэнэй гэнтэ урдан ошодогтол Үхэлэй орон руу ябагша хүн хорбоо юртэмсэдэ бусажа ерэхэгүй.

Псалманууд 106:28

Теэд тэдэ зобожо-тулижа Эзэниие дуудаба, тиихэдэнь Тэрэ гай гамшагһаа гаргаба.

Псалманууд 135:17

Агууехэ хаашуулые хюдагша Тэрээндэ. Юуб гэбэл, энэрэл хайрань хэтэ мүнхын.

Псалманууд 36:12

Хорон муу хүн зүб шударга хүнэй урдаһаа муу юумэ һанаашархана, шүдөө хабирна.

Псалманууд 59:5

Хэсүү юумэн юун гээшэб гэжэ арад түмэндөө харуулаат, гай зоболониие зондоо дүүрэн амасуулаат.

Псалманууд 9:6

Арадуудые номгоруулаат, хорото муу зониие усадхаат, тэдээн тушаа дурсагдахашье юумэн үгы болоо.

Египедһээ гаралга 14:30

Иигэжэ тэрэ үдэр Эзэн Израиль угсаатаниие Египет зонһоо абарһан байна. Израиль угсаатан далайн эрьедэ египет сэрэгшэдэй үхэһэн бэенүүдые хараа һэн.

Һургаал 10:7

Үнэн ёһото ябадалтай хүн һайн дурасхаал үлөөнэ, нүгэлтэ хүнэй нэрэ үгы болодог.

Экклезиаст 9:5

Амиды байгшад үхэхэеэ мэдэдэг, харин үхэһэн зон тэрээниие мэдэхэгүй. Аша харюу гэжэ тэдээндэ байхагүй, юундэб гэхэдэ, дурасхаалынь мартагданхай.

Исай 10:3

Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Исай 26:19

Үхэһэн зомнай дахин амидырха! Хумхаа тооһон бологшод һэргэн бодожо, баяртай дуулалдаха. Газар дайдые шүүдэрэй һэргээдэгтэл, Эзэн нүгшэһэн зониие амидыруулха!

Исай 29:6

Түмэн Сэрэгтэ Эзэн аянга буулган, газар хүдэлгэн, ехэ дуу шуугаар, хуй һалхяар, шуургаар, түймэрэй галаар таанадые абарха.

Исай 37:19

Тэдэнэй бурхадые шатаагаал! Ушар юуб гэхэдэ, тэдэ бурхад бэшэ, харин хүнэй гараар бүтээгдэһэн модод ба шулуунууд байшоол! Тиимэһээ тэдэ юумэд усадхагдаа!

Исай 8:19

Таанадые зарим зон иигэжэ гуйжа болохо: – Һүнэһэ дуудагшадтай болон шэбшэдэг шэдитэнтэй зүбшыт. Теэд таанад иигэжэ тэдээндэ харюусаарайгты: – Арад түмэн өөрынгөө Бурханһаа туһа эрихэ ёһотой. Эльбэ жэльбэтэйшүүлые хэрэглэн, юундэ амиды зон тухай үхэһэн зонһоо асууха болонобибди?

Матвей 2:20

– Ши бодоод, хүбүүгээ эхэтэйнь абажа, Израиль нютагаа бусажа ошо. Хүбүүнэй ами хороохоёо һанагшад мүнөө хосороо, – гэжэ хэлэбэ.

Хуули дабталга 4:28

Тэндэ модоор болон шулуугаар хүнэй дархалһан, юумэ харадаггүй, дууладаггүй, юушье эдидэггүй ба үнэршье ойлгодоггүй бурхадта зальбаржа байхат.

Гэршэлгэ 20:5

Бусад үхөөшэдынь мянган жэлэй үнгэртэр һөөргөө амидыруулагдаагүй һэн. Энэ анха түрүүшын амидыралга мүн байгаа.