Исай 26:12 - Библи

¹² Эзэн, Та бидэндэ һайн байдал үршөөгыт! Манай хэһэн бүхы хэрэгүүд Танай ашаар бүтэнэ.

Исай 26:12 Referencias Cruzadas

Псалманууд 29:11

Эзэн, дуулажа, намайе хайрлыт! Эзэн, намда туһа болыт!

Псалманууд 57:2

Удамаршад, таанад үнэхөөр зүб шударгаар хэрэг шиидхэдэг гүт? Үнэн зүбөөр зониие шүүбэрилдэг юм гүт?

Псалманууд 57:3

Таанад зүб шударга бэшые һанаандаа түсэблэнэт, газар дэлхэй дээрэ гараараа хэһэн муу муухайгаа шэгнэнэт.

Псалманууд 68:28

Нүгэл дээрээ нүгэл хэһыень һануулыт, Танай урда тэдэ зүб бү болог.

Исай 26:3

Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.

Исай 27:5

Минии дали доро орохоёо тэрэ оролдог, Намтай эбтэй байха тухай хэлсээ баталаг, мүн даа, Намтай эбтэй эетэй байха тухай хэлсээ баталаг!»

Исай 29:23

Минии таанадта үршөөхэ үри хүүгэдээ хараха-үзэхэдөө, нэрыемни нангинаар сахин хүндэлдэг болохот, Намайе Яковай арюун Бурхан гээд мэдэрхэт. Израилиин Бурхан Минии урда шэшэрэлдэн байхат.

Исай 32:18

Бурханай арад түмэн һанаа амархан, энхэ тайбан, аюул гээшые мэдэнгүй гэрнүүдтээ ажамидарха.

Исай 57:10

Удаан сагта бурхадые бэдэржэ, аян замдаа ядарбашье, бусадаггүй бэлэйт. Хүсэ тэнхээгээ һэргээн, һуларангүй ябаат.

Исай 57:19

Холо, ойрын зондо бултандань энхэ тайбан байдал үршөөнэб. Өөрын арад зониие аргалхаб.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Ерэмияа 33:6

Теэд Би энэ хотые болон ажаһуугшадыень аргалхаб, элүүр энхэ болгохоб. Амар амгалан байдал, аюулгүй байдал тэдээндэ үршөөхэб.

Эзэкээл 20:14

Гэбэшье Израилиин улад зониие Египедһээ гарган абаашажа байһыем хараһан үндэһэ яһатадай урда Нэрэеэ гутаахагүйн тула Би тиимэ юумэ хээгүйб.

Эзэкээл 20:22

Гэбэшье тиибэгүйб. Египедһээ Израилиин улад зониие гарган хүтэлжэ ябаашыем хаража байһан үндэһэ яһатадай урда нэрэ хүндэеэ бузарлахагүйн тула Би бэеэ баряа һэм.

Эзэкээл 20:9

Теэд Би тиибэгүйб, юуб гэхэдэ, тэдэнэй хажуугаар тиихэдэ ажаһуугааша үндэһэ яһатадай дуулаһаар байтар Израилиие Египет орон нютагһаа гаргахаб гэжэ соносхоо бэлэйб. Нэрэеэ гутаахагүйн тула Би тиимэ юумэ үйлэдэбэгүйб.

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Иоанн 14:27

Би таанарые амгалан тайбанда орхёод ябахамни, Өөрын амгалан тайбаниие таанарта үгэнэб. Минии үгэхэ энхэ тайбан энэ дэлхэйн зоной энхэ тайбанда адли бэшэ. Таанар һанаа сэдьхэлээ бү зобоогты! Бү айгты!

Эфесэйхиндэ 2:10

Ямар байнабди, тиимээр Бурхан бидэниие бүтээгөө, бидэниие Иисүүс Христоостой нэгэдүүлэн һайн һайхан хэрэгүүдые хэдэг заншалтай байхыемнай анханһаа түлэблэн бүтээгөө.

Хуули дабталга 30:6

Эзэн Бурхантнай таанадые болон уг удамыетнай Өөр руунь зүрхэ сэдьхэлээрээ тэгүүлдэг болгохо, тиихэдэнь Эзэн Бурхандаа бүхы зүрхэ сэдьхэлээрээ дурлахат, иигэжэ амиды мэндэ үлэхэт.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!