Исай 26:13 - Библи

¹³ Эзэн Бурхамнай! Хэзээдэшьеб Танһаа ондоо эзэд бидэниие зонхилдог байгаашье хадань мүнөө бидэ гансал Таниие магтан дууланабди!

Исай 26:13 Referencias Cruzadas

2 Угай бэшэг 12:8

Гэбэшье тэдэ Шишаагай зарасанар болохо. Тиихэдээ Намда алба хэхэ гээшые дэлхэйн хаан түрэнүүдтэ алба хэхэ гээшэһээ илгаруулан ойлгохо.

Исай 10:11

Тиимэһээ Самариие шүтөөнүүдтэйнь хамта хюдаһандал адляар би Иерусалимые мүргэдэг һиилэмэл хүрэгүүдтэйнь хамта һалгаахаб!»

Исай 12:4

Тэрэ үдэр иигэжэ хэлэхэт: «Эзэниие магтан дуулагты! Нэрыень дуудагты! Бүтээһэн хэрэгүүдынь зондо мэдүүлэгты! Агууехэ байһыень зондо һануулагты!

Исай 2:8

Газар нютагынь шүтөөнүүдөөр дүүрэнхэй, өөрын гараар бүтээһэн бүтээлнүүдтээ тэдэ мүргэнэ.

Исай 26:8

Тиимэ, Танай тогтоолнуудай замаар ябанабди, Эзэн, Тандаа найданабди! Танай нэрэ дуудаха гээшэ сэдьхэлэймнай хүсэл мүн.

Исай 51:22

Өөрынгөө арад түмэнэй түлөө тэмсэгшэ Эзэн Бурхантнай иигэжэ айладхана: «Уур хилэн дундаа таанадта үгэһэн аягаяа мүнөө һөөргэнь абанаб. Найгалзуулдаг гашуун хэһээлтын шүлэ таанад бэшэ уухагүйт.

Исай 63:7

Би Эзэнэй энэрэл хайрые дурсанаб. Маанадта бэлэг болгон хэһэн бүхы үйлэ хэрэгүүдэйнь түлөө Тэрээндэ баяр баясхалан хүргэнэб. Израилиин улад зониие Тэрэ угаа ехээр үреэн үршөөгөө, энэрэл хайраяа, бэлэг үреэлөө олоор бэлэглээ.

Исай 64:5

Үнэн зүб хэрэг баяртайгаар үйлэдэгшэ, Танай һургаалаар ажаһуухые оролдогшо зониие Та энхэрэн угтанат. Бидэнэй нүгэл хэжэл байхада, Та уурлабат. Бидэ яажа абарагдахабибди?

Амоос 6:10

Түрэлэй хэн нэгэн наһа барагшые хүдөөлүүлхэеэ, шарилынь занданшуулхаа ерэхэ. Нүгшэһэн бэе гэрһээ гаргажа байхадаа Тэрэ иигэжэ асууха: «Үшөө хэн байнаб?» Тэрэнь харюусаха: «Хэншьегүй». Тиихэдэнь тэрэ иигэжэ хэлэхэ: «Ааляар! Эзэниие дурдаагүй һаа, дээрэ».

Михей 4:5

Арад бүхэн өөрын бурхадта мүргэдэг, харин бидэ өөрын Эзэн Бурхандаа хэтэ мүнхэдөө мүргэн, шүтэн ябахабди.

Иоанн 8:32

Тиихэдээ таанар үнэн зүйлые ойлгохот, үнэн зүйл таанарые сүлөөлхэ.

Римэйхиндэ 6:22

Мүнөө таанад нүгэл шэбэлһээ сүлөөлэгдөөд, Бурханай барлагууд болобот. Тэрэнэй үрэ дүндэнь таанад арюун гэгээн болобот, мүнхын амидаралда хүртэбэт.

Коринфынхидтэ 1-дэхи 4:7

Хэн таанадые бусадһаа дээгүүр табяаб? Таанадта байһан бүхы юумые Бурхан лэ таанадта үгөө бэшэ аал? Тиихэдээ танда байһан бүхы юумэнүүд дээрэһээ үгтэһэн бэлэг бэшэ мэтээр бодон, яахадаа ямбархаа хүмта?

Еврейнүүдтэ 13:15

Тиимэһээ Иисүүсээр дамжуулан магтаалай үргэл Бурханда хододоо асаржа байял, Тэрэниие Эзэн гэжэ зүбшөөн үреэлөөрөө үргэл асаржа байял.

Нүүнэй Иисүүс 23:7

Танай урда үлэһэн тэдэ арадуудтай бү худхалдагты, тэдээнэй бурхадай нэрые бү дурдагты, тэдээгээр бү тангариглагты, тэдээндэ бү алба хэгты, һүгэдэн бү дохигты.